My Professor, My Love.

CHAPTER 80

Humahagugol na si Ms. Lina sa loob, I can tell na nilapitan na sya si Yuji para icomfort sya. Puro "No!" yung naririnig kong sinasabi ni Ms. Lina, kahit naiinis ako sakanya parang naawa naman ako sa sitwasyon nya ngayon.

"E-ehem."

"Ay! Lolo mong panot!"

Halos mapatalon naman ako sa taong nag-ehem sa likod ko. Umayos ako agad ng tayo at hinarap sya ng maayos.

"Anong ginagawa mo dyan, Iha?"

"Ah...ehh..ku-kumakatok po kasi ako wala atang tao he he he."

Maling palusot, Karlota! Pano pag pumasok yan sa loob at nakita nyang nagmomoment si Yuji at Ms. Lina? Lagot na! Iisipin nyan chismosa ka!

"Sigurado kaba, Iha?"

"Um..ano po kasi.."

"Alam mo iha, walang problema kung sasabihin mo sa akin ang totoo."

He's old. Medyo kuba na sya maglakad at may tungkod sya. Pero nakapolo at pormal yung ayos nya, I wonder kung Prof ba sya o ano dahil ngayon ko lang sya nakita dito.

"Uhh..ehhh.."

"Sabihin mo na iha, dahil sa sagad ng tenga mo dyan sa pinto, alam na alam ko kung anong ginagawa mo."

Hindi sya mukhang galit pero gusto nya talagang sabihin ko sakanya yung ginagawa ko kanina.

"N-nakiki uhh...nakiki ano po um.."

"Nakikiusyoso ka sa usapan ng iba, totoo ba?"

*Facepalm* Karlota, amin na. Buking kana wala ng oras para magpalusot kay lolo.

"Pasensya na po." Yumuko ako kay lolo at nagbow nadin. Nakakahiya tuloy nahuli pa nya ko sa akto.

"Hahaha, ayos lang yan iha. Lahat tayo mausyoso sa usapan ng ibang tao. Nakakatuwa naman kasi pakinggan ang drama ng iba hindi ba? Hahaha."

Kanina mukha syang mamamalo ng tungkod pag di ko sinabi yung totoo, ngayon tumatawa na sya habang hawak hawak nya yung tyan nya. Nakahithit ba si lolo?

"Ah ehh haha! Sorry po talaga."

"Hahaha, ang mabuti pa samahan mo na lamang ako sa baba."

Bigla syang lumapit sakin at humawak sa braso ko.

"Naku po lolo, kailangan ko pa po itong ibigay kay Sir. Yuji." Ang dami ko pang dalang papel lagot ako kay Mrs. Hernandez pag di ko to binigay kay Yuji.

"Yuji ba kamo? Haha mabait na bata iyon, wag ka magalala maiintindihan nya kung hihiramin ko ang estudyante nya sandali."

"P-paano nya po nalamang estudyante ako ni Sir. Yuji?" Wala naman akong sinasabing Prof ko si Sir. Yuji ah?

"Iha, nakauniporme ka gaya ng suot ng ilang estudyante dito at nasa tapat kanang office ni Prof. Yuji. Sa tagal ko na dito sa eskwelahang ito, sa tingin mo ba hindi ko malalaman kung kaninong instructor ang isang estudyante rito?"

"Ganun, instructor din po ba kayo dito? Saan? Ano pong subject nyo?"

"Hahaha, iha kanina kapa nagtatanong. Sasamahan mo ba ako sa baba para kumain o dadalhin kita sa disciplinary office?"

Pero si Yuji kasama ko maglunch. May plano kaming sa labas kumain eh! Pero ayoko rin naman mareport sa deciplinary office.

"Naku po lolo, tara na po sa baba kakain tayo ng marami!"

Tawa lang ng tawa si lolo habang inaalalayan ko syang bumaba ng hagdan. Hindi ko pa alam pangalan nya kaya lolo lang muna tinatawag ko sakanya, mukhang ok lang naman sakanya na tawagin ko syang ganun. He seems nice, and funny dahil sinasabayan nya yung mga pagpapatawa ko sakanya. Kainis padin dahil iniwan ko sila Yuji at Ms. Lina dun, mamaya may nangyayari na dun na di ko alam!

*POK!* Nagulat nalang ako ng may tungkod na pumukpok sa ulo ko.

"Lolo! Para saan po yun?!" Tanong ko habang hinahawakan ko yung ulo ko.

"Hindi mo ako inaalalayan. Tsaka mo muna isipin yang nobyo mo."

Napanganga ako sa sinabi nya. Nobyo? A-alam nya relasyon namin ni Yuji?! P-pero paano?

"N-nobyo? Paano nyo po--"

"Gaya ng sabi ko sayo iha, matanda na ko at walang pwedeng mangyari dito sa loob ng eskwelahan nato ng hindi ko nalalaman. Ngayon, aalalayan mo ba ko o papaluin kita ulit nitong tungkod ko?"

Nagmadali naman agad akong alalayan sya pababa ng hagdan. Puro ako tanong kung paano nya nalaman relasyon namin ni Yuji pero tinatawanan nya lang ako. Seryoso ako ulit sa pagtatanong pero tatawanan nya lang ulit ako. Pangatlong tanong ko, pinokpok nya ko ulit ng tungkod nya. Nakakaloka si Lolo, nakakatatlo na sya ah! Hindi ba nya alam nananapak ako?

---