Killing Him [COMPLETED]

THIRTY FOUR

"Why not?" ngumuso ako at sumunod na ng labas sa kanya. Hindi na ako nagpahatid sa kanyang sasakyan dahil dyan lang naman sya sa malapit.

"Pasay po." saad ko roon sa driver. Sinabi ko rin sa kanya iyong restaurant na malapit sa hotel nina Herritt. Kailangan akong ibaba roon ng driver dahil baka maligaw ako.

Ilan taon akong nawala rito sa Pilipinas at hindi naman ako masyadong naglilibot dito. Kapag iniliko ako ng driver sa kung saang lugar ay paniguradong hindi ko pa rin iyon malalaman.

Habang nasa byahe ay nagtipa ako ng mensahe para kay Herritt. Kagabi ko pa sya pinaalalahanan na sabay na kaming mag-lunch na tatlo. Sya ang namili ng makakainan kaya kahit hindi ko naman alam iyong sinabi nyang restaurant ay umoo pa rin ako.

"Andito na po tayo, Ma'am." pukaw sa akin ng driver. Tinignan ko muna ang labas. Nakaukit sa itaas ang pangalan ng restaurant. Mabuti at hindi ako iniliko sa iba ni Manong.

"Ito na ho ang bayad, salamat." inabutan ko na sya ng isang libo at nagmadali nang lumabas ng taxi. Mabuti ngayon at may cash na ako. Makakapagbayad na ako para sa sarili ko. Iyon nga lang ay wala nang Euro sa aking pitaka dahil naka'y Maxine nang lahat.

Pagpasok sa restaurant ay agad kong inilibot ng tingin ang aking mata. Sa dulong parte ay nakita ko na agad ang dalawa. Agad tumayo si Herritt at kumaway sa akin.

"Kamusta ang pagsasama nyo?" usyoso ko pagkaupo ko sa kanilang harap.

Humagikhik muna si Herritt bago sumagot sa akin. "Makulay."

Ngumiti ako at tinawag na ang waiter para sa aming pagkain. "And where do you two plan on spending your vacation?" tumingin ako kay Gaston. Ibinigay nya muna ang menu sa waiter bago ako hinarap.

"Palawan, we've heard they got good resorts there. We're flying tonight."

"Already got a ticket." dugtong ni Herritt ng nakangisi.

"Ngayon na pala ang alis nyo patungo roon. Pero iyong kwintas ko ay hindi mo pa binibigay!" singhal ko sa kanya. Tumawa sya sa akin.

"Nasa bag ko, don't worry. Ibibigay ko sa iyo mamayang pagkatapos natin kumain."

Nang dumating ang aming order ay kung anu-anong bagay na ang pinagkwentuhan namin. Naikwento pa nila sa akin na may nakasalubong silang kilalang personalidad sa showbiz doon sa hotel na kanilang pinags-stay'an.

Mabuti at hindi naghinala kung bakit magkasama ang dalawa. Kung hindi ay baka naibalita na kinabukasan sa telebisyon na may relasyon nga ang dalawang ito.

"Just go on public already!" sita ko sa kanila dahil hindi madaling magtago ng relasyon. Anytime ay baka mabuko rin ang sikretong ipinakatatago nilang dalawa. And who knows, mamaya ay mabunyag na pala iyon bukas na bukas din.

"Hindi ko pa kaya sa ngayon." mahinang sambit ni Herritt. Nagkibit nalang ako ng balikat. Pati si Gaston ay tumahimik din.

Pagkatapos naming kumain ay ibinigay na sa akin ni Herritt ang aking kwintas. Nasa isang silver na kahon iyon nang inabot nya.

"Nasigurado mo bang maganda ito?" wika ko at tumango sya sa akin. Ipinatong nya ang dalawang siko sa lamesa at pinakatitigan ako habang binubuksan ang kahon.

"Pinaghirapan ko iyan, I'm not famous for nothing." aniya at ngumiti sa akin.

Pagkabukas ko sa kahon ay bumungad sa akin ang pendant ng aking kwintas. Ang itaas ng perlas ay napalilibutan ng ginto na may mga dyamante. The pendant looked like a blooming flower at ang nasa gitna noon ay ang perlas.