خانة الذكريات

آه يا قلب قمر

#خانة_الذكريات
الفصل التاسع عشر
#قصص_اسراءالجميلي

صح كلامي مو عمي بالذات انت تعرف بالدين احسن من الكل ؟
شنو سحر شنو عمل ؟
فهموني ما افتهم ..
شنو رجال ديعرف روحه ديضم و ميحجي ..
اباوع عليهم تلاثتهم و احجي ..
شلون كدرت تباوع على غيري ..
شلون كدرت تعرس على غيري ..
شلون كدرت تنام بحضن غيري ..
اه قلبي .. سهمك اجه عدل بيه قسمه نصين ..
اووووف ربي ..
ابجي و احجي بجرح جبير ما يطيبه غير ربي ..
اجه عليه سرمد كمبص كبالي ..
لزم ايدي ..
عبودي نام بحضن بسمه فحطته على القنفه ..
حبيبتي و الله مجنت بوعيي ..
ما ادري بنفسي شسوي ؟
و الله اشوفكم حيوانات ..
ليش محجيت ليش مكلت ليش بقيت ضامه بصدرك ؟
خفت و الله خفت لا متصدكوني و عبالكم اهلوس ..
اسالي كاظم صديقي بالدوام ..
و الله سالتهم بغرفتنه على طبيب ..
جان سالتني اني مو مرتك ؟
مو ستر و غطه عليك ..
جان بقه بينه الكلام و نكدر نحله بسيد بشيخ .. اب أمام ..
صح كلامج و الله اني غلطان مكتلج ..
جنت احس حلكي ملجوم ..
ما اكدر اشوفكم و اخاف اباوع عليكم حتى احجي وياكم ..
و جان نسمعهم ينزلون .. حركة جنط و غراض ..
عصام : اني رايح تحلمون تشوفون وجهي ..
نسمع بسمه تكله كافي اسكت ميصير اهلك ما اذوني بيوم ..
ما اذوج الج بس اذوني الي اسكتي معليج ..
و حتعرفون منو ابنكم الزين ..
طلعوا و سمعنه ركعت باب المطبخ
زين ليش مطلكتها هااا ؟
اطلكه و الله ..
شوكت سرمد من اموت ..
لا و الله هسة رايحلهم اطلكه .. حتى اثبتلج احبج ..
اي روح طلكه روح لان اذا تبقه لارا على ذمتك..
 اني ما اريد ابقه عليه ..
ضغط على ايدي قوي ..
لج شلون ابدلج و انتِ روحي من الدنيا ؟
وج انت احبج اكثر من عبودي الي من دمي ..
كمت وكفت عاطت امي ..
امي : وين رايح يمه ؟
ابوية : اكعد ياب هسة مو وكته ..
فكر زين .. المؤخر مالتك شلون حتدفعه ؟
معليك ياب اني عرفت نقطة ضعف ذولة ..
ابوية : ابني احنه نخاف عليك بقيت بس انت النه ..
كاموا يبحون اثنينهم امي و ابويه..
قمر صفنت بعد ما حجت كلمة ..
طلبت طلب و رادت التنفيذ ..
و داعتك ارجعلك ياب ..
بس اصعد ابدل ما اريد هدوم هاي الجايفة ..
صعدت دا ابدل ..
توقعت تصعد وراية قمر ..
بس مصعدت .. حزنت كلش لان ما اجتي وراية ..
ادري حقهه .. بس اني جنت مغيب مو بوعيي ..
المهم بدلت و طلعت المسدس خليته ليورة بالحزام و غطيته بالقميص ..
اخذت جيس خليت بيه الملابس و نزلتهم ويايه ..
ذبيتهم بالزبالة ..
رحت للصالة كلهم كاعدين ..
امي على قنفتنه الكبيرة الي يم الباب و تضرب على رجله و تدعي عليهم و تبجي ..
اجيت عليهه بوستهه من راسه و اديه و رجله ..
ابويه فارش السجادة الظاهر مصلي و متربع كبال القبلة يدعي ..
رحت عليهه بوسته من راسه و اديه ..
وصلت يم قمر خاله عبودي بحضنه و دموعه تنزل و تنود بمكانه ..
كنبصت يم رجله و ايدي اليمين على رجل عبودي ..
و اليسار على راسه امسد بشعره ..
بوست ايده و راسه و رجله ..
جانت تباوع عليه ..
رفعت راسي عليه ..
غمضت عيونه و هيه بعده تبجي ..
حجيت بصوت ناصي اقرب للهمس ..
و الخلقج و سماج قمر .. ارجعلج و ابقه كل حياتي الج ..
بس ابقي يمي و ادعيلي و لا تعوفيني للموت ..
صافنه عليه ..
هزت راسه بس و هيه تبجي ..
طلعت عليهم بسيارتهم الجايفه ..
مريت على مخلد ..
دكيت بابهم ..
طلع اخو مرتضى ..
اريد مخلد ..
مرتضى : خير شكو سرمد ؟
ماكو شئ اريده بسرعة ..
صاحه و اجوي اثنينهم بره ..
اريدكم بشغلة بيه موت ..
بس ربي قادر ينجينه لاني على حق ..
اثنينهم حجو : تدلل سرمد وياك لللوحة ..
مخلد : يحتاج اجيب سلاحي ..
ميحتاج جايبه اني ..
اول ما وصلنه دكيت الجرس مرة مرتين ما فتحوا ..
اباوع فوك شفت سنار تباوع علينه من الشباك ..
جان ندفع الباب قوي انفتح ..
دخلنه صرنه يم باب المطبخ ..
دكيناه قوي ..
صاحت الخدامة ..
منو ؟
افتحي الباب لا نكسره على راسج ..
فتحته ركض ..
وينكم ؟ اهل السحر وينكم ؟
ام لارا : على كيفك عيني .. تره محد ضربك على ايدك سوسو ..
شنو جايب ناس تخوفنه ؟
لا ام لارا ما ضربوني على عيني ..
ضربتوني على قلبي و روحي و عيوني و كل حواسي ..
اني جايب شهود مو اخوف ..
ام لارا : يا عيني قهرتني يا المظلوم اهئ اهئ اهئ ..
جريت المسدس و خليته على راسه ..
ام لارا : لك هاي شنو انت صدك صايع ..
لج انتوا الظاهر مو مال تفاهم ..
عيطت الخدامة : الحكولنه يا ناس يا عالم ؟
مخلد : لج صمي حلكج لا نكتل الخانم ..
اجه الاب و البنات ..
لارا و سنار : حباب عفية عوف امي و الي تريده انسوي الك ..
اي عفية هو هذا الحجي الصحيح ..
اريد .. اريد .. اريد ..
ام لارا : اي عيني شتريد ننطيك بيوتنه و سياراتنا ..
لا ما اريد من فلوسكم الحرام شئ ..
اريد السحار منو حتى يفكلي سحركم ..
و اريد اطلك بتكم و تتنازل عن المؤخر بت الكلب ..
تعال ابوه العود ..
ابو لارا : شتريد مني اني اصلاً مرايدك .. انت خلك عامل بمعمل ..
تعااااال ..

فالقصة حدث صعب تصديقه ..