လက်ဝှေ့ကစားရုံ လက်မှတ်နှစ်စောင်....
"မင်းက ဘာပေးမယ်ထင်နေလို့လဲ"
ချန်လုကျိုး၏အကြည့်များဟာ လက်မှတ်နှစ်စောင်ထံမှတဆင့် ရွှီကျစ်၏မျက်နှာပေါ်သို့ရောက်သွားခဲ့၏။ စာအိတ်နီကို သတိထားပြီးဖွင့်ဖောက်နေကတည်းက သူမ၏အတွေးအား သူ သဘောပေါက်နှင့်ပြီးသားပါပေ။ ထိုအခါတွင်တော့ ရွှီကျစ်၏နားရွက်ဖျားနားလေးထိ တိုးကပ်သွားရင်း တမင်သက်သက်စနောက်လိုက်တော့၏။
"ချက်ခ်လက်မှတ်လို့ထင်နေတာလား....ပိုက်ဆံမက်တဲ့ပေါက်စလေး"
ရွှီကျစ်သည် စာအိတ်နီထဲသို့ပြန်ထည့်ထားလိုက်ပြီး ချန်လုကျိုး၏ပါးတစ်ဖက်ကိုလည်း ဆွဲညှစ်၍ ;
"စိတ်ရင်းလေးတော့ ထုတ်ပြသင့်တယ်မဟုတ်ဘူးလား ၊ နင့်ကို ဒီလောက်အကြာကြီးပစ်ထားခဲ့တာလေ....ပိုက်ဆံနည်းနည်းပေးခွင့် ပေးလိုက်တာနဲ့တင် သူ့အတွက် အတော်လေးသက်ညှာပေးထားရာရောက်နေပြီ"
"သူက မင်းအပေါ်ရော ကောင်းကောင်းမွန်မွန်ဆက်ဆံလား"
"ကောင်းတာတော့ ကောင်းပါတယ် ၊ အန်ကယ်ဖုက ငါ့အပေါ်ကောင်းတယ် ၊ ငယ်ငယ်တုန်းကဆိုရင် အန်ကယ်ဖုနဲ့ပဲ ကစားချင်ခဲ့တာ ၊ အန်ကယ်ဖုက ရယ်စရာလေးတွေလည်းပြောပြတတ်တာကိုး ၊ အဲ့ဒါကြောင့်မလို့ ငါ့အဖေဆီက ဒီအကြောင်းတွေကြားရတုန်းကဆိုရင် အန်ကယ်ဖု အရင်တုန်းက ဒီလိုလူစားမျိုးဖြစ်နေလိမ့်မယ်လို့ ဘယ်လိုမှမယုံနိုင်ခဲ့ဘူး"
"လူယုတ်မာတစ်ယောက်က အသိတရားရသွားတာမျိုးလား ၊ ကိုယ်ကတော့ အဲ့လိုလူစားတွေကို မယုံဘူး"
ချန်လုကျိုးက ခနဲ့သလိုရယ်လိုက်ပြီး စာအိတ်နီများကိုလှမ်းယူကာ အံဆွဲတစ်ခုထဲထည့်လိုက်သည်။
"နင် ဖွင့်ကြည့်ထားပြီးပြီမလား"
ချန်လုကျိုး 'အင်း'ဟု အသံပြုလိုက်ပြီး ဆိုဖာအနောက်ဘက်သို့မှီထိုင်လိုက်ကာ လက်တစ်ဖက်က ရွှီကျစ်၏ခါးတစ်လျှောက်ကိုဖက်ထား၍ ကျန်တစ်ဖက်ဖြင့် သူမ၏ကျောပြင်ကို အသာအယာပွတ်သပ်လာခဲ့ရင်း စကားဆိုလိုက်သည်။
ŞİMDİ OKUDUĞUN
Lets Fall In Love [ ဘာသာပြန် ]
Romantizmလမင်းကြီးဝိုင်းသည်ဖြစ်စေ မဝိုင်းတော့ဘူးဖြစ်စေ ဘာဟာကမှ အရေးမကြီးဘူး ကိုယ်တစ်ယောက်လုံး မင်းဘေးနားမှာရှိနေပေးမယ်~~~~