و انا جاهز بس بقيت علي بت الحلال و لما شفتك والله عجبتيني شديد و انا زول تاجر في السوق دا والحمدلله مرتاح ما ناقصني شي. ......مودة فالت لي مودة رغدة اديهو رقمك يابت ادتو رقمها و مشت عبدالله بقي قلبو ماكلو و الغيرة عايزة تكتلو ......
ركبهم امجاد و دفع ليهم .....الطريق كلو يتونسن بي موضرع الزول ا لعايز يتزوج رغدة ......وصلو البيت رغدة دخلت مع مودة بيتها .......طلعو الحاجات الحاجبوها و قالت ليها ......مودة شوفيهم حلوات كيف و فيك حيبقو مبااالغة ......اي والله زوقك حلو عقبال نشتري ليك شيلتك يارب ......تسلمي يا مودة ما عارفة لكن خايفة يكون الزول دا ما متعلم .......يا رغدة صدقيني القلم ما بزيل بلم و انا اسي عبدالله دا احسن راجل في الدنيا شايفاهو و برضو ظروفو ما سمحت ليهو بس عادي بكتب و بقرا الجرائد ......لالا يختي بري بري منو راجلك دا صعب عديل صراحة حارمك من اي شي ......مودة دنقرت.....رغدة حست انو في حاجة ما حبت تضغط عليها ......انتي شايفة التعليم ما مهم .....والله في ناس م تعلمييين بتصرفو تصرفات مخلص مبالغة و في ناس ما حصل دخلو مدرسة يس رجال صحي صحي و بتختو في الجرح يبرا ......اي والله بس يا مودة صراحة الشهادة مهمة برضو .....انا ما قلت ليك ما مهمة بس يعني ما معناها زول ما متعلم معناها جاهل و كعب . ....خلاص يا زولة بفكر و بستخير ......ربنا يقدم ليك الفيهو خير يارب ......تسلمي حبيبة انا بمشي بعد كدا .....سلمي علي امك عليك الله و قولي ليها اسفة اني اخرتك ......يابت عادي ان شاء الله يوصل ......رغدة رجعت بيتهم تفكر و سرحانة ....
.يابت مالك جيتي متبومة كدي .....والله يا امي صراحة في زول صاحب عبدالله قال عجبتو .......هي جيد لينا اها من وين احكي لي بالتفاصيل ......حكت لي امها ......يا بتي كدي استخيري و الخير كلو يجيبو ربنا...... أن شاء الله. .....رغدة عندها اختها اسمها رندة في الثانوي بت هادئة و طيبة شديد .....و عندها اخت صغيرة في الاساس اسمها رنا بس ديق مشاغبة و اليوم كلو جايطة البيت ......مودة بعد جابت الحاجات بقت تفكر اسي ديل تلبسهم متين و هي خايفة من عبدالله هو اساسا معاملها.زي اختو .....ما عملت شي و ما لبست من اللبس الجابتو بس قعدت تندب حظها انها ما متزوجة زي باقي النسودان و ليه عبدالله معلقها ....ربنا بغفرص ليه ما عايز يغفر ليها العملتو ......فررت تتكلم معاهو بعد يجي من الشغل ......جا اليوم داك مكشششر و اتعشي و قعد قال ليها مودة ......نعم 😒.....عايز اطلب منك طلب ......اها طلب شنو ؟ .....عايزك تعملي حنة عشان الناس ما تتكلم ......ايوااا عشان الناس طيب و انا .....انتي شنو .....انا مالي و مال الناس اعملها عشاني ليه عشان الناس ؟ ......علي كيفك ......و بعدين دي ما عيشة دي احسن ننفصل و اي زول يشوف طريقو.....كمااان ليك لسان تتكلمي ؟ بي ياتو عين و بي ياتو لسان بتتكلمي و انا طلاق ما يطلق تقعدي كدا ناسية العملتيهو يعني ......قالت ليهو خلاص موش انا ما شريفة و انت ابو الشرف كلو طلقني عشان ما الوثك ياخ طلقني ياخ .......و دخلت جوة و قفلت الباب و بقت تبكي ......بقي صدى كلامها كلو في راسو ( موش انا ما شريفة و انت ابو الشرف كلو ) .....ابو الشرف كلووو ......
جاهو اتصال من مجتبى ......وييين يا جبوية كيفك ههههههه .......هلا عبود اخبارك ياخ وين مختفي ......موجود والله ......ليه ما بتسال .....ما قلت انك عندك جامعة و كدا ما اشغلك بي .....لالا ياخ اشغلني ساي انا خلصت زمان يا زول بس عايز اعزمك انت و مدامك علي زواجي ......ماشاء الله ماشاء الله الف الف مبروك ياخ والله فرحت ليك شديد ......خلاص تشرفنا في بيتنا وطبعا عارفو ما محتاج وصف .يوم الجمعة الجاية .....تمام والله خلاص ان شاء الله نصلك اها عاملنو غدا ؟؟ ......لالا عشاء ان شاء الله ......خلاص بنصلك باذن الله الف مبروك ......الله يبارك فيك .......قفل منو
مشي دق الباب لي مودة ......افتحي دقيقة عايزك في موضوع ....
يتبع....
