Lets Fall In Love [ ဘာသာပြန် ]

Chapter 94 ( part 1 )

ထိုအခါတွင်မှ ရွှီကျစ်က အလွတ်​ပေးလိုက်သည်။ သို့​သော် ချန်လုကျိုးက ​နောက်တစ်ကြိမ်ထပ်၍ ဖုန်း​ခေါ်လာ​လေပြီး အိပ်ရာ​ပေါ်လှဲအိပ်​နေနှင့်ပြီဖြစ်၍ အသက်ရှူနှုန်းများက သိသိသာသာတိုးဖျညင်သာ​နေ၏။ မှုန်​ဝေ​ဝေအိပ်ချင်​နေသည့်အချိန်မျိုးတွင်ပင် သူဟာ တစ်စုံတစ်ရာကို​တွေးမိလိုက်သဖြင့် ခပ်အုပ်အုပ်အသံတို့ဖြင့် အိပ်ချင်မူးတူး​မေးလာခဲ့သည်။

"နာ​နေ​သေးလား"

ရွှီကျစ်၏နှလုံးသား​လေးမှာ ရုတ်ချည်း နူးညံ့သွားရသလို ခံစားလိုက်ရ​တော့၏။ လူတစ်​ယောက်ထံမှ ယခုလိုအချစ်ခံ​နေရခြင်းဟာ အချိန်နှင့်အမျှစက္ကန့်တိုင်းလိုလို ရင်ခုန်​နေရ​လေပြီး ယခုထက်ထိ နာကျင်မှုအစွန်းအစ​လေးများကျန်​နေ​သေးပါလျက်နှင့်ပင် ;

"မ​နာ​တော့ဘူး ၊ နင် ​စော​စောအိပ်​တော့!"

တစ်ဖက်ဆီတွင် ရုတ်ချည်းအသံတိတ်သွားခဲ့ပြီး အသက်ရှူသံများကအစ ငြိမ်သက်တိုးဖျသွားခဲ့သည်။ ရွှီကျစ်သည်ပင် တစ်ဖက်လူ အိပ်​ပျော်သွားနှင့်ပြီဟု ထင်လိုက်မိသည့်အခါတွင်မှ ရုတ်ချည်း လှမ်း​ခေါ်လာခဲ့သည်။

"ရွှီကျစ်"

"အမ်"

"ဒီဝိုင်က အရမ်းပြင်းတာပဲ"

သူဟာ ပျင်းပျင်းရိရိ​လေးရယ်လိုက်ရင်း ;

"ပြင်းလွန်းလို့ ကိုယ့်အ​မေကို​တောင် ​ပြေးကန်​တော့ချင်မိတယ် ၊ ကိုယ့်ကို မင်း ရှာ​တွေ့သွား​အောင်လုပ်​ပေးတဲ့အတွက် ​ကျေးဇူးတင်ချင်လို့"

"ဒါကို နင် ထန်ရွှီကိုလည်း အာဘွား​တစ်ချက်​လောက်ပေးသင့်တာ​ပေါ့"

သူ့​​ကြောင့်သာမဟုတ်လျှင် နှစ်​ယောက်သားက ​တွေ့ဆုံရလိမ့်မည်မဟုတ်။

"ကိုယ့်ကို ပြဿနာမ​ပေးပါနဲ့ ဟုတ်ပြီလား"

"​လျှောက်​ပြော​နေတာပါ...."

ရွှီကျစ်မှဆက်၍ ;

"ချန်​ကျောင်း​ကျောင်း....ငါ နင့်ကို ချစ်တယ်​နော်"

"အင်း ၊ ကိုယ်ရောတစ်ချက်...."

ရွှီကျစ် ပြုံးလိုက်မိ၏ ; ဒီတစ်​ယောက် တကယ်မူး​နေတာပဲ!