.بس عايز اعرف حاجة بما انك كنتي زميلة مجتبي و مودة احكي الحصل .......هههههههه سبحان الله شوف الدنيا دي كيف الحاجة تلف و تلف و تلف و ترجع ليك زي ما هي ...... بعتبر نفسي الدنيا اخدت حقي منك بعد اتزوجت مودة ......قصدك شنو احكي ........قصدي انت فاهمو و انا فاهمة مودة طلعت مااا.....قاطعها العمل كدا منو بس قولي لي .......لو قلت ليك حتعمل شنو ......ما عندك شغلة بس ان شاء الله ما يكون الفي راسي ......لالا ياخ انت سلبت شرف مرتو و هو سلب شرف زوجتك المصون هههههههه تبادل ادوار......لا حول ولا قو ة إلا بالله ......انسى انسى و اعمل رايح موش حياتك مع مرتك كويسة و نسيت الحصل انسى لي مجتبى الحصل و ما تنسى انك برضو عملت معاهو نفس الموقف ......نزل عبدالله من سيارة توسل و رجع البيت و هو مقرر في نفسو انو ينسى و فعلا كما تدين تدان ...... حصل معاهو نفس الشي بس ما عايز علاقة بي مجتبى تاني مهما حصل .......حيعمل شنو مثلا هو كمان مذنب في حق مجتبي .......
اليوم التاني بعد نزل وهو ناسي المفتاح جا راجع بعد ركب المواصلات نزل و جا جاري لقى مودة بتتكلم مع مجتبى ......سمع كلامهم كلو لانو كان جنب الباب و لحدي ما طلع مجتبى اتصدم في مودة انها عايزة تتطلق منو بعد كل العملو عشناها .....ما طمر فيها الخير و لا المعاملة الكويسة العاملة ليها و لا الذنب اللي غفرو ليها ......كان مصدوم و تعبان نفسيا بقدر ما زعل بقدر ما اتبسط لما اتصلت بي مجتبى و هو عمل فيها طلع ......فتح الباب و قفلو تاني و تاني فتحو براحة عايز يسمع شروط مرتو الحتبيعو عشانهم .......جا قريب سمع شرطها و اتذكر موقف صاحبتها عسجد و احمد الكان حيغتصبها.......قلبو كان بنزف دم.....بعد حب حياتو رجعت لي حضنو مجتبى حياخدها في غمضة عين......بعد شوية سمعها تاني بتتكلم .....انو نفذ .....فجأة لقى مودة بتشتم فيهو ما صدق جاها جاري .......
مودة و عبدالله كانو اليوم داك مبسوطين ختت راسها في حضنو و بقو يراجعو في حياتهم .....انت عارف يا عبدالله الكان بطير ليك العروسات منو .....ههههههههه عااارفك دي انتي ......كذاب عرفتني كيف .....من اول واحدة اتصلتي بيها و قلتي ليها انا زوجة عبدالله كلمتني قالت لي ليه ما قلت انك متزوج و زفتني زفة .....انت ليه ما قلت ليها انك متزوج ......كنت عايز اقول ليها بعد تقع في شباكي ......يا ماااكر ......منو الماكر فينا بس تعرفي يا مودة انا كنت بكون فرحان انك بتغيري ما عارف ليه بكون مبسوط و بكرر نفس الحكاية كل مرة .....كنت مستمتع ..... و انا ممغصة و قلبي عايز يقيف .....لالا بس دا بدل علي انك بتحبيني زي ما انا بحبك ....عبدالله بقى يعاين ليها بي اعجاب......و هي عاينت ليهو ......مالك بتعاين لي كدا ......انا بموت فيك ياخ
.....مودة بعد فترة نزلت الجامعة بي نفس جديدة و بي روح جديدة و بقت مجتهدة شديد ........و حملت في الفترة دي .......و بقت تحاول توفق بين البيت و الجامعة قدر الامكان ......
..بعد فترة مودة و عبدالله كانو راكبين المواصلات و جاين راجعين بيتهم قالت لي عبدالله اقيف لي جنب بتاع المنقة دا نفسي في منقة بي شطة ......يا مودة دي المرة المية نقيف في الشارع و نركب و ننزل مرة البيطخة و مرة الجوافة و مرة المنقة..... عليك الله دا البيبي العائز دي ما انا 😌 ........واشرت ليهو علي بطنها الممدودة طويل قدامها نزلو .......وقفو جنب بتاع المنقة عبدالله شاف مجتبى من بعيد دقنو و شنبو كثيفات ......لكزتو مودة اتصوف ولا شنو عمك دا .......عبدالله عاين ليها بي قعر عينو حست بيهو انو زعل 😨.....فجأة فك الضحكة و طق يدو بي يدها ههههههه اللهم لا شماتة .....
#ملحوظة :
ما تفتكر نفسك انتهكت عروض غيرك عرضك ما حينتهك ، ما تفتكري لما تغلطي ما حتتعاقبي انتي البترسمي شكل مستقبلك من البداية اذا تعيس او سعيد حتتعاقبي بي طريقة ما ، و ما تفتكري انو لما تحاولي تستري نفسك بي تفسك ربنا ما حيكشفك ؟ ما تفتكري انو الرجال ديل مغفلين و بتخيل عليهم الحاجات البتعملوها ، استغفري اولا و ادعي ربنا يسترك لانو غير ستر ربنا مااافي ستر و غير غطا ربنا مافي غطا ، و ما تفرح لما مرتك تطلع شريفة و انت سايط الدنيا بالعكس خاف اكتر لانها ما جات في مرتك حتجي في بتك قطعة منك .......الدنيا دي كلها سلف و دين فارسم مستقبل اولادك من الان بدون تهور عشان تعيش مرتاح البال و متطمن .... و أتأكد زي ما حفظت ربنا ربنا مستحيل يخيبك ......
....... الـنـهـايـة .......
