ဤအခိုက်အတန့်တွင်တော့ တစ်ချို့သောကိစ္စများဟာ အစကတည်းကကို အစမပျိုးလိုက်သင့်မှန်း ချန်လုကျိုး သဘောပေါက်နားလည်သွားရသည်။ နှစ်ယောက်သားက ဆိုဖာပေါ်ထိုင်၍ တီဗွီကြည့်နေကြခြင်း ၊ နွေဦးရာသီအစဖြစ်သောကြောင့် အနွေးဓါတ်ကလေး မြင့်တက်လာစဖြစ်သလို နွေဦးငှက်ကလေးများလည်း တဆာဆာတေးဆိုကြူးနေကြသည့်အချိန် ၊ ရွှီကျစ်မှာ အဖြူရောင်ဆွယ်တာပါးတစ်ထည်နှင့်စကတ်အဝဲလေးအား တွဲဖက်ဝတ်စားထားကာ ခြေတံတစ်လျှောက်လုံးတွင်တော့ ဗလာ ၊ ချန်လုကျိုးမှာ မီးခိုးရောင်ခေါင်းစွပ်ဆွယ်တာခပ်ပွပွတစ်ထည်နှင့်အတူ အားကစားဘောင်းဘီရှည်ဝတ်ထားပြီး အပေါ်ထပ်အင်္ကျီမှာတော့ အနည်းငယ်ဖရိုဖရဲနိုင်နေ၏။
နှစ်ယောက်သားမှာ အဝတ်အစားများပင်မချွတ်တော့ဘဲ ရွှီကျစ်က ချန်လုကျိုးအပေါ်တွင် တွယ်ဖက်ထားကာ ကိစ္စတစ်ခုအား တိုက်ရိုက်ပင်ဖြေရှင်းနေကြတော့သည်။
နေ့ခင်းအချိန်ဖြစ်သည့်တိုင် ပြတင်းလိုက်ကာချပ်များပိတ်ထားသောကြောင့် အလင်းရောင်ဝင်လာခြင်းမရှိ ၊ အပြင်ဘက်တွင် ဖူးပွင့်နေသည့် စံပယ်ပန်းလေးများ၏အလှကိုပင် မခံစားနိုင်တော့ဘဲ ရုပ်မြင်သံကြားမှထွက်လာသည့်အသံ လေအေးပေးစက်၏အသံများအလယ်မှနေ၍ ပျော့တစ်လှည့်၊ပြင်းတစ်လှည့်ဖြစ်တည်လာသော အသက်ရှူသံများကြားတွင်သာ နစ်မွန်းနေတော့၏။
လက်ရှိအချိန်တွင်က သရဲကားတစ်ကားဖွင့်ထားခြင်းဖြစ်ပြီး မည်သည့်ရုပ်ရှင်ဇာတ်ကားကိုမဆို မရွေးတတ်သည့် ချန်လုကျိုး ၊ ရှာဖွေလေ့လာရေးအစီအစဥ်များကိုပင် သုံးလေးနာရီမက မပျင်းမရိကြည့်နေနိုင်သည့်သူဟာ သရဲဇာတ်လမ်းများကိုတော့ လုံးလုံးမကြည့် ၊ သတ္တိနည်းသောကြောင့်မဟုတ်ဘဲ သူ့အား ရင်တုန်အောင်လုပ်နေသောကြောင့်သာလျှင် ဖြစ်သည်။ သရဲကားအများစုတွင် လျှို့ဝှက်ဆန်းပြားသည့်မြင်ကွင်းများပါတတ်ပြီး အများစုက အကျိုးအကြောင်းဆက်စပ်မှုမရှိကြပြန်။ သွေးသံတရဲရဲခေါင်းကြီးတစ်လုံးက မျက်ခုံးမွှေးထူထူနှင့် သတိပေးခြင်းမရှိ ရုတ်တရက်ပေါ်လာသည့်မြင်ကွင်းမျိုးနှင့်ပင် ရင်တုန်ချင်စရာကောင်းနေပြီပေ။ ရွှီကျစ်မှာ ချန်လုကျိုး၏မျက်လုံးကို လက်နှင့်ကွယ်ထားပေးရလေရင်း ;
VOUS LISEZ
Lets Fall In Love [ ဘာသာပြန် ]
Roman d'amourလမင်းကြီးဝိုင်းသည်ဖြစ်စေ မဝိုင်းတော့ဘူးဖြစ်စေ ဘာဟာကမှ အရေးမကြီးဘူး ကိုယ်တစ်ယောက်လုံး မင်းဘေးနားမှာရှိနေပေးမယ်~~~~