خانة الذكريات

امي حتروح من اديه

#خانة_الذكريات
الفصل الثامن عشر
#بقلم_اسراءالجميلي

خففت ايدي على ركبته شوية شوية لزم هو ايدي و شمره و دفعني قوي ..
رجعت ليورة ردت اعثر ب أمي ..
انداريت شفته كعدت يمها ..
وج قمر بسرعة ريحة ركض ..
رشيت ريحة على باطن ايدي و بقيت اشممه ..
ابوية : بابا بسمه جيبي جهاز الضغط من غرفتنه ..
جابوا الجهاز قسته لكيته ٧/٤ منخفض كلش ..
قمر سوي خيار و ملح بسرعة ..
صحت امي سندته اجه الجلب راد يلزمه دفعته بيدي قوي ..
اجه ابوية ويايه ..
دخلته بالصالة و دخلنه كلنه كعدته ..
جابت قمر الخيار و انطيناه ال امي ..
بسمه شالت عبودي تسكت بيه ..
خلت لهايته بحلكه ..كعدنه ..
ابوية : شوف يابه تصرفك الي سويته وي اخوك ما اكدر احاسبك عليك ..
الا تحجيلينه شنو القصة ؟
ياب القصة بدت من قبل تلث اسابيع و قمر شاهدة ..
 يا سالفة و على شنو اشهد ؟
على المكالمات الي جانت تجينه بالليل ..
ظلت قمر مصدومة تحجي و تباوع عليه بيمنته و على عصام صاير بيسرته ..
اني بصف امي من جهة و هيه بالجهة الثانية
 ليش هاي جانت لارا يعني ؟ قصدك المعلومات الي تخصنه و حجته عرفته من عصام ؟
اي قمر .. من حزام ظهري و شيال همي ..
عاط ابوية : كااافي الغاز احجوا عاد ؟
انداريت عليه و حجيتله كل السالفة من البداية لحد ما اجيت للبيت ..
كام ابوية وكف كبال عصام ..
عصام راساً وكف ..
جان يلطه براجدي فر راسه ..
بعياط حجه ..
ابوية : لك اخوك الوحيد الك .. لك ليش ليييييش ؟
امي : الله اكبر .. حسبي الله عليج ام احمد انتِ و بت اختج ..
طول عمرج تكرهينه و تغاريين منه ..
ربي يشوفني بيكم يوم ..
اندار ابوية على امي و بعياط ..
ابوية : وج انتِ شتحجين .. وج حرامينه و كتالنه من بيتنه ..
مرته تباوع عليه بقهر و الم و واحد ممصدك ..
بسمه : عصام شلون راح اامن على نفسي وياك و انت خنت و اذيت الي من لحمك و دمك ؟
شلون فهمني ..
عصام : انتِ ما اذيتيني مثلهم؟
بصوت واحد امي و ابوية ..
ليش ابني احنه شنو سوينالك ؟
عصام : عمركم كله متحبوني و بس ادللون سرمد مع انو اني الصغير و عود لازم الدلال الي ..
شوف سرمد سوه كذا ..
شوفه شلون شاطر انت ليش كسلان ..
حتى من شبيت ..
انت ابو مكسرات و بنات فاضحنه يم العالم ..
اخوك اشرف منك ..
ليش شفتوني جبت كح......... للبيت ؟
كبرت رحت للسادس مطلعت معدل ..
شفت اخوك بلا مدرسين و كليه حكومية ..
انت كله مدرسين و بالكوة ٥٤ و اهليه ..
اي هو عقل منو كلكم اثنينه نفس العقل ..
ردت اتزوج شوف اخوك صار شكد مكمل و ميقبل يتزوج الا يكون نفسه ..
احنه كلنه صافنين ..
اني شنو ذنبي مو ردتوني اخلص من العلاقات ..
كلت اتزوج حتى احافظ على نفسي و اخلصكم من الكال و الكلت ..
شلون تزوج و تاخذ مصرفك منه ؟
لعد اخلي الي احبه تروح من ايدي ..
و اخره عبودي من صارت قمر حاااامل لحد مجابت و ليهسة ..
شوف نفسك ليش مدا يصير عدك عالج روحك ..
كام يعيط ..
شلوووون يعني ؟
شسويلكم حتى ترضون ..
حظي بالدنيا مو زين ..
سرمد : كلّ هذا الحقد ضامه بقلبك عليه و اني ما ادري ..
 عصام : اي و اكثر بعد ..
اريد احرك قلوبكم على سرمد مثل ما حاركين قلبي صار الكم ٢٣ سنة ..
مو يجوز ربيتوني غلط ؟
ابوية : اي و الله ابني لا عاب حلكك اول كلمة تحجيه صح ..
ربيناك غلط ..
لهذا اني هسة راح اصلح الغلط ..
و كام يصرخ ابوية بحركة قلب مسامعه منه ..
ابوية : بيتي تطلع منه و بعد ما اطبه ..
و جنازتي ما تحضره و لا تشيله ابد ..
الي يمشي بطريقكم بالدرك الاسفل من النار
مرتك تريد تلحكك تريد تبقه هيه حرة ..
امي : فدوة ابو سرمد .. استهدي بالله ..
ابوية : الي معاجبه حجيي يطلع وياه ..
امي : هاي تاليته ابو سرمد تطردني من بيتي بعد ٣٠ سنة زواج ..
ابوية : اني ما طارد احد ..
غير الابن الي من صلبي متاكد ..
بس مو من اخلاقي و لا تربيتي و لا تعبي ..
رجع ابوية باوع على عصام ..
عصام : اليوم اطلع ما ابقه ابيتكم .. ما عايز عليكم اني ..
طبعاً شيعوزك و انت محلك بكومة دفاتر ..
عيش اخوية بالحرام عيش ..
عصام : و عيش انت بالحلال خلي انشوف منو يوصل قبل منو ..
ابوية : تطلع هسة مو اليوم ..
صعد عصام فوك و مرته لحكته ..
امي : آآآ يمه راحووو ولدج افطيمه منج ..
واحد سحار و حاقد و اول ما ظلم بده باخو ..
و الثاني يحرك بيوت و يكتل نسوان ..
رحت بالرجلين سرمد ..
وك ليش حركت البيت يمه ليش هسة الابنية راحت و حياخذوك للسجن ..
راح ابني و مستقبله من وره المايخافون الله ..
لا يمه لا يظل بالج ..
من طلعت اجوي اهله اكيد لحكوا عليه ..
يعني ماكو اقل الخمس دقايق ..
يمه ردت احرك كل ذكرى وياها ..
قمر شبيج ليش متحجين ؟
اني ساكته احس نفسي بغير عالم ..
بس دموعي تصب ..
شحجي شكول شتريد تسمع مني سرمد ..
اسم الله عليك حبيبي بيه و لا بيك ..
اني اتزوج عليك و لا انت ..
لج هاي شدا تحجين انتِ بوعيج ..
ههههه ليش منو هسة بوعيه ..
هسة احنه عائلة مسحورة فنخربط و نحجي بكيفنه و محد يلومنه ..
مو خالة صح احجي اني ؟
انداريت على عمي ..

فالقصة الم ميروحه غير الله