..سوزان المندلاوي ....
طبيت ..كراج صغير..واكو باب مطبخ ..واكو باب..خشب ..
طببني ..من باب الخشب ..
طبيت جوة ..
هول صغير ..
بس مرتب ..
كعدت ..بقينه نسولف ..اني وياا ..
كتله يلا اروح ..
مقبل اروح ..
كال الا تتغدة يمي ..
اليوم حاولت اتعذر منه ..
بس مقبل ...اول مرة طب للبيت ..
كتله استحي ..اهلك خاف ازعجهم ..
كلي ماكو احد بس اني ..ومرتي ..
ضليت كاعد بيتهم ...
كال اني وياك هم راح اروح ...
وسولفلي ..هيه مكان بعيد ...
تقريبا ..قريه ..
بس الشركه ..متكفله كلشي ..
وكال هاي ثالث سنه الي
اشتغل بهاي الشركه ..واروح وياهم.اني وزوجتي ...
كتله واطفالك ....
كال مصار ..بعد بيد الله ..
كتله الله كريم ..حبي ...
وبقينه نسولف ..
مريم دكت ..عليه ..
جاوبتها ..
الو ..
ها رعد وين صرت ...
يم صاحبي ..راح اتغدة يمه ...
هاي شنو واني ..
شبيج ...
مو تعرف اضوج اكل وحدي ..
كمت من يمه ..وحجيت بصوت ناصي ..مريوم لا ضوجين حبي ..اكمل واجي..علمود الشغل مكدرت اعتذر منه ...
خوش ..راحت ..
احسها ضاجت ...
رجعت سولفت وي سلام ...
كام من يمي ...
دزيت رساله ..لمريم ..
احبج ام امير ..
مجاوبت ...
عرفتها مطنكرة ..
رديت كتبت الها ..اموت عليج ..مرتي ..وام زعاطيطي ..
دخل سلام ...
التليفون بايدي ...
وصلت رساله..
...
فتحت..الرساله
هههههه اعشقك ..ابو اميرة ..
انتظرك مو تتأخر ...
رديت ضميت الفون بجيبي ...
دقايق ..وطبت مرة ...شابه ..
اني دنجت ...
سلمت ..رديت السلام ...
وفرشت سفرة....
وكام سلام كعد بلكاع يعدل بيها ..
ردت طبت اني بقيت مدنج ...
خلت الاكل ..
وكالت اتفضل ...وطلعت ..
بس سمعت صوتها حتى شكلها ..
ماشفته ...
نزلت واكلت وي ..سلام ...
جان الاكل كلش طيب ..وبلاخص اني من عشاق السمج ..
جان سمج وتمن .. ...اكلت ..وكمت
الحمدلله ...
ضليت كاعد ..كتله سلوم بس اغسل ...
هوة بعدة ياكل ..
صاح سمارة ...
بس رعد يريد يغسل ..
جاوبت اي ...
اشر براسه روح ..كتله لا انتظرك ...
كلي بابه رووح ..شنو غريب انت ..
واني اذا مااكركط السمجه ماكوم ...
اني خجلت ...
بس لح عليه ...
طلعت ..جان اكو ممر ..
ادور بعيوني ع الحمام ...
ثواني وصارت ابنيه كدامي ...
منتبهت بس ع عيونها صفرة ..عبالك مال بزونه ..
ومبتسمه ..بوجهي
كالت تعال غسل ..
اني دنجت ومشيت ..
وصلت كالت هذا الحمام ..
طبيت غسلت وطلعت ...
بسر عه للهول حتى لا تصير كبالي اخجل ..
طبيت للهول شفتها كاعدة وتلم ..بلسفرة..
مدنجه وتلم بيها ..
اني تعوذت من الشيطان ..ودرت راسي ..
سلام كام غسل ..
هيه بعدها بلكاع ...
اذكر لابسه ..جبه سودة بس ..لازكه ع جسمها ..
كل مفاتنها مبينه ...
هيه متروسه ...وطويله ...
دقايق ..واجه سلام ..
لمت السفرة و
طلعت البنيه ...
صااح سمارة جاي ..
كتله لا خويه ار وح اني ..
تاخرت ع البيت ..
كال والله متطلع ..
هسة اشرب جاي وروح ...
اني محسيت براحه بس ا ريد اطلع ..
وارجع للبيت .....
ضل يسولف ويحجي ع الطوبه ...
والدوري الاسباني ...بس اني مامرتاح بس اريد اطلع ...
شويه واخذتني السوالف ويا ..ع برشلونه وريال ..
يا كرستيانو ..وياميسي ...
بعد شويه ونتعارك ..
دخلت البنيه من جديد ..
.
جابت جاي وراحت ...
بسرعه شربته ورجعت شكرت منه ..وكتله انتظرك ....
تردلي خبر و
طلعت .......ركبت الدراجه ...
ودكيت ع مريم كتلها ..
جاي حبي محتاجه شي ..
كالت لا سلامتك ...
جان الهوى بارد ثلج فمشيت بسرعتي ..حتى اوصل ..
لان احس .ممرتاح ...اريد اروح يم مريم ...
.اصابيعي جمدن ..من البرد ..حتى عيوني ..كمت ماشوف ...
مديت ايدي مسحت ..عيوني ..
محسيت بشي ولا شفت شي ...
بس ضوة ابيض ...وقوي ...
اني بداخلة...
واشوف لقطات من حياتي ..عبالك ..صور..كدامي
امي..دتسبحني بلحمام ..اني طفل
وابويه ..وصلني اول يوم دوام ...بلمدرسة ..واول نجاح الي ...
وهناك واشوف ..شون بمراهقتي ..بلختله ..ادخن جكارة ..
وهنا..اني واخوني..نركص..
وامي تهلهل ..
هاي مريم ...لابسه فستان ابيض ..
وهناتكولي اني حامل ..حامل ..رعد .....
احس واحد يكولي ياولد ياولد بيك شي ...
فتحت عيني بس بعدة اشوف بياض ...
ياولد ..
ورة شويه ..
كتله اي مابيه شي ...
كامت الصورةبعيوني توضح ...
كلي خويه .. ...
سويت حادث انت ...
فتحت عيني كلها..حسيت روحي بلكاع ..
..اندار ..
دراجتي بمكان واني مشمور بعيد عنها ...
كلي تكدر تكوم..
كتله اي ...
كمت نفضت هدومي ...
كتله مابيه شي...
ورحت ع الدراجه ..متفلشه ..
انقهرت وضجت ...
كلي يمعود..
دعمتك مال موت لو تتفلش ...
فدوة بلحديد..مو بشر ..
كتله طبعا ...
كتله ماذكر ..شصار ..
كلي ...
انكلبت بيك الدراجه اني جنت واكف بابنه ..وانت طرت من الدراجه ووكعت ..
ركضت عليك ..قست نبضك ..ماكو ..
عشر دقايق ...وانت فاقد ..
غسلت وجهك ..
نفخت عليه ...
هناك وقسته ..
كلبك يدك ...
الحمدلله ع سلامتك خويه ...
الله يسلمك ..
شتحتاج اني يمك هذا بيتنه ..
تسلم ...
ضل يمي الولد خابرت ع اخويه...علاوي
كتله سويت حادث ..
عاط..ولك خوما بيك شي
كتله مابيه شي جرح ممجروح ..بس الدراجه الله يرحمها شون ..
علاوي لاتكول لاهلي ..ولا مريم ..خوش..
سهله ..جايك وين انت ..
انطيته العنوان وضليت انتظرهه ....
وللحكايه بقيه ..
