Out of Bounds (Ugly Past Series #2)

Chapter 2

I tried to look for a picture frame to get a hint of who's the owner of the place but unfortunately, wala akong nakita. Ang theme ng buong condo is wooden at pagdating naman sa kwarto, it's black and white. Sa itsura pa lang at disenyo ng lugar, masasabi kong lalaki ang may-ari nito. 

Maybe he's the guy whom I last saw before I passed out. Yung may matangos na ilong at matipunong katawan. Gosh! His body is so hard with muscles. I smiled giddily remembering how it felt leaning on his tight muscled body.

If it's really him, sayang naman at hindi ako makakapagpasalamat ng personal. I wonder kung paano niya ako binihisan kagabi. I think he saw me half naked already. Buti naman at hindi niya ako pinagsamantalahan. Pero kung may mangyari man sa amin, okay na lang din basta may protection. Babae lang ako, marupok at natutukso rin. He might be a good catch to divert my attention from minding my broken heart. Okay, stop it now Sophie. Baka saan pa mapadpad iyang iniiisip mo.

Hindi na ako naligo. Deretso na akong nagbihis ng damit at pagkatapos ay kumuha ng sticky note na nakapatong sa desk katabi ng kama. I scribbled a note there, saying my thank you to whoever helped me last night. Idinikit ko ito sa ibabaw ng unan na nasa kama para madaling mabasa. See you when I see you Mr. D.

Umalis ako sa condo at umuwi muna para makapag shower. Hindi na muna ako papasok ngayon sa school. I feel so sticky.

A few hours later, I'm already driving my way to the poultry farm. I got my car back. Buti na lang at buo pa ang Mazda CX-5 ko. Alam naman natin na maraming magnanakaw ng car parts ngayon, good thing hindi yung sasakyan ko ang napag tripan.

It's one to two hour drive from my house to the poultry farm. Nasa secluded place ang location ng farm. Sinadya ito ni Papa na sa medyo tagong lugar ang farm para malayo sa polusyon. Bumusina ako sa gate at pinagbuksan naman ako ng guard. Kilala na ako lahat ng mga tauhan dito kahit weekend lang ako bumibisita dahil busy ako sa school.

I lowered down my window. "Good afternoon Ma'am Sophie!" Bati sa akin ng guard.

"Good afternoon. Nasa loob ba si Natalie?"

"Opo ma'am. Kasama niya sila Tatay Norman sa free range area."

"Sige, salamat." I nodded at the guard at tuluyan ng pumasok. Ipinarada ko muna ang kotse ko bago tumungo sa lugar kung nasaan sila.

Malawak ang lupang kinasasakupan ng farm namin. Noon, maliit lang ito kasi kaunti pa lang naman ang inaalagan ni Papa na mga manok. Pero nang lumaki ang negosyo niya, binili na rin ni Papa ang katabing lupa para makapagpatayo ng battery cage at production house for broilers and ducks.

Dumaan muna ako sa battery cage para i-check ang mga inahing manok at ang mga itlog nito. Binati ako ng mga tauhan na naabutan ko doon at nakipag kamustahan naman ako. So far wala naman akong napansing problema, ewan ko kung ano ang itinawag ni Natali kanina.

Pumunta din ako sa production house at maayos naman din ang pagpapalakad roon kaya tumungo na ako sa free range area kung saan hinahayaan ang mga broilers ng ilang oras na mamuhay ng malaya para ma develop nila yung natural behaviors ng isang manok.

"Ma'am Sophie!" Malayo pa lang ako ay natanaw na agad ako ni Natalie. Sinalubong nila akong dalawa ni Tatay Norman, ang katiwala ng farm simula pa noong maliit pa ang negosyo ni Papa.

"Magandang hapon Ineng." Bati naman ni Tatay Norman.

"Magandang hapon din sa inyo. Tumawag ka kanina Natalie, anong meron? May problema ba sa farm?"

May ipinakita na papel sa akin si Natalie. "Ano 'to?" Napakunot ang noo ko.

"Wala naman pong problema Ma'am. Ipapapirma ko lang sana iyang mga papers kasi atat na atat na iyong may-ari ng fast food chain na kumuha ng manok sa atin. Opening na raw po kasi ng bago nilang branch sa Rizal sa Linggo. Kailangan po nila ng stock within this week." Pagpapaliwanag sa akin ni Natalie. She is still 24 pero mukha na siyang 30 dahil sa pagiging paranoid niya minsan. Kaunting problema lang, hindi na iyan mapakali.