.مودة لمن شافتو جاي عليها اتخلعت و طوالي اتحركت من مكانها ما عايزة تلاقيهو ......مشت سريع بس هو كان اسرع ......مودة يا مودة دقيقة لو سمحتي ........توسل اتغبنت شديد و بقت تعاين دا شنو دا ياخ احمد شوفت صاحبك ......لالا ما تخافي صاحبي ماشي يعتذر مجرد اعتزار لانو عامل فيها مثالي ..... لكن ما شفت صحبتك اتفضحت فضيييحة بي جلاجل ......احمد عاين لي عسجد و غمز ليها بي عيونوو و قال بي فخر ......دا كلامك اصبري انا محضر ليها مفاجأة تانية بس ألقى الفرصة .....توسل مركزة مع مجتبي......مجتبى عايز شنو موش كفاية العملتو و دموعها جات نازلة ......انا اسف يا مودة والله ما بيدي .......لالا انت اساسا متعود انا شفتك قبيل مع توسل انت ما بتخاف ؟ ......اولا توسل زوجتي على سنة الله و رسوله و عاقد عليها بس ما حصل ......ايوااا يعني انا بي هنا اتفضح و انت تعقد بس حسبي الله ونعم الوكيل .......في اللحظة ديك شافت عبدالله داخل علي الجامعة قشت دموعها و جاتو جارية و مسكتو من يدو هو زاتو استغرب ......مجتبى اعرفك علي زوجي .......عبدالله قال لي مودة انتي بتعرفي مجتبى ......اي بعرفة انت بتعرفو ......ياخ دا صديق عمري ......مودة بقت مصدومة و مجتبى مصدوم ....عبدالله قال ليها ما دام بتعرفيهو خلاص انا كدا اطمنت عليك في زول من الأهل في الجامعة .......مودة سكتت و عاينت لي مجتبى في عيونو . ......مجتبى دنقر راسو و خجل و قال ليهم عن اذنكم عندنا محاضرة انا ماشي ......
عبدالله قال لي مودة مالك في شنو ......لالا ماف شي بس ما عايزة اقرا انا تعبت حبسة البيت احسن لي ......رجعو البيت و عبدالله قال ليها انا طالع راجع السوق ......مجتبي حكي لي توسل و عسجد و احمد انو مودة اتزوجت ......اجي ما ظاهر عليها وين حنتها و جيهتها .......عسجد قالت ليها اساسا بتكون مرة كسلانة ساي و طقو يديهم مع بعض ....عسجد بقت تقول ليهم و مالو راجلها ما طلقها ياربي ما كشفها ولا شنو .....همست ليها توسل في اضانها يابت بتكون دبرت روحها انها ما تتكشف. .....هههههه والله صدقتي البتعمل كدا بتكون عااارفة درب الحرفيين هههههه ....بقو يضحكو عليها عسجد و توسل بي شماتة .....مجتبى بقى بالو مشغول مع مودة و في تغيرات كتيرة حاصلة ......ليه ما بحس مع توسل نفس احساسي بمودة ياخ دا شنو دا..... و بقى متضايق انو مودة اتزوجت .......و كمان اتزوجت عبدالله صاحب طفولتو ......عدت سنة و مودة قالت لي اهلها انا جمدت السنة دي لكن بنزل السنة الجاية عشان عايزة اتفرغ لي بيتي شوية ......امها على مضض وافقت و قالت ليها برضو نحنا عايزنك تجيبي لينا الشهادات و نقول بتنا قرت و اخواتك يقتدو بيك ......ان شاء الله ي امي السنة الجاية بنزل ..
.مودة عايشة مع عبدالله زي البت الشغالة بس تنجز شغل البيت من نضافة و غسيل و مكوي و طبيخ و يجي عبدالله اخر اليوم زول نوم بس عندو شغالة بتعمل اي شي و هو جاري البحث عن عروسة و لا اتهزت ليهو شعرة تجاها و مافي كلام بينهم اساسا غير جيب و جيب و حتى لو هي حاولت تتكلم ببقى نقاش و بذكرها بي غلطة عمرها و يخليها تبكي و تعضي اصابع الندم و يمشي ......مرة مودة قاعدة تجهز في الاكل عبدالله جا داخل اتكلم بالتلفون و يتضاحك ساي ......قال ليها انا زول عرس بس لا خطوبة ولا جرجرة ......مودة قلبها اتقبض و بقت متغايظة دا شنو دا عبدالله عايز يعرس ......مالك و مالو خليهو يعرس يشوف حياتو اسي عرسو ليك دا اسمو عرس ......جاها قال ليها مودة انا جيعاان جيبي لي سريع ناكل .......خلاص كويس ......ختت الصينية و بقو ياكلو الاكل أبي يتبلع ليها. .....و نفضت يدها سريع قالت ليهو شبعت ......دخلت جوة غرفتها عبدالله جا بعد اكل دخل الحمام جرت سريع شافت التلفون المكالمة الاخيرة قريب ساعتين ......اتغاااظت شالت الرقم ......عبدالله جا طالع ما سالها قال ليها .......انا طالع تاني ......اتغاظت شديد ......لكن الدنيا ضلمت و انا بخاف اقعد براي ......لالا مشوار نص ساعة بس .....ما بقدر قلت ليك ......انا وعدت زول اجي أسي دي ......لالا ما تمشي ......هووووي ها شنو ما تمشي دي بتقوليها لي بي صيغة امر كدا ......شال تلفونو و طلع قفل الباب طاخ بي وراهو ......مودة بقت محروقة ......مشت سريع لقت التلفون اتصلت ......ردت عليها بت بي صوت نااااعم ......هلا منو معاي ......هوي ها انتي بتعرفي عبدالله من وين .....انتي المنو و بتعرفيهو من وين .......انا زوجتو يا حلوة انتي المنو ......انا انا قفلت الخط في وشها.......مودة قلقت شديد و بقت ما عارفة تتصرف كيف ....في النهاية عبدالله جا زهجان .....
يتبع....
