Legend of Gemini

10. Planet Terra Nova

Terra Nova — Holy Planet, Sacred Planet

Ang planetang Terra Nova ay isang independent planet, ang ibig sabihin ay hindi ito sakop ng kolonyang Kromiz ng Chrome at kolonyang Zekek ng Exilon. Ang Terra Nova ay isang buwan o satellite ng planetang Zega-Leopuris. Ito ang ikalawang nadiskubre na planeta ng mga Star Trekkers noong 5878 O.E. (Odyssey Era) - ang panahon na sumibol ang paglalakbay sa kalawakan. Ang mga sinaunang Star Trekkers ng Kromiz ang tinatayang unang homo sapiens o tao na nakaapak sa kalupaan ng planetang ito. Ang tanong... bakit hindi naging kolonya ng Kromiz ang planetang Terra Nova?

Ang sagot... Noong unang panahon, ibinigay ng hari ng Kromiz ang planetang Terra Nova sa mga babaylan bilang regalo sa kanilang malugod na serbiayong pagkakalat ng mga salita sa Holy Writ at mga pulong ng mga diyos at diyosa. Ang mga Primo ang namamalakad sa buong planeta at dinadaan nila ang bawat pasya sa isang eleksyon. Dito nakuha ng Terra Nova ang bansag nito na Holy Planet o Sacred Planet.

Surface Gravity : 9.284 m/s²

Maximum Surface Temperature : Positive 42.8 degrees centigrade

Minimum Surface Temperature : Negative 190.01degree centigrade

Atmospheric Surface Pressure : 1.0 kPa

Composition of Atmosphere : 71% Nitrogen, 20% Oxygen, 10% Neon, 8.1%Carbon Dioxide,  1.4% Other Gases

Noong unang nadiskubre ng mga Star Trekkers ang planetang Terra Nova, may dalawang sari ng nilalang ang nananahanan dito na may mataas na antas ng pag-iisip at ito ay ang mga homo reptilia at homo aves. Nahati ang dalawang magkaibang sari ng specie sa tribu at may ibat-iba silang kultura't tradisyon na sinusunod.

Ang homo reptilia ay mga nilalang na nananahan sa kanluran at silangang parte ng planetang Terra Nova. Tinatawag nila ang kanilang tribu na Eurpra at ang kanilang tahanan ay nasa masusukal na kagubatan. Ang kanilang pamayanan ay nasa mga yungib na maraming halaman. Ayon sa bagong senso, may 2.2 milyong Eurpra sa buong planeta ng Terra Nova.

Ang homo aves naman ay mga nilalang na nananahan sa hilaga at timog bahagi ng planetang Terra Nova. Tinatawag nila ang kanilang tribu na Tegrize at ang kanilang tahanan ay nasa arko ng planeta. Ang kanilang pugad ay nasa mga puno na tumutubo sa arko. Ayon sa bagong senso, may 650 na libung Tegrize sa buong planeta ng Terra Nova.

Ang planetang Terra Nova ay may maraming arko at yungib kahit sa karagatan nito. Gawa sa bato ang mga arko at ang mga yungib naman ay mayroong biomes. Hindi masyadong nagkakaroon ng mga lindol sa Terra Nova at ang mga bagyo doon ay hindi nakakapinsala ng lubusan. Tropikal ang klima sa ekwador ng planeta at malamig naman ang north at south pole nito.

Kakaiba din ang kalangitan ng planetang Terra Nova dahil ito'y kulay kaymito. Ang neon sa atmospera at ang carbon dioxide ang nagbibigay kulay kaymito sa buong kalangitan. Ligtas naman sa kalusugan ng homo sapiens o mga tao ang hangin sa planetang Terra Nova at gayundin ang p'wersa ng gravity ay halos katulad sa Chrome at Exilon.

Nang dumating ang mga tao sa Terra Nova agad itong ikinabahala ng mga Eurpra at Tegrize. Nagkaroon pa ng digmaan sa pagitan ng pinaghalong p'wersa ng Eurpra at Tegrize laban sa banyagang mga tao. Sa huli ay nagkasundo ang mga ito at pumayag ang dalawang tribu na patirahin ang mga banyaga sa kanilang planeta. Nagpatayo ang mga Star Trekkers ng apat na istasyon sa bawat sulok ng planeta. Ang apat na istasyon ana ito ay Northern Terra Nova, Western Terra Nova, Southern Terra Nova ang Eastern Terra Nova. Ang mga istasyong ito ay naging pamayanan ng mga babaylan at mga estudyanteng gusto ang propesyon na naglalayon sa relihiyon.