خانة الذكريات

المرض

#خانة_الذكريات
الفصل العاشر
#بقلمي_اسراءالجميلي

المضمد : راح انطي ابرة فولتارين مسكنت الالام ..
الظاهر متأذي خطية ..
ام سرمد : خل اروح اجيبلة دوشك مو مال يصعد فوك ..
اي خالة صح ..
انطاه ابره و سكت من الون شوية ..
امي : حبيبتي خليني اخذ عبودي وياية حتى تلتهين بزوجج ..
اني بقيت صافنه عليهم اول مرة اشوف سرمد هيج مريض و بهاي الحالة ..
ام سرمد : اي يمه انطيه عبدلله يروح ينعدي و مرضت سرمد قوية الطفل ما يتحمله ..
انطيته عبودي ..
ماما ملابسه و حليبه بعده ابيتكم ..
خلي اعلمج على ممته ..
امي : اعرف ماماتي انتبه عليج من تسوي ..
زين خوش ..
يلا حبيب بيبي تعال نروح بالعن ..
و راحوا امي و ابوية ..
ام سرمد : يمه ابقي يم رجلج اروح اسويله شوربة دجاج حتى من يكعد يشربه ..
اي خالة صحيح ..
ابو سرمد : اني رايح اغسل بابا و اتوضة و اصلي ركعتين لوجه الله و ادعيه يشفيلي ابني ..
اذا احتاجيتي شئ بس صيحيني راسي قبل رجليه يجي ..
اي عمو حاضر ..
راحوا و اني اجيت كعدت يمه ..
لكيته مصخن .. كمت جبت مي بطاسة و غطيته بكومة اغطية و بقيت كل شوية اغسل برجليه و ادييه ..
و ادعي من الله ..
يا نار كوني برداً و سلاماً على سرمد ..
كما كنتِ برداً و سلاماً على ابراهيم ..
ربي اشفيه شفاءاً لا يغادرُ سقما ..
بقه سرمد يومين على هذا الحال يصخن و ترجع تفكه ..
و يجي ابو حسين يضربه بهالابر و ميلحك ..
ردنه نودي مشفى رفض ..
بالفترات البسيطة الي يصحه بيه و يحس علينه ..
و اني ابد ما عفته ..
حتى من يروح للحمام نسنده اني و عصام و ادخل وياه .. همزين عدنه حمام مال الخطار بالكليدور مال الصالة قريب عليه كلش ..
بس من اريد اغسل او امر على السريع على عبودي اوديله هدوم لعب اي شئ ..
توسلت بيه بسمة انجيبه و هي تعتني بيه ..
بس خالتي رفضت .. تخاف عليه ..
و بسمة و عصام و خالة و عموو كلش مقهورين ..
البيت خيم عليه حزن مو طبيعي صاب الكل ..
الاحد الصبح عصام خابر صديقه ياخذله اجازة من المعمل ..
بنفس اليوم بثمانية بالليل تقريباً صاحني ..
قمر قمر ..
بصوت همس بالكوة سمعته ..
ها حبيبي يا عيون قمر ..
تعاي سنديني دا اكعد ..
احس جسمي مكسر مال النوم ..
كعدت و كمت اصيحهم ..
فرحانه بيه ممصدكه ..
خالة عموو عصام بسمه .. تعالو سرمد رجع يصيحني ..
اجوي ..
صفن علينه .. كلنا كمنه نبجي ..
هاي شبيكم شكو ؟
بس شنو عينه ميفتح علينه زين ..
شلون واحد بالكوة ديشوف ..
ام سرمد : ماكو شئ يا قلب امك .. جنه خايفين عليك ..
ليش ماما قابل شنو صار بيه ..
ابو سرمد : لا يابه بس ظل بالنه عليك يومين متعرف احد بينه ..
و من تصحه بس اتكول : ما اروح مشفى ..
الحمدلله حبيبي ..حمدلله على سلامتك يا نور عيوني ..
احجي وياه ميندار و ميباوع عليه ..
اني جنت كاعدة على يمنته ..
( اني كلما تحجي قمر اريد اندار عليه بس اباوع اشوفه قرد كدامي و الله قرد .. استغفر ربي بيني و بين نفسي و ادير عيني عنه ) ..
لعد عبودي وين ؟
عبودي يم اهلي خفنه لا تعديه ..
ليش شنو بيه جرب ؟
ام سرمد : لا يمه مو هيج بس فلاونزتك قوية و خفت عليه طفل ما يتحمل ..
هاهية خلص امي ..
اريده جيبولياه ..
حاضر حبيبي هسة اخابرهم يجيبوه ..
لا خلي عصام يجيبه ..
عصام : حاضر اخوية رايح هسة ..
اجه عصام باسه من راسه و راح ..
عبالك وجه لعبت نفسه من اخوه ..
مدا افتهم هذا الرجال شبيه ؟
( يا ربي شفته بعيني جلب و من اتقرب عليه لحسني باللسانه من كصتي .. اوووع لعبت نفسي منه ) ..
اجتي امي كعدت بصفي بيسرتي..
شفته جنهه دب و كعد عبالك حتوكع القنفه ..
دا احس عايش بحديقة حيوانات ابد مو بشر ..
ربي هاي شنوو ؟ ليش اسمعهم اهلي و اشوفهم حيوانات ..
اخاف صار بيه مرض نفسي ..
ام سرمد : شبيك يمه اشو مو على بعضك ؟
باوعت شفت ابوي ثور كدامي ..
و بصفه بسمه جنه بومه.
خليت راسي على جتفه و غمضت اخاف اشوفهم منظرهم يرعبني ..
ما ادري ماما احس دايخ ..
و كل هاي الفترة .. بس احلم نفسي بغابة و يلحكوني ناس اشكال الوان و جن و حيوانات و كلشي ..
ام سرمد : اسم الله الرحمن عليك و حواليك ..
اي و بعد يمه ..
و ياخذوني على المقبرة..
بس لا هيه مقبرة النجف و لا ابو غريب و لا الاعظمية ..
و لا اي وحدة شايفه بحياتي ..
مقبرة كاعهه سودة .. و كبوره سود ..
اني بداخلي كلش خايف بس ما بينلهم ..
وكفوني يم كبر جبييييير كلش و طوله يطلع ٣ امتار ..
جان يطلع واحد منه مثل الدخان ..
كلي بصوت مرعب: هذا مكانك سرمد اذا متسمع كلامي ..
و كلما اصحه عليكم و احس بيكم شوية و ارجع انام اشوف نفس الحلم ..
ام سرمد : يمه خلي اكوم من يمك ..
كامت امي وكفت كبالي ..
اتفل على اليسار ٣ مرات و اتعوذ من الشيطان و اقرة آية الكرسي ..
سويت الي كالته امي ..
بقيت اعيد و اصقل بآية الكرسي و كلما اوصل ل ( يعلمُ ما بين ايديهم و ما خلفهم ) ابدي اغلط و اخربط بيه ...
كومة عدتها و حاولت اضبطه و مكدرت و اجه عبودي ..
اسمع صوته من بعيد ..
بقلبي اكول هسة يا حيوان يصير عبودي ..

فالقصة حيوانات غريبة حولي