Wonderland Magical Academy: Touch of Fire (Cloak PopFiction)

Chapter 37: Escape Plan

XYRA

Naalimpungatan ako nang maramdaman ang mararahang dampi ng kung ano sa mukha ko. Namula ako nang mapagtantong binibigyan ako ni Clauss ng magagaang na halik sa iba't-ibang parte ng aking mukha.

"C-Clauss..." mahinang tawag ko sa kanya. Napatigil siya sa ginagawa at tumingin nang diretso sa mga mata ko. Kinabahan ako dahil seryoso siyang nakatingin sa 'kin. There's no hint of recognition on his face. He's looking at me blankly.

"So, you're awake?" he asked casually. Wala pa rin ba siyang naaalala?

"Hindi mo pa rin ba naaalala lahat?" nag-aalinlangang tanong ko. Napakunot-noo siya na tila hindi nakuha ang sinasabi ko pero bigla siyang napangisi nang malisyoso.

"Well, I'm also wondering. What are you doing in my bed? Did something happen?" he asked, teasing.

Nagulat ako sa tanong niya. What the hell?! Mas lumala yata siya ngayon? Wala pa rin siyang naaalala. Sinusuri ako ni Clauss gamit ang isang malisyosong tingin at ngiti. Hindi ko na alam ang gagawin.

"Ano ba'ng sinasabi mo? I mean, naaalala mo na ba ako?" tanong kong muli. Hindi ko pinansin ang nakakaasar niyang ngiti sa labi. Tila nang-aakit kasi ang dating.

"Huh? Well, I don't. Did you seduce me to get here in my bed? How could I miss that part?" he said. He seemed disappointed. Naaasar ako at namumula sa mga sinasabi niya. Hindi ko matukoy kung seryoso ba siya o hindi.

"Nakakaasar ka!" galit kong sigaw sabay hampas sa dibdib niya. Pinigilan niya ang mga kamay ko. Bigla siyang pumatong sa ibabaw ko. As I looked in his eyes, he seemed like he's enjoying toying with me. His eyes were smiling although his expression was serious. What was that? I couldn't tell.

"Sorry. Mind helping me remember everything?" he asked, teasingly. Natulala ako. Using his index finger, he traced a line from my chin up to my lips then slowly caressed my face. Itinuon niya ang isang kamay sa gilid ng kama, malapit sa ulo ko. Kinabahan ako nang unti-unting lumapit ang mukha niya sa mukha ko. Mariin kong ipinikit ang mga mata. I assumed that he's going to kiss me. Pero napamulat agad ako nang tumawa siya nang malakas. Takang napatingin ako kay Clauss. Bakit siya tumatawa?

Gumulong siya sa gilid ko habang hawak-hawak ang tiyan at tumatawa nang malakas. Naasar ako nang maintindihan kung bakit. Binibiro niya ako. At ako naman si tanga ay nagpadala sa kalokohan niya. Gusto ko siyang sigawan at sakalin! Takot na takot ako kanina sa pag-iisip na baka hindi pa siya nakakaalala tapos pagtitripan lang ako!

Sunud-sunod kong pinaghahampas nang malakas ang braso niya. Natigilan siya. Namumula na ang mukha ko sa sobrang pagkaasar kay Clauss. Pakiramdam ko, sasabog ako. Gusto kong maiyak. Pinigilan niya ako sa ginagawa.

"Hey, stop! I'm just kidding. Naaalala na naman kita ngayon," natatawang wika niya.

"Mukha mo! Nakakaasar ka! Pakiramdam mo nakakatawa 'yon? Ikaw kaya ang pagtripan ko? I hate you!" sigaw ko. Nangingilid na ang luha ko sa magkahalong saya at inis na nararamdaman.

"Sorry, binibiro lang naman kita," sabi niya na nagpipigil ng tawa, na lalo kong ikinainis. Humiga ako patalikod sa kanya. Tumulo ang luha ko. Naiinis na pinahid ko ang mga luha na naglandas sa pisngi. Niyakap ako ni Clauss mula sa likod kaya mas lalo akong naiyak.

"Nakakaasar ka!" sigaw ko sa pagitan ng mga hikbi. Lalong hinigpitan ni Clauss ang yakap sa 'kin pero hindi siya nagsalita. Pakiramdam ko tuloy wala siyang pakialam sa 'kin. Pilit kong inalis ang braso niya na nakayakap sa 'kin. Gusto kong mag-walkout pero hindi ako makawala sa yakap niya.