مساء الخير
# صاحب القفاز الأسود ..
بقلمي انا : زينب أحمد
Insta : Z_an_21b
صلوا على محمد وآل محمد 🤍
قراءة ممتعة 🤍
_______________________________________
رنا : كاعدين اني وعمه جنان وخالة نرجس وسلوى بالمطبخ ثواني ودخل رضا
رضا : اريد مي بارد مثل الثلج
رنا : رحت مباشرة للثلاجة طلعت ثلج وخليته بكلاص كبير وضفتله مي ورحت انطيهيا
رضا : اني ما طلبت منج
رنا : حسيت نفسي كولش محرجة من الرد مالته والكل صار يباوعلي خليت الكلاص على المجمدة الي كانت قريبة مني ورحت لغرفتي مباشرة ً مااعرف ليش رضا دائما يتصرف وياي هيج ...
جنان : كاعدين اني والبنات نلف دولمة دخل رضا وطلب مي اشوف رنا بسرعة كامت تجيبله وهو فشلها ومااخذ منها كمت اني غسلت ايدي ونشفتها ورحت لرضا لزمته من ايده ودخلت بيه للغرفة
رضا : شكو
جنان : ليش هيج تتعامل وياها
رضا : شلون تريدين اتعامل وياها ماتشوفيها
جنان : شسوت البنيه طلبت مي واحترمتك وراحت جابتلك ببدال ما تتشكرها
رضا : يمه اضوج منها غثيثة
جنان : حجيت بعصبية .. انت راح تبقى تعامل الناس هيج رضا ؟ رفعت اصبعي بوجه محذرة اسلوبك حسنه وي الناس احنه مو بالخارج بطل هذه التصرفات الطفولية هنا الحركة والكلمة تنحسب عليك رضا مو مثل من كنت بالخارج صايع وتعلمت لكل السوالف التعبانه وماكدرت اسيطر عليك مع الاسف
رضا : ترى والله كبرتي الموضوع
جنان : ماكبرت ولا صغرت هذه بنت عمتك هسه تروح تعتذر الها وتحسن معاملتك الها بعدين هي صغيرة وشوف تصرفاتها اوزن واعقل من تصرفاتك
رضا : لا والله ما اعتذرلها
جنان : طلعت من غرفته ورحت لغرفة رنا دكيت الباب ثواني وسمعت صوتها مبحوح
رنا : منو ؟
جنان : اني حبيبتي اكدر ادخل
رنا : تفضلي عمه
جنان : دخلت لرنا شفتها وجها اصفر وعيونها حمر مبينه باجية وضايجة رحت كعدت يمها لزمت ايدها ..
جنان : رناوي حبيبتي لاتضوجين من ابن خالج هو هيج وي الكل
رنا : تلعثمت من كلامها .. لا عمة لا ما ضايجة اني
رنا : نزلت دموعي مسحتها اشوف عمة جنان حضنتي وصارت تمسد على شعري بكل حنية
جنان : لاتبجين حبيبتي يلا امسحي دموعج وتعالي ويانه
YOU ARE READING
صاحب القفاز الأسود
Romanceفي عالم مليء بالألغاز والتشويق، شخص غامض يرتدي قفازًا أسود ليزيده غموضاً. هل سيكشف عن هويته ويواجه تحديات جديدة ومثيرة؟
