Tanging Mahal [BxB/Complete]

Tanging Mahal (Chapter 57 : Tuparin Mo)

Tila maluluha si Ren sa sitwasyon ngunit pinigil niya ang sarili. Ramdam niya ang mahinang paghinga ni Jerry dahil sa kanyang pagkakayakap. Sa kalungkutang nadarama para sa matalik na kaibigan ay nagsalita si Ren bago ipikit ang mga mata ngunit hindi na niya napigilang pakawalan ang mahinang pagsinghot.

‘Kung ano mo ‘yan Jerry, malalampasan n’yo din yan... matulog ka na.’

Naramdaman ni Ren ang paghaplos sa kanyang kamay.

‘Ikaw din... tulog na, iyakin...’

-----------------------------------------------------

 

Chapter 57 : Tuparin Mo

 

 

‘Pare...’

‘Ano balita?’

‘OK na.’

‘Ayos yan, nga pala, ano? Nagsumbong ba?’

‘Ha! Takot lang nun...’

‘O ano, sasali ka ba, inaantay ka ni Master kung sasali ka daw ba?’

‘Ah, pag-iisipan ko muna...’

‘Ganun ba, sige... tawagan mo ko pag nagbago na isip mo.’

‘Ge...’

‘Nga pala—‘

‘O?’

‘Curious lang kame pare... di ka ba nag-enjoy sa pa-birthday namin?’

‘G@go, alam mong sabog ako nun...’

‘Ulul, sabog daw? Eh sino kaya yung gigil na gigil nun?’

‘Wag na natin pag-usapan yan.’

‘Ok, ok.. ge.’

----- ----- ----- -----

 

‘Uh, bakit di ka na sumasabay?’

‘Kumusta na siya?’

‘Magaling na mga sugat niya... ano bang nangyari sa inyo?’

‘Wala na kami...’

‘...’

‘Please... ikaw na bahala sa kanya...’

‘Bakit... may nagawa ba siya, may kasalanan ka ba?’

‘A-ah wala, hindi ko nga alam eh... s-sige na... salamat sa’yo.’

‘Sigurado kang Ok ka lang...?’

‘Oo...’

----- ----- ----- -----

‘Uy musta?’

‘Eto kung maka-kumusta parang di nagkita kahapon.’

‘Hahaha!’

‘Bakit ka napatawag?’

‘Wala, kumustahan lang...’

‘Gagu, ako pa inartehan mo.’

‘Pssshh! Sige na.’

‘O kita mo to, pikon agad, ano nga yun?’

‘Wala nakalimutan ko na sasabihin ko.’