مجتبى فجأة اتصل بيها .......اتخلعت عاينت لي عسجد لقتها نايمة ......ردت براحة ......الوووو .......هلا والله .......انت لسة صاحي ؟ ......انتي نمتي ولا شنو ......لالا والله ما نمت .....طيب ليه ما بتردي علي رسايلي ......رصيدي قطع معليش. ...... اوووو انا اسف كملت ليك رصيدك .....لالا ما مشكلة .....خلاص تصبحي علي خير .....و انت من اهلو ❤ ..
...مجتبى من الصباح رسل لي مودة رصيد و اتصل بيها قال ليها وصلك الرصيد ......مجتبى دا انت الرسلت الرصيد دا .....ايوة عشان كملتو ليك .....بتبالغ طبعا لانو دا مبلغ كبير انا افتكرت ديل ناس البيت رسلو مصاريف ......لالا والله ما كبير و لا حاجة و بعدين انا عايز اتكلم معاك ما عايزك تنقطعي مني ......مودة هنا غلبها الكلام و قلبها دا شدة ما بدق قرب يطلع من مكانو ......مالك ما رديتي .....ارد علي شنو .....علي كلامي اني عايز اتواصل معاك ولا انتي ما عايزة تتواصلي معاي ......لالا اكيد عايزة والله ......طبب تمام لما تصلي الجامعة اديني مسكول .....خلاص كويس .....مودة وصلت الجامعة و قالت لي عسجد اسبقيني على القاعة اسي بجي ......عسجد م شت مسافة حست مودة داسة منها حاجة بس دي شنو وقفت بعيد و بقت تعاين لي مودة ......مودة اتصلت بي مجتبى رفض المكالمة ......اجي مالو دا ياربي ......رجع ليها على طول ردت ..... وصلتي ؟ .....ايوة وصلت .....وين انتي اسي .....جنب البوابة .....طيب اقيفي جاي عليك ......مودة قفلت و وقفت و هي متوترة و يديها برجفو ......جا مجتبى من بعيد قاشر كالعادة ... ...جا سلم عليها و هو طبعا قلبو في يدو ......قال ليها كيفك كويسة .....الحمدلله كيف انت ....بخير والله الحمدلله مشتاقين 😍 .....امممممم بالاكتر .....بالجد ؟؟ 😍 .....دنقرت و ماردت .....انتي محاضرتك الساعة كم .....بتبدا 9 و انت ؟ ......انا كمان بس بعديها ما عندي حاجة .....انا يومي ملان والله .....بالجد خلاص نتلاقى نهاية اليوم .....خلاص تمام عن اذنك ......اتفضلي ......
عسجد فهمت كل شي مجرد ما مجتبى جا داخل و البسمات المتبادلة .....مودة جات عسجد قالت ليها كنتي وين .....لالا مافي اي مكان .....طبعا عسجد ركبت ليها وش الككو و بقت ما بتتكلم معاها .....يابت مالك ؟ .....ماف شي قلت ليك ......بسم الله ا نا عملت ليك شي ضايقك .....لالا .... طيب مالك ؟ ......ارح نفطر خلي الكلام الكتير .....مشو الفطور عسجد قالت لي مودة جيبي لينا الفطور انتي .....مشت مودة تجيب الفطور عسجد قامت سريع فتحت تلفونها و بقت تقرا في الرسائل ......مودة جات بدون ما عسجد تنتبه لقتها بتفتش في رسائلها ما قالت ليها بتعملي في شنو بس قعدت جنبها .....عسجد اتصدمت و ختت التلفون كانها كانت بتشوف في الساعة .....
عدى اليوم دا و بقت مودة متنشنة من حركة عسجد صاحبتها ليه حاولت تتجسس عليها كدا و اساسا اليوم متغيرة منها ....... اخر اليوم لاقو مجتبي جنب البوابة معاهو مجموعة من الشباب مما شافهم جا عليهم .....كيفكم .....الحمدلله كويسين عسجد بدات تتراشق .....كيفك يا مجتبى اخبارك شنو ليه ما ظاهر .....لالا موجود .....اها اليوم حفلتكم دي ما عايزين تعزمونا عليها .....اكيد مودة ما كلمتك .....مودة فتحت خشمها قالت ليهو ايوة ك.......قاطعتها عسجد هههههه ما كلمتني غايتو يا مودة عليك جنس غتاتة ......مودة بقت منططة عيونها 😨..... خلاص يا شابات نتلاقى في الحقلة المساء اوع تتاخرو ......مودة قالت ليهو ان شاء الله......عسجد اكيد طبعا نحن نقدر نرفض ليك دعوة زي دي .....طيب نتلاقى طلعو من الجامعة و مودة راسها كلو قرون من حركات عسجد .....فكرت انو عسجد اجمل منها ممكن عادي تختفو .......
المساء لبسو ليهم فساتين ناعمة .....مودة لبست فستان لونو بصلي الصدر بتاعو من الجينز و باقي الفستان قماش عادي هادئ و عسجد لبست فستان شاذ شوية مورد بالكحلي و الابيض و الازرق المخملي و لبست معاهو طرحة كحلي و قصيرة و صدرها كاشف كل شوية تجر عليهو الطرحة نظام تغطيهو .......مودة حاسة بالغيرة من جمال عسجد و رقتها اكيد اليوم مجتبى ما حيعاين لي لانها حتختف الانظار بس ما قالت شئ بس جواها خوف ...طلعو من الداخلية بعد المغرب بي شوية و نزلو تحت لقو مجتبى واقف بي بوكس دبل كاب ......مودة طبعا اتهجمت في الاول و استغربت وجودو جا عليهم سلم علي مودة بابتسامة عريضة عاين لي عسجد سلم عليها و هو متحرك ......عسجد اتضايقت و بقت تعاين لي مودة عاجبو فيها شنو دي ....بس الحب ما بفرز دا جميل او لا و احساس عسجد تجاه مجتبى مجرد اعجاب بي وجاهتو و اناقتو و حاسة انو عايزة تختفو باي طريقة ....مجتبى زاتو ما مقصر متشيك و لابس بنطلون اسود و تي شيرت لبني فاتح ......فتح العربية الباب القدام قال لي مودة اتفضلي .....قالت ليهو شكرا و هي متوترة من راسها لي رجلينها و حتى لمن جات تركب العربية عترت و اتحرجت حتى ركبت كويس ......عسجد ركبت ورا و هي متضايقة ......بدا يتونس مع مودة اها يومكم كيف و كدا ....ما عايزين نتاخر لانو الداخلية بتقفل .....ما تخافو ياخ ساعة ساعتين و برجعكم بي نفسي .....خلاص تمام شكرا ليك .......وصلو شارع النيل و لقو الناس ملمومين .....
يتبع....
