နဉ်နဉ်က သေလောက်အောင် ညည်းညူလိုက်ချင်ပေမယ့်လည်း ရိုက်ကူးနေရဆဲမို့ သည်းခံနိုင်စွမ်းရှိနေဆဲဖြစ်တယ်။ " ခေါင်းဆောင်၊ ကံကောင်းမှုက ငါတို့လက်ထဲမှာ မရှိဘူးပဲ၊ အဲဒါကို သိပ်ဂရုမစိုက်ပါနဲ့"
လင်ချန်အန်းရဲ့အမူအရာက ပိုဆိုးသွားတယ်။
သူ ဘာလို့ သိပ်ဂရုမစိုက်သင့်တာလဲ။
သူက သူတို့အဖွဲ့ကို ကိုယ်စားပြုတယ်လေ။ နဥ်နဥ်က သူကံဆိုးနေတာမို့လို့ အမှားလုပ်မိတာလို့ ဘာကြောင့်ပြောရတာလဲ။
သူက လူကြီးလူကောင်းပီသဖို့ မစဉ်းစားချင်တော့ဘူး။ သူက ပြုံးလိုက်ပြီး မျက်၀န်းတွေထဲ အပြုံးမပါဘဲ ပြောလိုက်တယ်။“ငါသိရင် မဲနှိုက်ဖို့ ကိုယ်စားလှယ်အဖြစ် မင်းကိုလွှတ်လိုက်တာပေါ့ မင်း ကံကောင်းပြီး ကောင်းတာလေးရမလားဆိုတာ ငါမသိနိုင်ဘူးလေ!"
ယမ်းမှုန့် (တင်းမာမှု) နံ့ပြင်းပြင်းက အဖွဲ့ထဲမှာ ပျံ့နှံသွားတယ်။ အဖွဲ့ထဲက လူကောင်းကျန်းကျစ်က "ကျွန်တော် ငယ်ငယ်က ကျေးလက်မှာ ကြီးပြင်းခဲ့ရပြီး ငါးမျှားတတ်တယ်၊ ကိရိယာတွေ မကောင်းရင်လည်း ကိစ္စမရှိပါဘူး"
နဉ်နဉ်နဲ့လင်ချန်းအန်းရဲ့ အမူအရာတွေက အနည်းငယ် ပြေလျော့သွားကာ တစ်ယောက်ကို တစ်ယောက်မကြည့်မိဖို့ ကျောခိုင်းထားလိုက်ကြတယ်။
လင်ချန်အန်းတို့အဖွဲ့မှ သဘောထားကွဲလွဲမှုတွေနဲ့ လုံးဝမတူဘဲ လော့ချယ်တို့အဖွဲ့ရှိ လေထုကတော့ သဟဇာတဖြစ်နေတယ်။
သူတို့က အရမ်းကိုစိတ်အေးလက်အေးဖြစ်နေပြီး လီရှောင်းဟယ်ကတော့ အရမ်းကို စိတ်လှုပ်ရှားနေတာပေါ့။
သူမက ပါးစပ်ကို လက်တစ်ဖက်နဲ့အုပ်ပြီး ရိုက်ကူးရေးဝန်ထမ်း ယူဆောင်လာပေးတဲ့ ငါးဖမ်းကိရိယာကို ညွှန်ပြကာ "ဝိုး၊ ဒါက အရမ်းမိုက်ပြီး ပရော်ဖက်ရှင်နယ်အရမ်းဆန်တာပဲ!"
ကုမျန်က လီရှောင်းဟယ်ညွှန်ပြတဲ့ လမ်းကြောင်းအတိုင်း ကြည့်လိုက်တော့ ပရော်ဖက်ရှင်နယ် ငါးဖမ်းကိရိယာအစုံကို တွေ့လိုက်ရတယ်။
ပရိုဂရမ်က စပွန်ဆာများစွာနဲ့ ရေပန်းစားတဲ့ reality show ဖြစ်ဖို့ ထိုက်တန်ပြီး ၎င်းက အမှန်တကယ်ကို ချမ်းသာကြွယ်၀လှတယ်။
ČTEŠ
ဗုဒ္ဓဘာသာ၀င်မိန်းကလေးက စာအုပ်တစ်အုပ်ထဲကို ကူးပြောင်းသွားတယ်
NezařaditelnéAssociated name : 佛系少女穿书日常 Author : 十六月西瓜 , shiliu yue xigua Status in COO : 253 chapters (complete)
Chapter 97
Začít od začátku
