.سكتت و دنقرت .....انا ما عاشقك سنين و اتغشيت فيك حسبي الله ونعم الوكيل ......عبدالله انا برضو اتغشيت و ما كنت متمسكة بيهو ولا شي هو خزلني و قال لي بعرسك و بقى ما برد على تلفوناتي .....كنت رافضاك عشان حسيت بي صدق مشاعرك و ما عايزاك تتصدم فيني و بقت تبكي ......
.ربنا قاسم لي كدا بس ما قادر اسامحك خالص قلبي دا مابيك ليه تعملي كدا يا مودة ياخ انا كنت خاتيك ست البنات كلهن و لما جيتك الجامعة لقيتك بقيتي تعرفي تلبسي و ماشاء الله دا الخلاني اقع في حبك تاني بس ......خلاص يا عبدالله اعمل العايزو بس اعرف اني تبت والله هي غلطة واحدة بس غلطة عمر و حسبي الله في العمل فيني كدا ......خلاص انا حاخليك تنزلي الجامعة لانو اهللك افتكرو اني ما عايزك تدرسي ولا تتقدمي في حياتك افتكرو اني ما عايزك تبقي احسن مني و انا بالعكس كنت عايز ليك تكوني الافضل من الجميع بس قدر الله .......و فعلا تاني يوم نزلت الجامعة وصلها لحدي الباب ......و لما جا يمشي مسكتو من يدو عبدالله انا خايفة و قربت تبكي ......عبدالله عاين لي يدها ......طوالي فكتو قالت ليهو معليش. ......و دخلت ......عبدالله جاي طالع من الجامعة لاقى مجتبى نازل من العربية و معاهو توسل وصلو ياداب عاين ليهو .......مجتبى جاهو قريب سلم عليهو بالاحضان أو. وووو عبود يا ......وين انت يا زول. ......هلا جبوية كيفك .......ياخ انت ما بتبطل حركاتك دي جبوية دي انا ما بحبها ياخ ......هههههه ياخ يدلعوك بي شنو ياخ مافي غيرها ......يا زول الجابك جامعتنا شنو الليلة ......والله .....(ما عايز يقول مرتي ) وصلت بت عمي ياخ انا ما اشتغلت بي جاي سوق ام در .......لالا ياخ خليت قطر مالك يا زول ......قلت كفاية غربة ياخ ......لالا تمام احسن برضو عايز اعرفك .دي خطيبتي .......اتلفت مجتبى لقاها دخلت وينها دي .....معليش يا عبود عندنا محاضرة بدري عشان كدا بتكون مشت تلحق ......خلاص بس اهم شي اديني رقمك ......خلاص سجل عندك .......
مشى مجتبى دخل الجامعة و عبدالله مشى شغلو.....مودة داخلة مدنقرة و مشت علي البورد لقت جدولها بدو ليهم كم يوم بدات تنقل في الجدول جو بنات عاينو ليها قالت ليها دي مودة البقولو عليها عليك الله اول مرة اشوفها .....هي سمعتهم هم افتكرو انهم بتكلمو براحة .......استغربت مشت القاعة دخلت البنات سلمو عليها بي اطراف يديهم ......عسجد جات عاينت ليها من فوق لي تحت و سلمت عليها سلام بارد .......مودة وقفت ليها قالت ليها كيفك و كيف اهلك ......بخير الحمدلله و مشت خلتها ......استغربت دا شنو في شنو .....بعد المحاضرة الاولي خلصت مودة جرت لي عسجد مالك يا عسجد الحاصل شنو......ما عارفة الحاصل يعني. ......ما عارفة والله. ......الجامعة كلها عرفت الحصل ليك. ......مودة بقت منططة عيونها كيف يعني الحصل لي شنو ......مع مجتبى ما اتذكرتي ......مودة دي دايرة تقع من طولها من الصدمة قالت ليها حص حص حصل لي مع مجتبى؟ .......اي في السيارة معقول نسيتي ولا متعودة ......مودة بقت مصدومة.معقول بقت سمعتها في الارض اهلها لو سمعو بقتلوها ماف اتنين تلاتة .....والله يا مودة ما اتخيلتك تكوني بالشكل دا معقووول يا مودة تعملي كدا ما بتخافي من الله انتي ...... انا اسي مستحيل اكون زيك و مستحيل اتخيل حتى تخيل اني ممكن اكون مكانك سبحان الله دنيا اخر زمن البنات تصاحبيهم يطلعو ما مربيات و اخر حاجة عايزة اقول ليك اني مستحيل اصاحب واحدة زيك صديقة سؤ و اتفوووو علي امثالك .....مودة مصدومة ما مصدقة عسجد تفت ليها في وشها 😨.....عسجد اخر شي و هي ماشة قالت يخسسسي ......
مودة دموعها بقت نازلة بدون ما تشعر طلعت سرعة مشت و را الجامعة و بقت تبكي براها و تبكي بي حرقة على الوصلت ليهو حياتها اتدمرت تماما و سيرتها على كل لسان .....دا منو الفضحها معقول مجتبى هو الفضحها حسبي الله ونعم الوكيل......أثناء ما بتكبي و المكان فاضي ورا مافي زول حايم شافت من بعيد اتنين بعملو في حركات و هم جاين عليها و بتوشوشو ......اتخلعت و نططت عيونها حست المكان دا مشبوه بقت تعاين الساعة لقتهم توسل و مجتبى ......صدمتها زادت بقت تقول اساسا طبعو كدا الزول دا اساسا دا حالو معقول ما خايفين زول يقبضهم ......بعد شوية مشو خلو المكان و بعدهم طوالي مودة طلعت ماشة علي الباب اتصلت بي عبدالله و هي بتبكي ......الو عبدالله تعال رجعني البيت ......مالك في شنو صوتك دا مبحوح كدا بس تعال رجعني انا زاتي قراية ما عايزة اقرا .....خلاص طيب بجي اسي ما تتحركي من مكانك .....
..قفلت الخط شافت صحبتها عسجد من بعيد واقفة مع احمد صاحب مجتبي بعد شوية جو عليهم مجتبى و توسل ......معقول عسجد اللاماها مع ديل شنو ......واقفة تراغب فيهم من بعيد بعد شوية جات عينها في عين مجتبي شافها هي طوالي قبلت و اتخلعت و اتوترت ......مجتبى قال لي توسل و ناس احمد عن اذنكم دقيقة و جاء جاري علي مودة .....
يتبع...
