مساء الخير
# صاحب القفاز الأسود ..
بقلمي انا : زينب أحمد
Insta : Z_an_21b
_______________________________________
ايفان : نزلت دموعي .. اني شنو دخلني بكل هالموضوع ليش هددتني بأمي تميم ليش
تميم : اريد انتقم منه !
أيفان : من منو ؟
تميم : من حبيبج رائد
أيفان : ليش ؟ شنو علاقته رائد تميم !
تميم : رائد اخوي هو وامه دمروا حياتي خسروني اختي ..
ايفان : شهكت مصدومه خليت ايدي على حلكي اشوفه يحجي بغصة..
: ردت اخليه يعيش جزء بسيط من المعاناة الي عشتها ردت احسسه شكد صعبة من يتعلق بشخص ويروح من بين اديه
أيفان : بس رائد كان صغير شنو ذنبه
تميم : من ماتت اختي كان رائد مولود جديد من كبر وصار شاب رجعت حبيت اتواصل وياه حبيت تقوى علاقتنه ونصير اخوه مثل كل اثنين بس الي صار رائد مااستقبلني ابدا وحتى طردني من بيته الي هو المفروض بيتي ..
أيفان : وانت عاقبته بيه مو ؟
تميم : اي
أيفان : نزلت دموعي حسيتها تحرگ بروحي مسحتها ماردت أضعف ابدا كدامه حجيت بعصبية .. شنو ذنبي بمشاكلكم تميم ؟ مافكرت بيه ولو شوية مافكرت بأمي المريضة او اخواني الي محتاجيني تميم ؟ ليش دخلتني بهذا الأعصار الي بينكم ليش
تميم : كل كلامج صحيح ايفان انتِ ماالج علاقة نهائيا بس اني ردت اكسره بفقدانج اريده يحس ولو بجزء بسيط من الي حسسني بيه هو وامه
أيفان :: رجعني لأمي تميم واوعدك ماراح اجيبلها سيرة والله ماراح احجي ابد بالموضوع ولاابلغ عنك ولا كأن صار شي راح انسى كل شي صدكني
تميم : مااكدر
ايفان : حجيت بعصبية من اسلوبه .. لييييش؟
تميم : انت هسه مطلوبة للعدالة لان مشتركة بجريمه التـ*ـجارة بالاعـ*ـضاء البشرية وبس ترجعين راح يقبضون عليج خلي ارتب الوضع واوعدج راح ترجعين لعائلتج بس خليني اخذ حقي بالأول
أيفان : شهكت بخوف يعني اني هسه متهمة مثلك!
تميم : اي
أيفان : حسيت روحي راحت من كلامه مااعرف شنو اتصرف لو بقيت حياتي بخطر واذا ارجع راح انسجن او اموت ..
تميم : راح ترجعين ايفان بس خليني اخذ حقي
أيفان : باوعت بعيونه شفت نظراته كلها انكسار ماكأن تميم الصلب القوي تـ*ـاجر الأعـ* ـضاء البشرية المجرم المطلوب بالدولة حسيته بعده الطفل الي ماتت اخته بين أديه بعدت نظراتي عنه وكمت دخلت بوحدة من الغرف قفلت الباب عليه تمددت على فراش بالكاع ومخده وكنت كولش مهضومه نزلت دموعي بيومها بقيت للصبح ماكدرت انام أفكر بكل شي صار ..
आप पढ़ रहे हैं
صاحب القفاز الأسود
रोमांसفي عالم مليء بالألغاز والتشويق، شخص غامض يرتدي قفازًا أسود ليزيده غموضاً. هل سيكشف عن هويته ويواجه تحديات جديدة ومثيرة؟
