صاحب القفاز الأسود

Part 2

مساء الخير ...

# صاحب القفاز الأسود ..

بقلمي انا : زينب أحمد

Insta : Z_an_21b

قراءة ممتعة ✨🤍
____________________________________

ايفان : منو ممكن يكون هذا الشخص ؟

_ ثواني واجاني السايق رجعت للبيت وكالعادة مباشرة رحت لغرفة امي واطمئنيت عليها وبعدها رحت لغرفة اخواني شفتهم نايمين رحت بدلت وتوضيت لحتى اصلي .. صليت ودعيت لأمي بالشفاء حسيت نفسي بهذه الفترة كلش بحاجتها..

رحت تمددت بفراشي واني ببالي لو رائد اجه وخطبني ولازم اجهز لزواجي منو راح يجهزني وامي بالفراش واختي صغيرة وخالتي مشغولة بأمي .. صحيح اني كبيرة وواعية واعرف اشتري كل شي بنفسي بس كولش حلو من البنيه تجهزها امها بزواجها .. قاطع تفكيري اتصال من هاجر ..

هاجر : الو شلونج حياتوو

ايفان : هلا حبيبتي شلونج

هاجر : زينه انتِ شلونج صايرة ماتنشافين واسطاتج قوية

ايفان : شسوي تدرين بوضعي اليوم رحت وي رنا لمجلس الامهات

هاجر : ياحبيبتي .. بشري شلونها

ايفان : الحمد لله رفعت راسي

هاجر : الحمد لله .. اليوم دكتور محمد شلع گلوبنا كل شوية ويصيحني

ايفان : اي هو گدرته بس علينا ما يشوف الشباب كاعدين لا شغلة ولاعملة بس احنه البنات لان ساكتين مستغلنا

هاجر : انت و السكوت ؟ شغلتين ما متولمات

ايفان : اي اني ما اسكت عن حقي بس مرات مالي خلك اجادل

هاجر : اي احسن هيج .. شلون صارت خالة ؟

ايفان : ابد مو زينه ما كاعد تتحسن

هاجر : لا حول ولا قوة الا بالله خلي عينج بعين الله هذا امتحان الج

ايفان : والنعم بالله

هاجر : يلا حبيبتي روحي نامي وارتاحي

ايفان : الله وياج

_ غلقت الاتصال وي هاجر ونمت نومه كلش مريحة كعدت على اذان المغرب غسلت ورحت لأمي شغلت يمها قرآن ورحت للمطبخ سويتلها اكل حتى تاكل وتاخذ علاجها .. كعدت يمها بدأت اعطيها الاكل شوية شوية بالصوندة حسيتها شبعت بدلتلها ملابسها وعطرتها وكعدت اسولف وياها

ايفان : لزمت ايدها وبستها .. ماما حبيبتي اليوم رحت لمدرسة رنا كل المدرسات يمدحن بيها وبأخلاقها وبذكائها كلش فرحت لان هيج تعبي طلع بيه نتيجة

ايفان : حسيت امي من اسولفلها عننا تفرح وترتاح وحتى تبتسم ابتسامه خفيفة .. رجعت نومتها وفرشت سجادتي يمها وصليت ..