The Last Elysian Oracle (Published under PSICOM)

XXX | The Voices

Cesia's POV

Hindi lang pala kami pinatawag ni Hermes para tulungan si Ria, na nauna nang bumalik sa van para magpahinga. Pinapunta niya kami rito dahil kailangan niya rin ang tulong namin.

Habang nakaupo, lumitaw sa kamay niya ang isang maikling staff na kulay ginto at nagliliwanag. "Do you know what this is?"

"The herald's staff," sagot ni Kara. "The caduceus."

"I'm glad you can still recognize it, even in its broken form." Pinihit-pihit ng god ang kanyang maikling staff. "I assume you have seen Iris' caduceus?"

Humaba ito sa kanyang kamay, pero gaya ng sinabi niya, may kulang pa rin. 'Yong dalawang ahas na nakapaligid sa ibaba ng dulo nitong isang pares ng pakpak.

The herald's staff. Kilala ito sa mortal realms bilang simbolo ng medisina, pero sa mythological realms, may mas malalim itong kahulugan—kapangyarihan at koneksyon. Kaya't 'yong mga deity na nagmamay-ari ng caduceus ay mga messenger gods at guides na may kakayahang magtatag ng koneksyon, magdala ng mensahe, at magpatibay ng balanse sa lahat ng uri ng pagitan.

"I am having a hard time moving between realms because it is f*cking broken."

Napakisap-kisap ako matapos marinig si Hermes na nagmura.

"Someone f*cking stole it and returned it to me f*cking broken."

"Woah," ani Chase. "Chill lang tayo rito, bro, maaayos din natin 'yan."

Malakas na bumuntong-hininga si Hermes. "Tell me, Alphas." Tinignan niya kami, bahagyang nakanguso ang mga labi. "What is my purpose in life?"

Hindi kami sumagot, hindi alam kung anong sasabihin.

"A lot," sagot ng god sa sarili niyang tanong. "And I cannot do a lot if the symbol of my power is incomplete. For aside from my perfect looks, this—" Ipinakita niya sa'min ang staff niya. "This is what I am known for."

Palihim kong sinulyapan si Chase na nakapikit habang tumatango-tango.

"Looking for the missing parts is sisyphean!" reklamo ni Hermes.

Sisyphean? Ano 'yon?

"It means pointless." Nabasa ni Kara ang aking pagtataka. "From the tale of King Sisyphus."

"Do you know where I found this?" ani Hermes. "Floating in the middle of the Pacific! I had to scrub and sanitize it because it smelled like a rotting corpse left out in the sun!"

Dumagundong ang kanyang boses sa buong palapag.

"My symbol! Desecrated!"

Buong gusali na ata ang yumanig dahil sa galit niya.

"I'm going to find whoever stole this from me and curse them to Tartarus." Tumahan na ang kanyang boses. "Which is why I have no time to look for them myself—the intertwining snakes." Naglaho ang kanyang staff. "I need you, Alphas, to find the missing pieces of my staff for me."

"An Arcadian told me about several places in the mortal realms, filled with snakes and not just snakes. I heard it has all sorts of creatures. Do you know of it?" tanong niya. "It's where mortals lock up animals for the sake of entertainment."

"A zoo?" kumpirma ni Dio.

"Yes, a sue."

"Zoo," sabi ni Chase.