صاحب القفاز الأسود

part4

مساء الخير ...

# صاحب القفاز الأسود ..

بقلمي انا : زينب أحمد

Insta : Z_an_21b
قراءة ممتعة ✨🤍

_______________________________________

أيفان : اني بنيه قوية واكدر افلش كل حاجز يوكف بطريقي ..  حتى لو كان هذا الحاجز وجهك  ..  !

ايفان : حجيت هيج وما احس الا ضربني براشدي قوي بوجهي ودخل لغرفته بقيت ابجي من الالم ثواني وطلع من الغرفة ..

تميم : كتلج لسانج لاتطولينه لاتجبريني اسوي شي مااريد اسويه ..

ايفان : باوعتله بنضرات حقد وحجيت واني اكز على اسناني .. اريد ارجع لأهلي

تميم  : ما الج  طلعة من هذا البيت بس من تصيرين جنازة

ايفان : كال هيج وطلع من البيت وسد الباب بقوة انفجرت من العصبية بقيت اكسر كل شي اشوفه كدامي واملخ بشعري واضرب بالحايط لحدما ايدي نزفت

كعدت ماعندي طاقة اباوع لأيدي تنزف كل جسمي تعبان ونحلان ومشتاقة لأمي كولش كمت مباشرة رحت لغرفته بقيت ادور على قطعه قماش الف ايدي بيها مالكيت شگيت من چرچف الچرباية قطعه حسيتها نظيفة  لفيت ايدي بيها

ايفان : طلعت من غرفته لبست حجابي وفتحت باب البيت شوية شوية لحتى مايطلع صوت وطلعت الحديقة كانت كلها زلم تحرس البيت وبقيت اتحرك شوية شوية واحاول اوصل لباب البيت الخارجي لحتى اكدر اطلع ثواني وحسيت ايد على كتفي شهكت بخوف ..

أصر : وين رايحة !

ايفان : بعدت ايده وبقيت اركض اشوفه بقى واكف ومكتف اديه ويضحك حتى باقي الحراس شافوني ومحد منعني  بقيت اركض لحدما وصلت لباب البيت الخارجي كان باب عالي ومحكم حاولت افتح الباب بس ماكدرت بقيت احاول حسيت ايدي صارت تأذيني ..

أصر : ماراح تكدرين تطلعين من هذا المكان

ايفان : راح تدفعون الثمن غالي .. راح تدفعون الثمن بأعز ناسكم اوعدكم بهذا الشي

أصر : لزمت كتفها بقوة .. ارجعي ادخلي اذا يجي الباشا ويشوفج راح تروحين بيها

ايفان : اتركني لاتلمسني اني امشي ..بقيت امشي وهو  وراي وصلت لباب البيت دخلت وردت اسد الباب بوجه .. حسيت الباب ماينسد شفته مخلي رجله لحتى مااكدر اسد الباب

أصر :  اليوم الباشا مايجي حاولي تصيرين عاقلة ولا تجازفين بشي ترى انتِ الي تخسرين

ايفان : سمعت كلامه شفته بعد رجله سديت الباب كعدت والباب بظهري واني ابجي واشهك من الخوف الي بداخلي من هالاشخاص ..

ايفان : تعوذت بالله ورحت غسلت وجهي وايدي وكعدت بالصالة ضايجة ومالة رحت دخلت لغرفة تميم وبقيت ادور بأغراضه كنت اريد اي شي حتى اوصل لطرف الخيط ..