Pilit sinusubukang paghiwalayin maski ang ating mga katawan
Nagmistula ng mga selda sa mga salitang nagmamakaawang makalaya
Ngunit hindi pinagbibigyan
Silang may mga rehas at mapagmatyag na mga mata
Silang mga nagdedekta na mauuwi lang ang lahat sa sakitan
Na hindi kakayanin ng iyong mga kislap ang aking kalungkutan
Na ang ihip mong mabangis ay walang ibang dala kundi kapahamakan
Pero mahal, gabi gabi, hindi ko mapigilang mamangha
Sa gandang dala sa pagtatalik ng mga tala at dilim
Hindi ko makita ang piligro sa hanging mabagsik
Na walang ibang hinangad kundi tulungan ang mga alon na maabot ang dalampasigan
At paikot ikot lang tayo, mag-iba man tayo ng anyo
Magpatalon talon man tayo sa ibat ibang panahon
Sa ating muling pagkabuhay ay bumabalik tayo
Dito, sa ating ikaw at ako
Palibutan man tayo ng mga taong tatawagin nating sila
Ay patuloy tayong pinagtatagpo ng mga salitang Mahal Kita
Ilang beses na tayong umalis, ilang beses na tayong bumalik
Kaya mahal, hindi na ako natatakot ngayon
Alam kong kahit nakapikit ay matatagpuan kita
Dahil ang ating mga pusoy natutunan ng sumayaw sa dilim
Gumising man ako sa mga panahong hindi tayo magkakilala
O may iba tayong mga kapareha
Sa susunod na buhay susubukin nating muli
Kahit ganito nila tayo laging pinagmamasdan
Palaging inaabangan ang isang hiwalayan
Bahagharing hindi sapat na malaman ang pinagmulan
Pilit hinahanap ang dulo at katapusan
Gaya kung sa kung paano nila sambahin ang karimlan
Tuwing nilalamon ng buwan ang araw sa papawirin
Pero ni minsan, hindi nagtagumpay sa dalang sinag ng bagong umaga
At ganito, tayo, palaging magpapaalam
Kagaya ng ulan, iligaw man ng mga ulap sa tuktok ng kabundokan
Anurin man sa ilog na rumaragasa
Ay mahahanap at mahahanap ang daan pabalik sa karagatan
Kagaya ng bulkang pilit na pinatatahimik ng mga naglalakihang mga bato
Kaya paring pagbitak bitakin ang lupa di kayang pigilan ang sidhi
Na kagustuhan nating kumawala
Hito ang aking walang hanggan na kahit ngayon nanginginig
At kulokulobot naay hindi pa rin tumitigil na abutin ka
Hito ang aking mga hiyaw na kahit matagal ang pagbalik ng kanilang alingawngaw
lalo mo lang matutuklasan kung gaano kalalim ang pag-ibig na pinanggagalingan
Hito ang aking mga tula palihim mang baybayin ang mga salita
Baguhin man ang hubog nila at dalhin ng mga bantas sa kung saan ay bumabalik sa kanilang pinagmulan
Lahat, inialay ko sayo
Bumabalik parati para hilumin ang hati ng dalamhati
Para hanapin ang ugat ng mga sugat para yakapin ang aking ibig sa pag-ibig
Kaya panuorin nalang natin silang mapagod bigyang wakas ang ating storya
Dahil pagkatapos ay hindi ito magtatapos at ito na naman tayo
Tapos, sigurado pa rin ako, dito tapos sa agos ng uniberso magtiwala lang tayo
Tapos, hindi mahalaga kung huli na o andito pa lang tayo sa simula
Dahil patuloy lang natin siyang dudugtungan
Lalapit ako't muling sasabihing "Pakiramdam ko nakilala na kita"
Susundan mo ng "Bakit nakatingin silang lahat sa'ting dalawa?"
Ngingiti ako't sasabihing, "Mahal, hayaan lang natin sila"
आप पढ़ रहे हैं
Spoken Words And Hugot Lines.
कविताCompilation po ito ng mga Spoken Words Poetry ng katulad kila Ate Mai Mai Cantillano and Kuya Juan Miguel Severo and other spoken word artists. Nainspire lang akong gawin ito kasi last Sunday February 12, 2016 first time ko nakita sa personal si Ate...
