بسم الله الرحمن الرحيم
اللهم صل على محمد وآل محمد
صاحب القفاز الأسود
بقلمي : زينب احمد
حساب الانستگرام @z_an_21b
قناة التليگرام https://t.me/isiom3
بوت التليجرام @@sukarati_bot
حبيباتي اود التنبيه على ان هذه الرواية حقيقية ممزوجة مع الخيال الواقعي لتصل اليكم بصورة جميلة وممتعة
الرجاء عدم التلفظ بكلمات سيئة وتذكروا انها تدل على اخلاقكم ونضجكم لنجعل الاحترام متبادل بيننا 🤍✨
____________________________________
_
في يوم ممطر ولطيف في إحدى المنازل العراقية الدافئة، حيث يجول فيها الدفء والحنان، رن منبه هاتفي لاستيقاظي. تنبهت لصوته وأغلقت المنبه بسرعة. كانت الغرفة مليئة بالهدوء والسكينة، وكنت أشعر بنسمات الهواء الباردة تتسلل من خلال النافذة المفتوحة....
أيفان : كمت امشي بخطوات متثاقلة كلش نعسانة شوكت تجي الجمعة اريد انام يوم كامل من النعاس .. رحت سديت شباك غرفتي تأفأت بملل هذا يحتاجله تصليح ....
غسلت وجهي وتوضيت بهالاثناء كعدت اخواني الصغار الي كرهوني بحياتي من اكعدهم للمدرسة مايكعدون رحت سحبت اللحاف من زيد وفتحت الضوه
زيد : مااريد اداوم عوفيني
ايفان : كوم شنو بكيفك يلا بسرعة والله اذا ما تكعد اجيب مي واسبحك وانت نايم ..
ايفان : شفته كعد رجعت لغرفتي كعدت اختي من النوم واكيد بمعاناة يلا كعدت صليت وبدلت على السريع اجاني السايق الي لازم كل يوم اتحمل نكده وكلامه لان اتأخر عليه بعد معاناة وصلت للمستشفى لحتى ابدأ يوم من ايام الشغل الشاق والمتعب مع المرضى بصمت ورحت لغرفتي تواجه وياي دكتور محمد
ايفان : صباح الخير
دكتور محمد : صباح النور .. ايفان المريضة الي اجت امس تحتاج علاج بعد 10 دقائق روحيلها
ايفان : حاضر دكتور .. بداخلي تأفأفت شنو ماكو غيري هنا .. رحت مباشرة للغرفة خليت جنطتي واغراضي ورحت لغرفة المريضة انطيتها العلاج اللازم ورجعت لغرفتي كعدت وي البنات اكل ثواني واتصل عليه رائد ..
رائد : صباح الخير لاحلى بنيه بكل العراق
ايفان : بأبتسامه .. صباح الخيرات شلونك
رائد : من سمعت صوتج صرت زين
ايفان : الحمد لله انك زين واني هم تحسنت من سمعت صوتك
YOU ARE READING
صاحب القفاز الأسود
Romanceفي عالم مليء بالألغاز والتشويق، شخص غامض يرتدي قفازًا أسود ليزيده غموضاً. هل سيكشف عن هويته ويواجه تحديات جديدة ومثيرة؟
