غلطة عمر

الجزء 03

.....دا قريبي من بعيد لكن بس عرفتو بالصدفة الليلة الصباح ......ايوااا ماشاء الله عندك اقارب هنا في الخرطوم ......لالا ما اقارب شديد كدا يعني بعيدين شوية ......ايوااا ماشاء الله والله بقرا في سنة كم مجتبى دا.....سنة رابع باقي ليهو سنة واحدة ويتخرج ......ماشاء الله .....عسجد زولة على قدر من الجمال و كمان بتعمل ميك اب و بتلبس عادي اسكيرتات و عبايات .......مودة مبسوطة بالجامعة شديد و عندها تلفونص صغير اهلها بحولو ليها فيهو رصيد و كدا و بتطمنو بيهو عليها ......مرت فترة كدا و مودة ما لاقت مجتبى ما معروف اختفى وين بس ما ركزت كتير ......و في يوم كان اخر اليوم كان عندها لاب بتاع حاسوب قبل ما تدخل الاب شافت مجتبى جاي ماري باللاب عاينت ليهو شديد منتظرة انو يتلفت عليها .....فجاة بس اتلفت كدا شافها طوالي رفعت ليهو يدها بي لهفة و ابتسامة عريضة .....مجتبى بدون ما يشعر رفع يدو و بقى يعاين ليها جوة عيونها .....لحدي ما هي دخلت اللاب .....مجتبى قلبو بدا يدق ❤❤❤....لاول مرة في تاريخ حياتو قلبو يدق كدا ......هو طبعا مصدوم انو قلبو بدق لي مودة 💔.....معقول البت الكان قبل فترة بضحك مع صاحبو علي شكلها ققلبوم ا يدق إلا ليها ......قلبو ما بطل دق لحدي ما طلع من الجامعة و بقى يفكر فيها و يتذكر ابتسامتها و رفعة يدها ليهو و اللهفة الفي عيونها ....

.خت يدو في صدرو و قف مسافة قال في نفسو .....معقووول يا قلب ما لقيت غير مودة .....مشي البيت و سلم على امو و اخوهو الصغير محمد بقرأ في الثانوي ممتحن و دخل غرفتو .....بس ما في حاجة في راسو غير مودة و ابتسامتها ......حتى ليلو كلو عداهو بفكر فيها و اول يوم لاقوها و تاني لما لاقتو بي لهفتها ......اليوم التاني مما جا الجامعة بدا يفتش في مودة بي عيونو .....و هو في الكافتريا.....و هو مع اصحابو .....و هو في المحاضرات بعاين بالشبابيك عسى انها تجي مارة ...... مشي اليوم الاول و ما لاقاها .....و اليوم التاني و التالت و هو بفتش فيها معقول .....مالها بقت ما بتجي ولا شنو .....قرر في نفسو يزوغ من احمد و توسل و يمشي قاعتها و يشوف محاضرتهم شنو و يمشي يشوف الحاصل .....

مشى شاف الجدول في البورت و شاف اسم القاعة و طلع فوق ......لقى المحاضرة بدت 💔 ......ما قدر يدخل و هو كمان عندو محاضرة بتكون بدت .....عاين للساعة لقاها 2 .....لكن لو محاضرتو بدت كانت توسل مسكلت ليهو ......بقى يعاين بي الشباك ما شايفها. .....رجع و خاطرة مكسور نفسو بس يلاقيها بس يشوفها هو زاتو ما عارف ليه بس بتمنى يشوفها من جوة قلبو ......أثناء ما نازل من السلم ماشي على قاعتو توسل مسكات ل يهو .....مشى سريع لقى المحاضرة بدت دخل سريع مشى قعد في بنش غير البنش البقعدو فيهو هو و توسل و احمد. ....قعد ورا شديد .....بقى قاعد بس يفكر هل حيلاقي مودة تاني و متين حيلاقيها و هو ما عندو ليها اي رقم تلفون ......توسل اتلفتت ورا لي مجتبى .....ماشافها و هي بتاشر ليهو .....فجاة اتلفت قالت ليهو مالك قعدت ورا ......لالا مافي شي.....طلعو من المحاضرة توسل جات عليهو قالت ليهو مالك الليلة يا مجتبى ما مركز ؟؟ ......لالا ماف شي عن اذنكم انا مستعجل عندي حاجة ......جرى خلاهم واقفين هي و احمد .....جرى قاعة ناس مودة لقى ياداب المحاضر طلع ......بقى يفكر خجلان يكون جا مخصوص عشان مودة قام نزل تحت قعد في بنش تحت السلم طوالي على اساس لو شافتو تجي تسلم .....نزلو الطلبة و هو بلمحهم كل دقيقتين عشان يشوف مودة بينهم .....

يتبع.....