هروب من قدر /مكتملة

الهروب الثالث

قضمت شفتها السفلى وهي تذرف الدموع.
قالت بقهر / خليني اجي معك! بابا والله بموت لحالي هون! انتا بتعرفني ما بحب اكون بين ناس غريبين!
تنهد عيسى وهو يضع حاسوبه المحمول في الحقيبة/ ما رح طول ميهاف. كلها يومين وراجع اوك؟
ارتجفت شفتاها بحزن واستسلمت، لن يقتنع بأخذها معه/ماشي.

رمش هادي ببطء وهو يراقب ذلك المشهد الدراميّ أمامه.
منذ رآها وهي تبكي!
قال هادي/ يلا الطيارة بتستنا.
عيسى/هادي، ميهاف بامانتك لحتى ارجع. انت الوحيد الي بتعرف انها بنتي ورح تقدر تتعامل مع الوضع.

أومأ باقتضاب ولم يجب.. جلست ميهاف حين خرج والدها وخلفه هادي.. انفجرت بالبكاء وتمتمت بالانجليزية/ ليتني لم آتي.

.
.
.

عاد هادي إلى الداخل، مشى ببطء نحو السلم ولكنّه توقف حين سمع صوت بكائها، هزّ رأسه بملل وهو يصعد/ كيف هاي البنت الناعمة ممكن تكون بنت وحش متلو؟
قبض يده بحنق/ ما بستاهلها، والله ما بستاهل!

التقى جوان التي خرجت فجأة أمام وجهه وهي تمسك بصينية عليها كوب قهوة وتبدو حزينة وتبكي، رأته فمسحت دموعها
/مالك جوان؟
رفعت رأسها/ ولاشي. السيد فراس بغرفتك بستناك.

رمش قليلا وهو ينظر الى كأس القهوة المليء، مد يده وأخذه، تمتم وهو يمر من جانبها/ وانتي ما بستاهلك كمان.
اتسعت عينا جوان من جملته وهمست/ شو مالو اليوم؟

فتح باب جناحه وهو يشرب القهوة، قال وهو يجلس أمامه/ ما كان لازم تحرجها!
قال فراس بنظرة باردة/ ما حكيتلها جيبي قهوة. هي جابت وانا رفضت في مشكلة؟
ابتسم بسخرية/ لا
فراس/ راح عيسى؟!
هادي بحقد/ راح... لجهنم ان شا الله... الله ياخدو!
فراس هزّ رأسه باعتراض/ من اول يوم عرفت القصة حكيتلك اصبر وما تخرب كل اشي.

برزت عروق رقبته وانتشر اللون الاحمر في وجهه من الغضب/تخيييل انك تعيش بنفس البيت مع الي قتل ابووك! شو بدك ياني اعممل! والله غصب بتطلع بخلقتو
ضرب الطاولة بيده/ بكون بدي اخنقو! ادفنو.. اشرب من دموو!

حافظ فراس على هدوئه وهو يجيب/ وشو بتستفيد؟! هو بينقتل وبموت! بس الباقي شو؟ كيف بدك تدمر المنظمة واحد واحد؟ لازم تصبر لحتى ندخل فيهم يا هادي!
تجمعت الدموع بعينيه دفعة واحدة وهو يصدّ عنه ويضرب رأسه بالحائط بقهر تقشعر له الابدان/ كرهتووو! صورة بابا وهو عالارض بسبح بدمو مش راضية تفارقني.
ارحمني يا ربي... ارررحمني!

مرّر فراس يده على شعره بحزن على حالته، هو ليس مستعداً لأن يعود هادي مرة أخرى إلى عزلته التي فرضها على نفسها لمدة سنة منذ مقتل والده، الشيء الوحيد الذي أخرجه من تلك العزلة هو استلامه لصندوق أمانات والده الذي يحتوي على ملفات كانت تكفي حتى يعرفوا كل شيء، مقتل رائد - والد هادي - وسببه ومسببّه!