..خلاص طيب مع السلامة بينا تلفون ......دقيقة انا البتصل بيك اوعك تتصل بي انت فاهم ......اي اي فاهم فاهم 😍 ...... بعد مشى مودة بقت تفكر تعمل شنو اليوم داك راسها يودي و يجيب ......عبدالله جا اليوم داك بارد معاها سلم بي برود .....قالت ليهو مالك فى حاجة ......لالا مافي حاجة لكن نسيت مفتاح المحل و ......و شنو عملت شنو ما يكون الراجل صاحب المحل شاكلك ......لالا خلاص تصبحي علي خير .....و انت ما عايز تنوم ......لالا خليني بنوم بي راحتي ما عايز اساهر بيك ......لالا خلاص بساهر معاك ......قلت ليك ياخ امشي نومي ......مشت مودة نامت متضايقة مالو عبد الله الليلة ؟ .......
اليوم التاني صحت من الصباح لقت عبدالله برة نايم في الفرشة الفي البرندة ......صحتو قالت ليهو مالك نايم كدا ......ماف شي ......طلع بدري شرب الشاي و طلع ......مجرد ما طلع مودة سمعتو جرت اتصلت بي مجتبى قالت ليهو شروطها ......اولا عايزة انتقم من عسجد و احمد لانو عملو فيني موقف كعب شديد .....قال ليها موقف شنو و انا اكسرهم ليك ......ما ليك دخل بس نفذ ......خلاص كويس بنفذ و دي ساهلة اتصال بدمرهم ......تمام بعد تخلص اديني خبر ......كويس تمام ......
مجتبى اتصل بي احمد وين انت يا حمادة .....موجود في شقتي ......معاك مزة ولا براك كنت عايزك في حاجة ......لالا معاي مزتي .....ايوا خلاص بديك تلفون تاني .......قفل منو اتصل بي الشرطة و بلغ عن مكانهم و هو وقف بعيد يراقب .......جو خموهم هو و عسجد متلبسين بي ملاياتهم .....
رسل لي مودة خلاص تمت المهمة بي نجاح .....اتصلت بيهو طوالي .....بالسرعة دي .....طيب عملت شنو ......بلغت عنهم .......ايواااا و جو ساقوهم ......ايوة ساقوهم متلبسين كمان ......انا مشيت وقفت جنب الشقة من بعيد و اتاكدت.......في ياتو قسم .....القسم (....). ...طيييب تمام ......طيب تاني في شئ ......
..لالا في حاجة بسيطة بس .....اها قوليها و انا بنفذها ليك ......انساني ..... ولا اجي في احلامك ولا خيالك يا وقح...... معقول صدقت اني ممكن ارجع لي واطي زيك .....كدرت حياتي و خربتها ....ابيع راجلي الراجل عشان واحد واطي زيك ......و قفلت الخط في وشو ......و كانت حاسة دا انسب عقاب ليهو لانو اتاكدت انو لسوق بحبها .....فجأة عبدالله داخل عليها .....اتخلعت و نططت عيونها .....ع ع ع .....انا ....انت جيت .....نسيت حاجة ولا شنو .....جا قعد جنبها في السرير قال ليها انا عرفت اي شي .......اي شي كيف يعني و بقت ترجف .......رجعتي ثقتي فيك من جديد.......انا اسي شايف مودة الزمان حبيتها .....مودة النقية الما لوثها غبار العاصمة ......حضنو بعض و بقو يبكو ......انا اسف علي كل الحصل مني الضرب و الاهانة و الذلة .......انا استاهل اكتر من كدا لاني ما قيمتك و حاليا بعد رجعت لي نسيت دا كلو ......انا كمان نسيت و اكيد حنعمل ذكريات جديدة احلى من الفاتت ......اكيد ......
بس انت عرفت كيف الحصل ......شكيت لما جات زوجة مجتبى هنا .....متين جات هنا .....تتذكري يوم مجتبى جاني. .....اها الحصل شنو ......مرتو تحت قالت كلمة انا ما ركزت معاها قالت لي مجتبى جيت هنا لي شنو حنيت للقديم .....بس لما قعدت مع نفسي و اتذكرن الحصل ما صدقت نفسي .....معقول يكون مجتبى هو الشخص العمل كدا ......مشيت البيت و راقبت مرتو من قريب لحدي ما جات فرصة و قدرت اتكلم معاها .......
#####
عرفتيني ولا اذكرك بي نفسي .......لالا عرفتك انت صاحب متوكل اتلاقينا في مقهى ليلي في دبي كيف انساك ياخ انت دمرتني ......ما تلوميني انا براي لومي نفسك ......انا اساسا نسيت بس ما عايزاك تذكر الكلام دا ولا حتى بينك و بين نفسك .....
يتبع....
