...دنقرت و خجلت .......رفع ليها راسها و لا انتي شايفة شنو .......الانت شايفو اعملو .......ساقها من يدها و شاركها الليلة ديك كانت من اجمل ايام حياتهم بس لسة مودة حاسة بالذنب و حاسة انو غلطة عمرها دي صعب تتنسي خاصة انها ارتبطت بي اول ايام حياتها الزوجية........ بس بحاولو بقدر ما يقدرو يتناسو. .....عبدالله.... نعم ؟ ......رغدة دي خطبها صاحبك انا بمشي اقيل معاهم .....خلاص تمام امشي .....
مشت مودة بعد عبدالله طلع وازرت رغدة صديقة عمرها الطلعت بيها من الدنيا الوقفت معاها في المرة قبل الحلوة ......الله يتمم ليك علي خير حبيبتي ......اللهم امين حبيبة انا. متلخبطة ما عارفة اشتري الحاجات المحتاجاها متين ولا اتدخن متين ولا اعمل شنو الوقت ضيق ......اهدي اهدي كلو بتم باذن الله باقي تلاتة اسابيع انتي لو اتوترتي ما حتعملي اي شي ......بقو يجهزو في حاجات رغدة و كل مرة مودة و ام رغدة ناطين السوق لي خطيبها و يقولو ليهو محتاجين كدا و كدا و هو ماشاء الله ما مقصر ما صدق انو وافقو عليهو ......
بعد قضت التلاتة اسابيع و آخر يوم قبل العرس ...رغدة قالت لي مودة انا انشغلت بي روحي اها انتي امورك ماشة كيف ......مودة ضحكة و دنقرت قالت ليها .....خطتك نجحت هههههه .......حضنتها قالت ليها ما مصدقة يا حليلك ربنا يسعدك يارب .....و يسعدك انتي كمان اها لسة خايفة من عمر؟ ......لالا والله كلامك صاح الشهادة ما بتقيم الراجل بتقيمو اخلاقو انا كنت فاكرة انو حيكون متضايق اني عندي شهادات و احسن منو او كدا بس بالعكس بقى يستشيرني في اي شي حتى شغلو بقول لي انتي اوعى مني و بتفهمي اكتر .....يا سلااام شفتي .....اي والله و كمان بسمع كلامي ما بسمع كلام زول غيري بقول لي انتي شايفة كدا خلاص......لبستي خاتم في اصبعك قبل ما تتزوجي يااا معلمة هههههه .......هههههه معلمة شنو يابت ......الله يسعدك يارب ....اللهم امين ......
يوم العرس طلعت رغدة احلى عروسة رزينة و رايقة و جمالها هادئ و عمر زوجها عايز يجن عليها اليوم داك مما مسك يدها باسها ......قالت ليهو تسلم حبيبي براحة كدا.....حبيبي؟؟ كدي قوليها تاني .......سكتت ......بقو يتونسو و يدردشو مع بعض و هو ماسك يدها .......بعد شوية تاني باسها. ......رغدة عاينت لي مودة و مودة عاينت ليها و عايزة تضحك بس ماسكة روحها ......جرت يدها تاني جراها منها باسها ......مودة كانت جنب رغدة قالت ليها دنقري .......دنقرت فيها .......شفتي الراجل دا فضيييييحة .......ههههههه شايفاهو .......اعمل ليهو شنو دا هسي كل ثانيتين يبوس يدي الناس حتقول شنو ......يابت دا راجلك مالك ومال الناس. ... و بعدين بكون مخلوع في جمالك ....رغدة عاينت لي عمر قووووي .......مالك في حاجة .......انت القال ليك تعمل كدا منو ...صاحبي في السوق سالتو قلت ليهو العريس الراقي بعمل شنو في العرس قال لي ببوس يد عروستو بس دي كل مهمتك تبوس يدها فقط ........رغدة ضحكت لمن عايزة تقع من الكوشة .......مودة لكزتها. ......دا شنو يا بت اركزي ........قالت ليهو بوسة واحدة بس لكن مش الليلة كلها .......ايوااا اسف معليش ......رغدة قالت ليهو تاني ما تسمع لي كلام ناس السوق ههههههه ........هههههههه شكلي لخبطت الدنيا .......رغدة حست بيهو اتخرج جات جنبو مسكتو من يدو ......هو بقى يبشر للناس الجو ....قالت ليهو براحة اسفة حبيبي .......هو بقى منطط عيونو ......قلتي شنو ......ما سمعت ؟ ......لالا سمعت عايز اسمع تاني .....خلاص بعدين .....عدى العرس بي سلام و مشو العريس و العروس .......
و في يوم حياة عادي. عبدالله صحى بدري قال لي مودة قومي الصباح اصبح .......لالا خلينا ننوم شوية انا تعبانة. .....رجعو نامو ....صحو لقو الشمس طلعت قال لي مودة اتاخرت دا كلو منك ياخ ......معليش يا عبودي اسفة .......عبودي طالعة زي العسل 😍......سكتت جهزت ليهو لبسو و جابت ليهو شبطو لبس سريع .....دقيقة الشاي جاهز .....لالا ما بلحق والله ......طلع سريع سريع ......مودة كوركت لي ام رغدة بالحيطة قالت ليها كيف اصبحتو ......بخير الحمدلله و انتو كيفكم ......الحمدلله والله ......تسلمي يا بتي .....مودة كانت مبسوطة شديد و بتفكر في حياتها كيف اتغيرت الحمدلله بعد كانت اتعس زول في الدنيا بقت حياتها سعيدة .......مودة بقت شغالة في البيت.......لقت كمية من المفاتيح حقات عبدالله عرفت انو نساهم ......الباب دق .....قالت و هي ماشة علي الباب..... عبدالله عرفتك حتترجع تشيل المفاتيح عشان مفتاح المحل صاح .......فتحت الباب و بقت متصلبة في مكانها ......مجتبى لزاها و دخلها جوة .......عايز شنو اطلع برة .......عايز اتكلم معاك يا مودة بس عايز اقول ليك اني ما نسيتك. و الله كل يوم في بالي ما قادر انساك و احساسي بيك حقيقي انا اتاكدت من كدا ...... مجتبى انت بتقول في شنو اطلع برة ياخ انت ما بتفهم انت خزلتي من البداية خليني اعيش حياتي بي سلام .......انا متاكد انتي ما نسيتيني بس المسغرب ليهو كيف عبدالله اتقبلك بعد الحصل ......ايوااا انت ما عايز زول يتقبلني ما عايزني اعيش من بعدك حياة طبيعية دا كل القصد......لالا ما كدا بس ما متحمل اشوفك مع زول غيري ......خلاص مافي نصيب اطلع برة و تاني ما تجي هنا لانو انا مراة براي لو عايز تجي زيارة محترمة تجي بي ادبك و لما عبدالله زوجي يكون موجود ......ما قادر اصدق نسيتي كيف حبنا ......زي ماانت نسيت و اتزوجت صحبتك .....والله ما نسيت وانا اتزوجتها لكن زواج مصلحة و ابوها بساعد ابوي في حاجات الشركة و كدا ......خلاص طيب دا بتحكيهو لي ليه عايز مني شنو انا مراة متزوجة و راجلي صاحبك ......انا عايزك تتطلقي منو اطلبي الطلاق و انا بتزوجك .......والله اتزوجك و اعمل ليك احلى عرس و اعيشك احلي عيشة و انا مقتنع تماما .......مودة اتخلعت من كلامو و بقت تعاين مسافة 😨......اتطلق معقولة .......اي ليه ما معقولة انتي من حقك تعيشي مع الشخص العايزاهو يكون مناسب ليك و بتحبيهو من قلبك .......مودة سكتت .....مجتبى قرب منها ......خليك في مكانك خلاص انا بفكر و ما تجي هنا تاني انا عندي شروط و بتصل بيك .......مجتبى فرح شديد و اتبسط و ما صدق خلاص مودة حترجع ليهو .....حب حياتو حيرجع تاني و يتلم شملهم ........
يتبع....
