The closer I get to love,
the further away it seems.
• The Irony of Love (Lang Leav)
Chapter 2 - GWEN CHLOE
3 years later...
"Mama! Ano 'to?!" Hindi makapaniwalang tanong ko kay mama. Gusto kong maglupasay dahil sa ginawa niya. This is treacherous! "Ma!"
"Ano?!" Sumulpot naman agad siya na nakagwantes pa, galing sa labas, doon sa garden niya. "Kung makasigaw ka naman diyan." Nakabusangot kong ipinakita sa kanya ang hawak kong papel. "Waiver mo 'yan. Anong problema?"
"Bakit niyo naman po pinirmahan? Sinabi ko bang pirmahan niyo?!" Masama ang loob na turan ko at saka nagdadabog na nagpadyak ng paa. "Hindi nga ako sasama eh!"
Isa itong consent paper para sa paparating naming tour. Hindi world tour, ibang tour 'to. Museum tour. Pupunta kami sa isa sa mga kilalang Museyo rito sa bansa. At ayaw kong sumama dahil ilang beses na akong nadayo roon. Por pabor! Una, noong nagpasama sina Rob at Skylie para lang magpicture. Pangalawa noong trip lang ni mama na dumaan; gusto niya lang daw silipin pero naging tour din, tipong kawat kasulok-sulukan ng palapag sinilip na namin tapos may kasama pang 'facts sharing' mula sa kanya. Kabisado ko na nga lahat ng mga nakadisplay roon eh, at may pictures din ako. Aba! Sabihin lang nila, gagawan ko na lang sila ng slideshow presentation.
"Ba't naman ayaw mong sumama?"
"Ma, museum ang pupuntahan namin!"
"Oh, ano naman?"
"Mommy, nakapunta na ako roon! Naaalala mo 'yong pinuntahan natin para silipin kuno?" pinagdiinan ko ng slight sa kanya. "Do'n ang target. Dalawang beses na akong napadpad doon eh. Nagsasawa na ako!"
"Tsk. Tumigil ka, Gwen Chloe. Pupunta kayo roon para may matutunan kayo, hindi para mamasyal lang. Napirmahan ko na 'yan, sumama ka!"
"Mama naman eh!" Hindi na niya ako pinansin. Tinalikuran niya ako at lumabas na ulit. "Ma!" Tawag ko pa. "Nakakainis naman oh!" Ngumuso ako, mas matulis na kaysa sa kanina. Napansin ko naman si daddy na nandito rin pala sa sala, busy magkape. "Dad, hindi niyo man lang ako tinulungan!"
"Huh?" Maang niya. "Tinulungan saan?"
Napamaang din ako. Hindi ako makapaniwala na sa lakas naming mag-usap ni mama ay dedma lang siya at wala talagang narinig. "Dad, nasobrahan kana yata sa kape." Lumapit ako sa kanya at inilapag ang waiver sa table. "Pinirmahan ni mama oh. 'Di dapat ako sasama eh. Ang mahal pa ng registration!"
"Ano 'to?" Kinuha niya ito at binasa. "Oh, tour pala." Nag-angat siya ng tingin sa'kin. "Ayaw mong magtour? Noong high school ako, gustong-gusto ko ang mga ganito. Exempted kana sa klase, nakagala ka pa!"
"Dad, hindi naman ako galang tao at hindi mapirme kagaya mo. Kay mommy ako nagmana."
"Ang sakit mo namang magsalita, anak."
Natawa ako sa biglaang paglungkot ng tinig niya. "Dad...seryoso nga! Help me. Kausapin mo si mommy."
"Anak, isang araw lang naman 'yan. Pagtiisan mo na. At saka kung napirmahan na ng mommy mo, wala na tayong magagawa. Gusto niyang sumama ka kasi hindi naman malayo at hindi naman delikado ang gagawin niyo. H'wag na nating kontrahin, hindi na magbabago ang isip non."
