وجهة نظر

٣. ليه بيعمل معايا كدا ؟!

اليوم خلص وزيه ايام تانية خلصت و انا انتظمت على الدوا تانى و ابتديت اقرب من ملك لحد ما بقينا صحاب و عملت زى ما خالد قاللى بالنسبة لمايا لكن الباقى مافيش فيه جديد .... و لو سألتونى عن كريم ... هقولكوا انه لسة لحد دلوقتى مايعرفش ان احنا جيران .... مش عارفة ازاى ؟ ....لكن اللى واضح قدامى إنه لسة مايعرفش .... و بعد مرور شهر تقريبا لاقيت اعلان فى المدرسة عن مسابقة هتتعمل فى ثانوى هيختاروا فيها افضل العروض ( عرض واحد لكل فصل ) عشان تتعرض فى حفلة التخرج و انا اخدتها فرصة انى ابين لكل الناس و اثبت نفسي فى الحاجات اللى بحبها و منها تكون حاجة جمب المذاكرة عشان تسلى وقت فراغى و كانت المهلة على المسابقة اسبوعين .... حاولت فيهم بكل جهدى على قد ما أقدر وكانت ملك بتشجعنى لحد ما جه يوم المسابقة ....

7 نوفمبر 2012

ليلى : يعنى ايه ؟ ... مافيش غير 4 بس اللى صوتولى ؟! ... 4 من 300 بنى ادم بس !
ملك : معلش يا ليلى ... نصيب بقا
ليلى : معلش ايه يا ملك ؟ ... دول 4 ! يعنى انتى و سارة و انا و ...... مين الرابع ؟
.... : انا
ملك : ادهم ؟!
ادهم : آه .... بصراحة العرض بتاعك عجبنى ....
ليلى : و ياريته جه بفايدة ؟ .... و على كدا بقى مين اللى كسب ؟
ادهم : كريم
ليلى : آاااااه ... كنت حاسة ... ما أنا كنت لازم اعرف من الاول ان طالما كريم يبقى اكيد هيكسب .... انا اللى حمارة و حطيت نفسى فموقف زى دا دلوقتى.... هتلاقيه مزقطط من الفرحة فيا
ادهم : ليه يا ليلى ؟ ... كفاية انك حاولتى ... أصلا انتى نافستى كريم اللى مافيش حد عملها قبل كدا ... فكى بقا
ليلى : يا ادهم انت مش فاهم المسابقة دى مهمة ازاى بالنسبالى
ادهم : لا يا ليلى فاهم ... و اللى عايز اقولهولك ان اللى انتى عايزاه دا مش هيحصل على طول و بسهولة كدا ... دا عايز صبر ... و بردو مش مسابقة زى كدا هى اللى هتحبطك يعنى .... يالا اضحكى

ابتسمت .... كان لازم ابتسم لانى اخيرا لاقيت اللى فاهمنى و حاسس بيا و عارف انا بفكر ف ايه ... ابتسمت علشان كل ما يمر عليا وقت صعب بلاقيه جمبى و بيشجعنى ... ابتسمت علشان خلاص بقيت ما ينفعش اتخيل لحظة من غيره ... ابتسمت وبس علشان اللى معاه حد كدا ف حياته لازم يفضل طول عمره يبتسم . ادهم دلوقتى بقى بالنسبالى منقذى و الشخص اللى كل ما احتاجه بلاقيه ... وقت ما بيملانى الاحباط فجأة بيدينى جرعة الأمل اللى بكمل بيها من غير ما اطلبها ... انا بجد بقيت اسعد انسانة فى العالم

فضلت افكر كدا و للاسف نسيت حاجة مهمة و هى انى كنت فى حاجة اسمها مثلث الحب او love triangle و دا من اخطر انواع الحب لان لازم فى النهاية طرف واحد من التلاتة على الاقل بيخرج برا المثلث و مايفضلش فيه غير اتنين بس .... ماحطيتش فى دماغى ان ادهم بيحب مايا و دا كان واضح اوى فى الايام الاخيرة . يعنى دلوقتى انا فى علاقة حب من طرف واحد كالعادة ....

مرت الايام و بردو لسة مافيش جديد غير ان لارا بتروح تذاكر مع زياد وترجع تاخدنى انا و فريدة و تقفل الباب و تقعد تحكى من ساعة لما رنت جرز الباب لحد ما جت ... وفى يوم اتصلت بيا و هى هناك