خانة الذكريات

عنوان الساحر

#خانة_الذكريات
الفصل العشرون
#بقلمي_اسراءالجميلي

اجه ابوه كعدت على الكرسي كومي روحي يم بناتج ..
راحت الام بسرعة ..
مو اني الي اتحاما بنسوان ..
ام لارا : لا عيني انتوا ما تتحامون بالنسوان انتوا تعيشون على النسوان ..
احجوووووا منو السحار و وين صاير ؟
لارا : عوف ابوية فدوة .. السحار واحد صابئي بحي العامل ..
اي بر........... و سا...............
لج ام سناء روحي جيبيلي ورقتين و قلم ..
اندارت الام على بناتها ..
ام لارا : ها مو كتلكم يريد بعد مكفى الي اخذه ..
اذا اجاوبج ترتاحين خليج بدردج احسن ..
جابت الورقة مليت مخلد كتبه ورقة تنازل عن المؤخر ..
لارا : الله يخليك سرمد كل الي تريده سوي بس لا اطلكين ..
انعال برجليك اصير ..
لج نعالي انظف منج و من اخلاقج و سحرج ..
وقعي وقعي ..
وقعت وكفت مرتضى على راس ابوهم و اجيت عليهه لزمت ابهامه الايسر شخبطت عليه بالجاف قوي ..
ام لارا : الله ياخذ حقه منك يا ظالم تزوجته ليله و طلكته بلا و لا فلس ..
يا الله .. ليش انتوا تعرفوا الله ..
و اذا اني ظالم .. الله يضربني بحق هو محمد ..
دست ابهامهه على الورقة حتى تصير بصمة ..
لارا : اه اه اذيتني و الله ..
لج انتِ بعدج شفتي شئ هاي عقوبة البشر هيج اذتج ..
من ربج وين تروحين ؟
لارا : الله ارحم منك ..
اوي حبجي من الايمان ..
جبت الورقة الثانيه كتبت بيدي ورقة تنازل عن كل الي انطتنياه ..
البيت و محل الذهب و السيارة ..
خليت مخلد و مرتضى يشهدون عليهم ..
طبكت الورقة و انطيتهياه ..
هذا حقج ..
لان مو اني الاعيش على النسوان ..
احجي و اباوع على امه ..
لارا : هاي شنو ؟
افتحيه و شوفي ..
فتحته قرته و حلكه مفتوح ..
هسة اكدر اكلج .. (( انتِ طالك لارا طالك طالك ))
لارا : لا عفية الله يخليك لا اطلكني ..
بابا ماما احجو وياه عفية ..
ام لارا : خلي يولي هالحرامي اخذ فلوسج ..
لج مامااااا رجعلي كلشي ..
كلشي ما اخذ مني ..
اخذ بس قلبي و عقلي ..
مشينه و عفناهم و هيي بس تبجي و تعيط ..
طلعنه ظلو يهدون بيه الولد ..
اخذنه تكسي و رجعنه ..
وصلت للبيت اتلكاني ابوية كاعد على الدجة ينتظر ..
شافني حضني و بجه ..
دخلت وياه ..
اجتي امي حضنتني و همين تبجي ..
قمر اجتي .. من بعيد ..
حمدلله على سلامتك ابو عبدلله ..
الله يسلمج ..
لعد وين عبودي ..
نايم فوك ..
اريد اغسل احسني وسخ لا و الله قذر ..
صعدنه فوك ..

(( احجيلكم على النار البيه .. الم احسه ياكل بروحي اكل ..
دمرني سرمد .. ما اطيق اشوف وجه .. بالكوة دا اسمع صوته .. شلون كدر يضم عليه و فوكاها يخوني .. جان الي الدنيا و ما بيه .. جان كل فرحه و حلوو .. فتحت عيني على السعادة منه .. شجاه ؟ تعبانه حيل جسمي نحلان الم بداخلي و نار محد يطفيه غير الي شبهه .. و شلون يطفيه و هو ما حاس بيه .. فات يغسل مترددة افوت اساعدة لا ..
قررت لا ميستاهل نساني باول كلمه .. حضرتله هدومه ..
طلع من الحمام .. تمنيت اروح ابدله .. بس قلبي ما ينطيني اكسره .. و نفسي عزيزة ما اريد اطيحهه من اول كلمة ))

غسلت طلعت لكيته حاطه هدومي على الجرباية ..
اجتي قمر تساعدني ..
تمنيت تكلي : حبيبي اسم الله عليك .. بيه و لا بيك ..
بس و لا كلمة حجت ..
عبالك ممرضة بمشفى ..
لبستهم و كعدت على الجرباية بجهة فراش عبودي ..
هيه راحت اخذت المنشفه دا اتعلكه ..
 بقيت اباوع عليه و هو نايم ..
شلون ردت اضيعك حبيبي ..
اني راح انام تعبت من الصبح لسه .. تريد شئ ؟
ليش متتغدين ويانه ؟
لا ما اريد .. اريد ارتاح من نام عبودي شربت فاليوم ..
اريد .. اريد ..
شتريدين ؟
اريد انسه .. انام اكعد الكاه حلم ..
هااااا فهمت دنامي .. بس ترى هو حقيقة مو حلم ..
الي صار بيه اكثر شئ حقيقي شفته بحياتي ..
عشت المعشته طول عمري ..
الله كريم ..
صليت الظهر لو بعدك ؟ ترى حيأذن العصر ..
هااا اي هسة لحظة ..
انداريت و عفته و نمت ..
اجه اتمدد بصفي .. اني مغمضة علساس ..
بس من واحد يباوع عليك و انت مغمض تحس ..
حسيته بقه يباوع عليه كومة ..
نمت بعد محسيت شئ ..
فزيت قريب الغروب ..
لكيته هو همين نايم و هو ديباوع عليه ..
(( فتحت عيني شفته تباوع عليه .. حبيبتي قمورة .. اتقربت عليه .. هيي ساكته و لا كلمة .. رفعت نفسي تسندت على عكوسي و بقيت اباوع و هيه ساكته .. صرت قريب على وجه بكد الشعره ..
جان تخلي ايده على وجهي ..
وخر سرمد احسن ..
مو كلشي يرجع نفسه ..
اني انسانه و عندي مشاعر ..
خليني انسه شوية و بعدين عود ..
رجعت راسي على المخدة ..
حسيت بالمه من جنت ارفضه ..
بعدها ابد متقربتله ..
بس بدت تصير عندي شغلات غريبه ..
اشوف احلام كأني متزوج حيوانات ..
احجي وي نفسي كومة ..
المراية ما اعوفه ..
استمريت هيج شهر كامل ..
بده يظهر على علاقتي وي قمر التوتر ..
واحد قايم بواجبات الثاني كأزواج ..
من ندخل الغرفتنه نصير غرباء ..
يوم كاعدين جوة ناكل ..
ابوية : سرمد انت مرحت على هذا الكافر بلكي يفك سحرك ..
ليش اني شنو بيه ؟
قمر : انت مسحور بعدك ..
شنو خانم ؟

فالقصة سحر مستمر ..