وجهة نظر

٩. سوء تفاهم 12+

مذكرات ليلى :

و انا نايمة حسيت ان فيه حد ماسك ايدى بس مش قادرة اعرف مين ... جابلى ماية و ادانى الدوا و نمت تانى و كان لسة ماسك ايدى ... صحيت الصبح احسن بكتير ... بصيت جمبى لاقيت كريم جمبى فاتخضيت بس كان نايم .... بعدت نظرى شوية لاقيت دفتر صغير مكتوب فيه :

عندما تموت الشمس
عندما يخفى القمر
عندما تسقط النجوم

سأظل احبكِ

عندما تلتقى الأزمنة
وتصتدم الكواكب
و تفتح القبور

سأظل احبكِ

عندما تقبض الارواح
وتقع السماوات
و يعم الظلام فيختفى النور

لن اتوقف عن عشقك !

ابتسمت لثوانى مش عارفة ليه ؟ .... حاسة باحساس غريب و كأنها مكتوبة عشانى ... جسمى كله اشعر اول ما قريتها ... معقول كريم هو اللى كتب الكلام دا !؟! ....فجأة الباب كان بيرزع ولاقيت كريم لسة نايم فرحت افتح بسرعة :

١١/٣/٢٠١٥
ليلى : بابا !!!!

ماقالش حاجة و دخل بسرعة لقى كريم فى السرير

ليلى : بابا ! .... اهدا بس ثوانى انا هفهمك
احمد ( بعصبية ) : اهدا ايه و تفهمينى ايه ؟! ... وصلت بيكى الحقارة انك تعملى كدا ؟!
كريم : يا عمو و الله انت فاهم غلط ... دى ليلى -
احمد ( مقاطعا ) : مش عايز اسمع ولا كلمة !!! .... انا اللى غبى انى استأمنت واحد زيك على بنتى و شرفى بس طلعت حيوااان !!
ليلى ( و انا منهارة من العياط ) : ... ب ... بابا ...
احمد ( بصوت عالى ) : ماتقوليليش بابا دى تانى ! ... انتى من النهاردة مش بنتى ... انا هوريكى ايام سودا  ( مسكنى من شعرى جامد ) ... انجرى قدامى !!!

انا فعلا معملتش حاجة غلط صدقنى ... انا لا يمكن اعمل حاجة زى كدة ... مش مستوعبة اللى بيحصلى .... كل دا ليه ؟! ...

لما وصلنا البيت بابا رمانى على السرير فى اوضتى و قفل الباب ... فضل يضربنى و انا عمالة اقوله اسمعنى مش عايز ... لسة بيضربنى و كل ضربة بتوجعنى من برا و جوا عشان انا معملتش حاجة .... مش مصدقة ان ابويا ممكن يفكر فيا كدا فيوم من الايام .... بعد ما فقرة التعذيب خلصت اخد الموبايل بتاعى و خرج و قفل الباب بالمفتاح .... سابنى و انا منهارة جسديا و نفسيا بفكر ايه اللى يخليه يشك فيا و نمت من كتر التفكير

كنت محبوسة فى اوضتى لمدة شهر كامل كل يوم بابا بييجى يضربنى شوية و يخرج  ... ماما كانت مصدقانى و كانت بتجيب ملك من ورا بابا عشان انقل منها المحاضرات .... زهقت و تعبت من نفسى و العيشة اللى عايشاها ... للاسف سيبت الصلاه و فكرت فى الانتحار و حاولت اكتر من مرة لكن فشلت ..... رافضة الاكل بقالى اسبوع تماما لحد ما خسيت 20 كيلو و عضمى باين منى .... كنت مقاطعة ملك فى الأول بعد ما حكيتلى اللى هى عملته .... بس بعد كدا سامحتها لإنها الوحيدة اللى كانت واقفة جمبى و بتساعدنى .... انما كريم بقى عدوى الاول و الأخير بقيت اكرهه ! ... و كل ما ييجى فى بالى ببقى عايزة اخنقه .... لإنه من ساعة ما دخل فى حياتى و انا مابشوفش يوم حلو ... كله تعذيب و شك و قرف ....دلوقتى فهمت كلام مايا ... دماغى اتغيرت ١٨٠ درجة .... اتحولت من فراشة هادية و مسالمة لوحش كل همه الإنتقام !