"နင့်ကောင်လေးက ချန်လုကျိုး ၊ နွေရာသီပိတ်ရက်တုန်းက ငါသိတဲ့ချန်လုကျိုးလား ၊ ဟုတ်လား"
ရွှီကျစ် ပြုံးရင်းခေါင်းငြိမ့်ပြလိုက်သည်။
ချိုက်ယင်းယင်းမှာ မိုးကြိုးအစင်းလိုက်မျိုချမိလေသည့်အလား အံ့သြသွားခဲ့ရပြီး အသံထွက်၍အော်မိမည်စိုးသောကြောင့်လည်း လက်နှစ်ဖက်လုံးနှင့်ပါးစပ်ပိတ်လိုက်ကာ တအံ့တသြဖြစ်သွားရသည့်အကြည့်များဖြင့် ပြူးစိုက်ကြည့်၍ ;
".....ဘုရားရေ ၊ သူ နိုင်ငံခြားထွက်သွားတာမဟုတ်ဘူးလား ၊ ဘယ်လိုဖြစ်ပြီးတော့ 'ပေကျင်း'ရောက်သွားတာလဲ ၊ ငါက နင်တို့နှစ်ယောက်ကွဲသွားကြပြီလို့တောင်ထင်တာ"
"ပြောရရင်အရှည်ကြီးပဲ ၊ နောက်မှပြောပြတော့မယ်"
ရွှီကျစ်က ရှင်းပြမနေတော့ဘဲ သည်အတိုင်းသာ စကားဆိုလိုက်၏။
ချိုက်ယင်းယင်းမှဆက်၍ ;
"ကျောင်းထဲမှာ သူ အတော်ဆုံး၊အမိုက်ဆုံးပဲမလား"
"ဒီလိုပါပဲ ၊ A တက္ကသိုလ်မှာ အားလုံးက စာတော်တဲ့ကျောင်းသားတွေချည်းရောနေတာမလို့ အရမ်းမကွာကြဘူး"
ရွှီကျစ်က အိပ်ရာပေါ်လှဲချလိုက်ကာ ခြေထောက်တလှုပ်လှုပ်နှင့် သက်ပြင်းချပြီးစကားဆက်ဆိုလာခဲ့သည်။
"ကြိုးစားရတာက ပုံမှန်အလုပ်လိုတောင်ဖြစ်နေပြီ ၊ ကျောင်းပိတ်ရက်ဆိုလည်း စာကြည့်တိုက်ထဲမှာပဲ အချိန်ကုန်ကြတာများတယ် ၊ ညဘက်တွေဆိုလည်း နှစ်နာရီ သုံးနာရီအထိ စာလုပ်ရတုန်း ၊ ငါတို့ထက် သက်သက်သာသာနေရတယ်လို့လည်းမဟုတ်ပါဘူး"
"ဒါဆို ငါကတောင် ပုံမှန်အတိုင်းရှိနေသေးသလိုပဲ"
ချိုက်ယင်းယင်းသည် စကားဆိုနေရင်းက ရွှီကျစ်အား မျက်ဝန်းများမှေးကျဥ်း၍ကြည့်လိုက်ပြီး ;
"နင့်ရင်ဘတ်တွေကြီးလာတာမနည်းဘူးလို့ ငါ ပြောနေတယ်နော် ၊ အမ် အမ် မဟုတ်တဲ့ကိစ္စတွေလုပ်ထားတယ်မလား"
ရွှီကျစ် စကားပြောမည်အပြုတွင် ရုတ်တရက်အခေါ်ရှိလာခဲ့၏။
YOU ARE READING
Lets Fall In Love [ ဘာသာပြန် ]
Romantikလမင်းကြီးဝိုင်းသည်ဖြစ်စေ မဝိုင်းတော့ဘူးဖြစ်စေ ဘာဟာကမှ အရေးမကြီးဘူး ကိုယ်တစ်ယောက်လုံး မင်းဘေးနားမှာရှိနေပေးမယ်~~~~