بسم الله الرحمن الرحيم
اللهم صل على محمد وال محمد
مساء الخير
#صاحب القفاز الأسود
بقلمي انا : زينب أحمد
Insta : Z_an_21b
حبيباتي حبيت اعتذر منكم على البارت هذا بيه مشاهد ممكن تزعجكم بس تحملوني هذه البارتات وراح يتحسن كل شي بالبارتات القادمة ان شاء الله 🤍
قراءة ممتعة 🤍
_______________________________________
نرجس : كاعدة اسوي دولمة رتاج مشتهيتها الحمد لله وبعد جلسات طويلة وعلاجات كدرت رتاج ترجع تاكل وتمشي وتحجي آكيد مو مثل قبل بس خضعت لهواية جلسات الفيزيائية ..
سلمى : عمة نساعدج
نرجس : اي تعالن
رنا : رحت اني وسلمى كعدنا يم خالة نرجس لحتى نساعدها
نرجس : رنا انتِ اغسلي السلق كولش زين وقطعي اطرافه و احفري الشجر والفلفل وجهزي البصل
وانت سلمى اغسلي اللحم واثرميه وضيفي التمن والطماطم والبصل والكرفس وملحيه وبهريه واكعدي انت ورنا لفن الگدر بس اريد لف الدولمة مرتب بحيث تلفن الورق مثل القلم
سلمى : وانتِ عمة شنو راح تسوين ؟
نرجس : اني اوكف اشرف على شغلجن
رنا : بدأنا نشتغل اني وسلمى وخالة كاعدة على الكرسي تشرب قهوة ومخليه رجل على رجل وتصيح علينه
نرجس :لفيها عدل سلمى سويها مثل القلم ولجن اخ ياگلبي أضل اعلم بيجن شلون بله
رنا : خالة تنوكل والله اذا كانت حلوة اللفة لو لا اهم شي الفكرة
نرجس : لا لازم الاكل يكون حلو ومرتب العين هي الي تاكل
رنا : بغصة ...كانت أيفان تسوي دولمة كولش طيبة
سلمى : چا ماطلعتي عليها
نرجس : اتركن الكلام واشتغلن يلا بسرعة يلا
: ثواني وسمعنا رضا يصيح بصوت عالي
سلمى : اجه خطيبج اللئيم
رنا : ليش يصيح شكو !
نرجس : ثواني ودخل رضا يصيح ولازم موبايل رنا ...
رضا : هاي شنو المحادثات هذا منووووووووووو رنا ؟؟؟
نرجس : لاتصيح ولك احجي بهدوء وفهمنا شصاير
رضا : هذه البريئة المؤدبة الي جبرتوني وخطبتها وراح تصير زوجتي الليل كله تراسل بهذا شوفي اخذي الموبايل شوفي المحادثات شوفي
نرجس : اخذت الموبايل منه كان اكو محادثة بينها وبين شخص غريب والرسائل صارلها هواي اباوع لرنا وجهها احمر ومحتقن وتبجي
YOU ARE READING
صاحب القفاز الأسود
Romanceفي عالم مليء بالألغاز والتشويق، شخص غامض يرتدي قفازًا أسود ليزيده غموضاً. هل سيكشف عن هويته ويواجه تحديات جديدة ومثيرة؟
