Hindi ako nakasagot agad. Napabuntong hininga ako. "Tsk. Matutulog lang talaga ako sa bus, 'di ako bababa," ungot ko pa. Natawa lang siya. Kinuha ko na ulit ang waiver. "Pasok na ako, dad." Niyakap ko siya. "See you later!"
"Mag-iingat ka."
"Yes, sir!"
"Ma, alis na ako!" Sigaw ko paglabas para marinig niya. Hindi ko na siya pinuntahan sa garden. "Love you!"
"Umuwi ng maaga ah!"
Napasimangot ako. Hindi na ako sumagot at lumabas na ng gate para hintayin ang binook kong Angkas. Tsk. Mukhang mal'late pa ako ah. Alam ko namang malayo sa school ang bahay namin pero bakit hindi ko magawang umalis ng maaga? Sa totoo lang, hindi ko rin alam. Ang mahalaga naman ay pumapasok ka 'di ba? 'Di bale nang late, 'wag lang absent. Ganon dapat. Hindi 'yong porke't alam mong late kana ay hindi kana papasok. Dude, that's not a good behavior! Ekis! Anyway, nagc'commute lang ako. Yes, may sasakyan naman ako pero si mommy muna ang gumagamit no'n dahil hindi convenient para sa akin ang magdala ng kotse sa school. Sa tindi ba naman ng traffic dito sa lugar namin, aabutin ka talaga ng tatlong oras sa daan kapag naka-four wheels ka. Natuto na ako. Kaya I choose Angkas or Joyride tuwing papasok. Kapag pauwi naman, it's either sinusundo ako ng tatay ko, or sumasabay ako sa friends ko. Gusto ko ang ganitong setup. Nasanay na ako dahil simula noong nagkolehiyo ako, lagi ko na 'tong ginagawa.
Inilabas ko ang phone ko para bumati sa gc namin.
'Good morning mga panget!' chat ko sa gc namin named THE NOTORIOUS SQUAD!
Si Rob ang gumawa ng nitong group chat at ako naman ang nagbigay ng pangalan. Astig 'no? Wala kayong pakialam kung hindi, 'yan ang unang pumasok sa isipan ko, okay?! It sounds so badass! Apat lang kaming members dito: si Skylie Rae, Samantha Khail, Kim Robert, at syempre ako...your girl, Gwen Chloe.
Skylie's: Sup? Late again?
Skylie's is Samantha's nickname rito sa gc at Samantha's naman ang kay Skylie. Ang corny nila 'no? Sarap pagbabatuhin ng mais. Walang respeto sa mga nags'self-love at mga walang jowa. Kung itatanong niyo naman kung anong nickname ni Rob dito? It's baklang waladede. Si Ulap ang nakaisip nito. Ang akin naman, si Roberto ang nagbigay; it's babaeng hindi jowable, which is so untrue! Hindi ba pwedeng choosy lang, o natrauma? Sa sobrang jowable ko nga parang gusto ko na lang jowain ang sarili ko kaysa masaktan ako sa iba.
Okay, enough. Masyado nang madrama
'Syempre!' proud na reply ko kay Monteclaro.
Samantha's: 'Wag kanang pumasok. Nagsasayang ka lang ng pamasahe.
:Bakit? Ikaw ba nagbabayad ng pamasahe ko?!
Baklang waladede: Sayang panty, girl.
Nag-angry react ako sa mga messages nila. Nakakainis kausap 'tong dalawang 'to. Puro pangbabara lang ang nakukuha ko sa kanila, at mga hindi pa matitinong kausap.
:Mga walang kwenta. Si Sam lang matino rito. Yes, Sam. Late na naman akez. Traffic ahuhu : ('
Baklang waladede👻: Ayiee akez daw. May namimiss si ate girl.
