Wonderland Magical Academy: Touch of Fire (Cloak PopFiction)

Chapter 30: Parting Ways

Susubukan sana ni Clauss ang laro pero napansin kong malapit nang mag-alas-sais kaya hinila ko agad si Clauss patungo sa ferris wheel. Gusto kong makita ang mga fireworks mula sa taas kaya excited ako. Napakamot ng ulo si Clauss at walang nagawa kundi bumili ng ticket.

Magkatabi kami sa upuan at naka-akbay si Clauss sa 'kin. Halos madilim na ang buong paligid. May naglalabasan nang mga bituin sa langit. Bilog na bilog din ang malaking buwan. Napalingon ako kay Clauss, seryoso siyang nakatingin sa kalangitan at malalim ang iniisip. Tumigil ang pag-ikot ng ferris wheel nang nasa itaas na kami. Tinakot kasi ni Clauss ang operator.

Naramdaman niya ang pagtitig ko kaya lumingon si Clauss sa 'kin at ngumiti. Hinaplos niya ang mahaba kong buhok. Ngumiti ako sa kanya. Kailangan kong sulitin ang bawat araw na makakasama ko si Clauss dahil hindi ko alam kung kailan siya aalis.

Pagkalipas ng ilang minuto, nakarinig ako ng malalakas na pagsabog mula sa kalangitan. Natuwa ako dahil sa mga naggagandahan at makukulay na fireworks na aking nakikita. Manghang-mangha ako. Masaya kong itinuturo kay Clauss ang mga fireworks. Daig ko pa ang taong bundok. Napapa-'wow' pa ako pero tinatawanan naman ako ni Clauss. Patuloy lang siya sa paghaplos sa buhok ko.

Nagtatakang napalingon ako sa kanya nang mapansin kong hindi naman siya nanonood ng mga fireworks dahil sa 'kin siya nakatingin. Nakakunot-noong nagtanong ako. "Bakit hindi ka yata nanonood?"

"You're mistaken. I'm already watching," he chuckled.

"Anong nanonood? Sa 'kin ka lang naman nakatingin!" sabi ko.

"Right. I'm watching over you. I find you brighter and more beautiful than those fireworks," he smiled, then winked. Ramdam ko ang pamumula ng aking mukha. Buti madilim na at hindi na mahahalata. Napako ang paningin ko sa mga mata niya. Nanatili akong nakatitig sa kanya hanggang maramdaman ko na unti-unting lumalapit ang mukha niya sa mukha ko. He's about to kiss me, so by instinct, I closed my eyes and waited for his lips to meet mine.

Naramdaman ko ang paglapat ng labi niya sa noo ko. I was a bit disappointed and was about to open my eyes when I felt that he kissed me on the tip of my nose. "I miss you already," he whispered softly. Our lips already met before I could speak. Hindi na ako nakapagsalita at tinanggap na lang ang halik niya. His lips moved slowly at first, teasing me. I moaned in protest because I wanted more. He smiled between our kisses.

Bigla kaming napatigil dahil biglang gumalaw ang ferris wheel. Muntik na kaming mahulog sa kinauupuan. Natatawang nagkatinginan kami. Tapos na ang fireworks display. Napakamot si Clauss sa ulo at mahigpit akong niyakap.

"I love you. Babalik ako. Pangako," bulong niya bago kami bumaba sa ferris wheel. Napansin ko na maraming tao sa gitna ng daan habang naglalakad kami. Hawak ko ang kamay ni Clauss pero naramdaman ko ang unti-unti niyang pagbitaw. Paglingon ko sa tabi ko ay wala na si Clauss. Nagtatakang inilibot ko ang paningin sa buong paligid pero hindi ko siya nakita, kahit anino niya ay wala. Ang daming tao kaya nahihirapan akong sumiksik para hanapin si Clauss.

Pumunta ako sa ibang booths pero wala talaga siya. Tumatakbo na ako kung saan-saan para lang mahanap siya pero wala talaga siya. Gusto ko nang maiyak. Pakiramdam ko iniwan na niya ako. Patuloy ako sa paghahanap pero ramdam ko ang pamumuo ng luha sa gilid ng mga mata ko. Nasasaktan akong isipin na hindi man lang nagpaalam si Clauss.

Napatigil ako sa pagtakbo dahil nakita ko si Baby Clauss na lumilipad patungo sa direksiyon ko, kasama si Baby Xyra. Napansin ko ang pin bunny na bitbit nila. Tig-isa nilang hawak ang mga tainga nito. Iyon ang pink bunny na gusto kong kunin kanina sa stuffed toy booth.