بسم الله الرحمن الرحيم
اللهم صل على محمد وآل محمد 🤍
مساء الخير ..#
صاحب القفاز الأسود ..
بقلمي انا : زينب أحمد
Insta : Z_an_21b
بنات حبيباتي ليش التفاعل قليل على البارتات ؟ البارت مايوصل عدد تعليقاته حتى 10 ! لاتنسوني من تعليقاتكم الحلوة اللطيفة وتصوتون للبارت بنجمة
أنكسـر
مجداف عمـري بزحمة الـروح
ووگـف بيه الزمن يم " اليكرهون "
خفت همي تكشفه أسـرار " العيون "
خَـيطت النظر عن لا " يشـوفون "
خفت حيـلي يحدب يكـشف "العـوز"
ظهر شديت صبري لشيل " المتـون"
قراءة ممتعة 🤍
_______________________________________
أيفان : أجر تكسي صعدنا وبدأت تمشي السيارة كولش عجبني المكان الي اني بيه منطقة زراعية تفتح النفس كلها خضار اشوف البقر والاغنام بكثرة موجودة واشواف النسوان الي رابطات على خصرهن عباية ولابسات حجاب وهن يخبزن بتنور الطين كانت الاجواء كولش حلوة
: بقت تمشي بينا السيارة لحدما وصلنا لمكان ..
تميم : يلا انزلي
أيفان : وين جايبني تميم ؟
تميم : انزلي وهسه تشوفين
ايفان : نزلت وبقينا اني وتميم نمشي شوية وشفت أسطبل من الخيول بأشكالها والوانها واحجامها المختلفه كانت الاجواء مثل الحلم .. شوية واجه شخص لازم حصان كولش حلو بقيت العب وياه ثواني وتميم كال ..
تميم : حلو ؟ عجبج ؟
أيفان : اي كولش عجبني يجنن
تميم : مبروك عليج
أيفان : باوعتله مصدومة .. تميم يعني هذا الحصان الي ؟
تميم : اي
أيفان : بقيت العب وياه اشوف شعره كلش حلو وناعم كنت كولش فرحانه بيه .. قاطعني صوته
السائس : اذا تحبين اركبي عليه
أيفان : هزيت راسي موافقة واني كولش فرحانه ساعدني وصعدت كعدت على ظهره والسائس بقى يمشي بيه شوية واني لازمه زين بيه خايفة اوكع منه بس كان شعور كولش حلو
أيفان : كافي اريد انزل خطية ظهره
: اشوف تميم والسائس يضحكون نزلت شوية شوية بقى تميم يسولف وي السائس مبتعدين عني واني واكفة يم الحصان كعدت أظفر بشعره واسويله تسريحات فرحانة بيه شوية وصحت بصوت عالي
YOU ARE READING
صاحب القفاز الأسود
Romanceفي عالم مليء بالألغاز والتشويق، شخص غامض يرتدي قفازًا أسود ليزيده غموضاً. هل سيكشف عن هويته ويواجه تحديات جديدة ومثيرة؟
