شما و هزاع

5

تستيقظ شما قبل اذان العشاء بدقائق......تدخل عليها حمده...

حمده: قومي صلي بسرعه قبل تفوتج الصلاه....انتي تدرين انها طافت صلاة المغرب..

شما: زين زين الحين بسير اتمسح...

حمده: على فكره ميثا اتصلت يمكن فوق 5 مرات.........

شما: زين زين بس خليني اقوم اصلي عقب بدق لها...

حمده: شما.....

شما: هاه...

حمده: لا ماشي...

شما: قولي يالله عاد...

حمده: لا ماشي صلي عقب بنرمس.....

وتخرج حمده من الغرفه وفي غرفة الجلوس...............................تقترب من امها..لتسألها عن حصه التي طال مكوثها في حجرتها....

حمده: وين حصه يمه ما بينت لين الحين....؟؟

ام هزاع: بحجرتها وين بعد يعني والله ما ادري كيف تفكر هاي شرات اليهال بدل ما تدعي لريلها ..صاكه الباب عليها وتصيح.....

حمده: لا تلوميها يمه هاه مهما كان ريلها...

ام هزاع: بس مب جي عاد..

.................................

وفي بيت ميثا ...

ميثا: هالسخيفه وينها والله بعد اكيد مالها ويه ترمسني ...بدق لها وبشوف ...صدج ان ويهي لوح ...كم مره داقه عليهم اليوم ..يالله بدق واللي فيها فيها....

تنهض ميثا نحو الهاتف و تطلب شما....

ميثا: الو السلام عليكم...

خالد: هلا والله وعليكم السلام والرحمه...

ميثا بإرتباك...: وين شما...؟؟؟

خالد: من اقولها...

ميثا: ربيعتها...

خالد: شو ربيعتها مالها اسم...؟؟

ميثا: خلاص ما ابي حد برايك ...

خالد: لا لا خلاص لحظه لحظه...

خالد يصعد للأعلى..وينادي على شما...وبطرقات قويه على الباب...

خالد: شموووووه وينج ربيعتج حشرتنا ....

شما: ادخل يا خالد الباب مفتوح.....

خالد : شو تسوين اونج تطوعتي وبعدين شو هاه تجمعين صلاة العشا ويا المغرب....

شما: دخيلك مب متفيجة اتضارب ويا حد.....

خالد: زين نزلي في وحده صوتها حلو باين عليها من المزايين ..سيري شوفيها رقمها بالكاشف فوق 6 مرات...

شما: استح على ويهك هاي ما غيرها ربيعتي ميثا اللي وصلتها بيتهم ذاك اليوم...

خالد ببهجه وبعد ان تهللت اساريره ..من الفرحه...