صاحب القفاز الأسود

part 3

مساء الخير ...

# صاحب القفاز الأسود ..

بقلمي انا : زينب أحمد

Insta : Z_an_21b

بنات الرواية ابدا ما عليها دعم رغم هي رواية ممتعة فكاهية وغامضة واكيد تناسب جميع الاعمار وهذا اهم شي ممكن اقدمه لان مااحب اعلم اي شخص بأي عمر كان معلومة وهو ما يكون مستعد لحتى يتعلمها واكيد فهمتو قصدي ..

بنات الدعم هو الي يشجعني لحتى استمر واكتب لان من اشوف  قليل ما اتشجع اكتب اي شي واحتمال أوقف الرواية .. لذلك لاتنسون التصويت للبارت بنجمة حبيباتي واكيد  تعلقون تعليقات حلوة مثلكم .. اسفة على الأطلة اترككم وي البارت 🤍

قراءة ممتعة ✨🤍
____________________________________

ايفان : فتحت الصندوق وتفاجئت بالاشياء الي شفتها....

كان اكو هواي اشياء بس هذه الاشياء كلها تخص البنات لكيت قراصات صغار و شريط احمر و ساعة وردية و صبغ اضافر ولعابة صغيرة بس كلش قديمه لدرجة حتى الشعر ذايب من الحرارة وصاير مثل العلج على وجه اللعابة..

شنو هذه الاشياء شنو كاعد يصير حاولت اقفل العلبة بس ما انقفلت رجعتها لمكانها ورجعت الاوراق حاولت ارتبهن مثل قبل ورجعتهن لمكانهن رتبت الغرفة لان خربطتها واني ادور ورجعت كعدت بمكاني واني افكر

شخص مجرم وكبير بالعمر شنو ممكن يسوي بهذه الاشياء التافهة وليش ضامها وليش عنده هالگد چفوف بكنتوره وليش نهائيا ما ينزعهن بقت الف فكرة تدور ببالي والف علامة استفهام ..

ثواني وسمعت صوت الباب يندك ..

ايفان : منو ؟

أصر : افتحي الباب

ايفان : منو انت ؟

أصر : الباشا دزلج اكل افتحي الباب

ايفان : ركضت للصالة لفيت حجابي ورجعت فتحت الباب كان مامقفول وينفتح من جوه فتحت الباب واخذت الاكل وبسرعة سديته كولش اخاف منهم مااعرف منو هذولة وشنو يردون مني

ايفان : فتحت العلاكة مال الاكل شفت الاكل عبارة عن كباب ومشاوي وصمون و طماطم مشوية وطرشي

حسيت لعبت نفسي من ريحة اللحم ابد مااكدر اتقبله او اكله اخذت صمونه وخليت بيها الطماطم المشوية وشوية طرشي بعدت عني علاكة الاكل  وبقيت اكل  حسيت نفسي شبعت رحت غسلت وخليت باقي الاكل بالثلاجة ..

ايفان : دخلت للحمام وقفلته عليه سبحت وطلعت نشفت شعري وبقيت ادور عن مشط لحتى امشط شعري صحيح شعري خفيف بس كولش احب اعتني بيه ..

رحت لغرفته بقيت ادور بأغراضه لكيت مشط صغير بقيت امشط بيه شعري ولان بدون زيت حسيت بصعوبة بتمشيطه لحدما انكسر كم سن من اسنان المشط ..