خانة الذكريات

و عاد التوتر

#خانة_الذكريات
الفصل الثالث و العشرين
#بقلمي_اسراءالجميلي

اختي مدا اذكرج !! منو حضرتج ؟
اني سارتك شبيك ..
نعلى على شرفج ..
لج هذا يا كو............ انطاج رقمي الا اعلمهم مبقو بس الك.......... عليه ..
دوليييي ..
سديته و تعوذت من الشيطان و خلص ..
و الابنية بعد ما اتصلت بيه ..
بس الولد من يشوفوني يكولون دومه تسال عليك ..
و تكول صح حجه كلمه اكبر من راسه بس مسامحته اني ..
ليش مسامحتني مسالتهم ..
لان متهمني ابد ..
اني اريد ارجع علاقتي ب زوجتي ..
بقيت ما اكدر اسوي شئ وي قمر ..
حاولت بس ماكو فايدة اعصابي تعبت كلش رحت الاطباء بدون محد يدري ..
ماكو بيه اي عله ..
و رجع التوتر بينه ..
الابنية ممسوي اي نقص ..
التقصير مني .. كمت احس اني مو رجال و هذا الاحساس دمرني ..
صارت ٢٠٠٦ و الاوضاع زفت و بدت الناس تطلع ..
اهل قمر قرروا يطلعون السوريا ..
كالتلي  قمر ..
عفية سرمد خلي انروح وياهم ..
انتِ شنو تحجين همه رايحين عدهم تقاعدين و اجار بيت يعيشون منه ..
اني شعندي ؟
اطير لب بسوريا ..
اذا يعجبج انتِ روحي ..
و اني شنو مرة و خايفه على نفسي ..
اني خايفه عليك انت زوجي ..
 كلهم راحوا بسيارة خاصه بوكتها جانت GMC ..
و هيه خطية كلش تأثرت عليهم و تعبت بالكوة متحمله اعصابي ..
و اني احسني كاعد على نار ..
مرت ست شهور و احنه هيج وضعنه ..
هي تأقلمت على فراك اهله ..
بس اني مدا اكدر اتأقلم على وضعي المعاق ..
طبعاً عصام راح البيت اهل بسمه ..
 بقت بسمه تتصل بقمر و امي ..
بس اني و ابوية لا ..
و مرت الايام ..
بسبب الوضع كاموا مرات على غفله يسدون معمل المرمر و نرجع من وكت للبيت ..
بيوم رجعت بالاربعة ..
اول ما فتحت باب البره حسيت قلبي انقبض ..
بداخلي كلت : استر يا رب ..
فتت للمطبخ على كيف ..
لكيت ولد كاعد على الكرسي و منطينه ظهره ..
و مكعد عبودي على ميز الطعام كباله و يسولف وياه ..
السلام عليكم ..
عبودي من شافني ظل يضحك و يحجي ..
بابي بابي اده بابي ..
اندار الرجال ..
دا امشي وكفت بمكاني لا بيدي ارجع و لا بيدي استمر ..
راسا انطه عبودي ال امي ..
عصام : شلونك اخوية ؟
هلا هلا بتربات اديه و تعلومه ..
بس حجيت من وره خشمي و بقهر ..
دنك راسه و بدت دموعه تنزل ..
و صوته تغير من دا يحجي ..
عصام : اني ادري بروحي غلطان و ماكو شئ يعوض الي سويته ..
ادري فعلي ما اله توبه ..
بس اني راح اسافر فاجيت اودعكم ..
لان هاي دنيا و الي يطلع من بيتك تفكر بيه يجوز ميرجع انوب يسافر ..
اني بستهزاء ..
ههه و وين تسافر ؟
و منيلك فلوس .. لو بالحرام الي اخذته حتى تذبح اخوك ؟
رجع نزل راسه ..
عصام : لا و الله المحل راح ..
هههههه ها نصبت عليك و رجعت اخذته منك ؟
عصام : المحل احترك ..
نطت امي و اجت لزمته من جتفه اليسار ..
امي : اسم الله حبيبي خو صار بيك شئ ؟
حط ايده اليمين على ايده ..
عصام : لا يمه لا يظل بالج ..
بس المحل مبقه بيه كشاية و رحت تنازلت اله على المحل ..
بسمة باعت ذهبه و اهله ساعدوه و راح نروح يم اسيل بالاردن ..
دفعته بيدي اليسره و مشيت ..
وخر منا عصام .. خليني اصعد فوك قلبي تعبان ..
امي : فدوة سرمد اسمعه هذا اخيك الوحيد ؟
وكفت انداريت عليهه ..
يمه اخوية اليوكف ويايه مو عليه ..
خليني ارتاح فدوة ..
صعدت فوك حسيت الم راد يخنكني ..
جنت اتمنى اصالحه بس الي سواه بيهه خلاني ما اكدر ..
لحد الان اني مو زين .. و يمكن دا ازيد ..
سافر عصام و ابوية همين رفض يصالحة ..
بس بعده كلش تعبت صحت ابوية ..
و من اطلع يظل بالهم عليه ..
كالولهم على شيخ بالنجف ..
و اصروا ودوني عليه ..
كعدني ظل يقره بوجهي ..
ابنك مسحور و بعده ما مفكوك منه ..
نومني و جاب عودة يمشيه على جسمي و يقره و على غفله يعلي صوته ..
و همين دعه و غير اشياء و رجعنه شهر زين ..
بس همين ما اكدر اتقرب من قمر ..
تعبت كلش ..
طلعت وي الولد ..
رحنه بالشقة يم عمه ..
اجتي ركض ساره عليه ..
حضنتني راساً ..
سارة : عاش من شافك يا الغالي ..
دفعته : الله يخليج ..
كعدنه و بدو يشربون و قدمولي و بديت اشرب ..
رجعت للبيت اتختل ..
دزيت مسج ال قمر حتى تفتحلي الباب بلا محد يدري ..
صعدت فوك ..
قمر .. شمت بيه ريحة ..
سرمد هاي شنو شارب انت ؟
معليج انتِ عوفيني بحالي ..
شلون اعوفك سرمد انت ليش تاذي نفسك ها ؟
ميخصج لا تدخلين ..
لعد شنو يخصني سرمد .. بطلعتك ما ادخل بشربك ما ادخل بنومتك ما ادخل ..
لعد ليش احنه سكن و رحمه فهمني ؟
لج لا تتفلسفين براسي ديربالج ..
و عطت ..
فهمتييييي ؟
بقت تباوع عليه .. وخرت طلعتلي ملابسهم خلتهم على القنفه و راحت بفراشه تبجي ..
فتت غسلت ..
ابجي بالحمام على نفسي و وضعي بس ماكو فايدة ..
حسيت ما الي لازمه بحياتهم ..
ثاني يوم جمعه ..
دنتغده ..
امي : ها متكله ؟
ابوية : دخلي شكله ؟
شبيكم تتبسبسون اريد افهتم ..
ابوية : لا ماكو شئ ؟
يعني هسة صرت غريب محد يحجيلي شئ ..
ابوية : لا ابني مو هيج الشغلة ..
بس اخاف نحجي و تضوج ..
احجي ياب احجي ؟

فالقصة نهاية سرمد ..