خانة الذكريات

شيخ جديد

#خانة_الذكريات
الفصل السادس و العشرين
#بقلمي_اسراءالجميلي

اجه عليه كعد على الطاولة الوسطية كبالي ..
لزم ايدي ..
جريتهم منه ..
كمت احسه غريب و مو من حقه يلزمني ..
حبيبتي حياتي انتِ ..
شنو احجي شنو اكول مراح يكدر يعوضج الايام الراحت من عمرج بقهر و ضيم بسببي ..
بس اني اوعدج راح اتغير ..
البارحة خابرتني اسيل و تكول اكو يمهم كلش زين ..
ما شاء الله انوب صار السفر بره للشيوخ ..
لعد شسوي فهميني ..
اني كلش تعبان و الله ..
خليت راسي بين ادية و كمت ابجي ..
و الله جنت كلما اسوي غلط بنفسي او وياكم ..
ابجي و اعرف غلط .. بس ما اكدر اتجاوزه ..
احتمال ضعف مني قلت وعي بدعيني ..
ثقة معدومة بالي خلقني و خله هالمرض يصير بيه ..
اني اريد اروح و انتوا راضين عليه ..
و اذا لا سامح الله منجح هذا الشيخ مثل ذولاك ..
وعد مني و كلام رجال و ربي شاهد عليه مو غيره ..
اطلكج و اتنازل عن حصتي بالبيت الج و الابنه ..
اممممم صار ابنه ..
اي ابنه و حجايتي غلط و استاهل عليه كل الي تكولي او حتى تسوي ..
و حتى الراجدي همين استاهله .. بس تره جان كلش خفيف ..
لان ايدج نونيه و كله حنيه متاذي ..
ههههه صاير شاعر ..
اي لعد شعبالج ..
بس سؤال ..
تفضل اسئلة ..
اذا شفاني الرجال بحول الله و قوته ..
و قررت اعيش بالاردن لان العراق يذكرني بماضييّ الاسود ..
تجين ويايه ؟
امممم شوف اني يجوز اجي .. بس خالتي شلون ؟
خالتج عليه هيي عده بس احنه و تلاثتنه مو يمه شتسوي بالكعده اهنا ..
صحيح ..
زين هسة تقبلين احضنج و الله مشتاق الريحتج ..
هسة لا .. يجوز بعدين الله اعلم ..
طلعت و بعد شهر رتبت اموري و صار موعد سفري و اجه مخلد يوصلني ..
دا اودعهم بالباب بوست امي و حضنته و طلبت منها تدعيلي ..
عبودي خطية اجه حضني كلش قوي ..
مفتقد كل ايامه على غفلة شفته جبير و عمره عشر سنين ..
دا اطلع ..
سرمد .. سرمد ..
انداريت و اجتي قمر عليه ركض و حضنتني ..
حضنته بكل قوتي ..
حجيت بأذنه ..
ان شاء يرجعلج سرمودتج ..
هههههههه ان شاء الله ..
سافرت وصلت الاسيل ..
جود و سارة صايرين بالثالث متوسط اثنينهم ..
صالحتني على عصام بالكوة و رحنه للشيخ ..
انسان بسيط عراقي طبعاً لابس بنطرون و قميص عادي ..
عنده دكتوراه بالشريعه و العلم الروحاني ..
بعد السلام و تعرفنه على بعض ..
ابو جود حجالي عليك و على وضعك و قصتك بس احب اسمعه بالتفصيل منك ؟؟
و اريد اسمك و اسم ابوك و امك و مواليدك بالمضبوط و ياريت اليوم و الساعة ..
حجيتله كلشي بالتفصيل ..
و حجيتله على الناس الي رحتلهم حتى يفكون سحري ..
ابني كل الذين يعملون السحر لاذية الناس و التفريق بينهم او جلب الحبيب او غيرها ..
لا يستطيعون فكهُ ..
لو اراد الله لّجلّبَ الحبيب و لن نحتاج للسحر ..
و المال من المفروض ان يأتي بتعب و مجهود ..
و ... و .... و .... الخ من الامور ..
زين شنو الدليل على كلامك ؟
الدليل الاية القرآنية ١٠٢ في سورة البقرة
(وَاتَّبَعُوا مَا تَتْلُوا الشَّيَاطِينُ عَلَى مُلْكِ سُلَيْمَانَ وَمَا كَفَرَ سُلَيْمَانُ وَلَكِنَّ الشَّيَاطِينَ كَفَرُوا يُعَلِّمُونَ النَّاسَ السِّحْرَ وَمَا أُنْزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولا إِنَّمَا نَحْنُ فِتْنَةٌ فَلا تَكْفُرْ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ وَمَا هُمْ بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ)
فك السحر لهُ علم و ناس مختصين و بأذن الله انا منهم ..
كعد يسالني ..
شتحلم ؟ عندك اللام بجسمك ووين ؟ صار تغير مفاجاءة بحياتك لو تدريجياً ؟ دينك شلونه ؟
اقرالي اية الكرسي ؟
بديت اقره وصلت للنص و بديت امتمت ..
فهمت ابني انت عليك عمل و ربي يقدرني و اشيله منك ..
بده يقره عليه سورة الفاتحة ٧ مرات ..
و بده يقره تسابيح و ادعيه خاصة ..
بعده لزم ايدي اليمين من بين الابهام و السبابه ..
و بده يقره اية الكرسي و سورة الجن و الدخان و غيرها من الآيات ..
بديت احس جسمي يخدر و ينمل و احس بالم براسي و نفسي تلعب ..
و مستمر بالقراءة ..
اندار عليهم كلهم جيبو انجانه جبيرة بسرعة ..
اول موصلت اتقيئت ..
و القيئ بده يطلع شعر ملفوف طويل لونه فضي .. شحم لونه ابيض .. اظافر ..
بعدما كملت و كلش تعبت ..
نومني على فراش ابيض ..
جاب مي قره عليه بصوت عالي بعض الايات القرانية ..
كلي استمر عليه ٤٠ يوم كل يوم مع وقت الاذان ..
كلما يوصل للنصف تضيفله مي ..
و ممنوع منعاً باتاً قطع الصلاة ..
شكد متكدر باليوم تستغفر و تصلي على الرسول صل الله عليه و سلم ..
كلش ارتاحيتله كل الي رحتلهم مسوو مثله ..
كل هذا الي سواه فلس ما اخذ مني ..
اتوسلت حتى هدية رفض ..
كال هديتي الدعاء اليه و لوالدي .
و بديت بالعلاج و دا احس بالتغيير من داخلي ..
اتصل بقمر دوم ..
و قنعتهم يجون للاردن..
صفوا البيت بمساعدة خالي و عمتي ..
حضنت قمر قبل لا هيه تحضني ..

فالقصة مفاجاءة لعيون المتابعين ..