مساء الخير ...
# صاحب القفاز الأسود ..
بقلمي انا : زينب أحمد
Insta : Z_an_21b
صلوا على محمد وآل محمد 🤍
عيـدكـم مبــارك وكــل عــام وأنتـم بخـير 🤍
قراءة ممتعة ✨🤍
_______________________________________
تميم : يلا جهزي نفسج شوية ويجي أصر ياخذج
أيفان : لوين ؟!
تميم : ترى اكره البنية الي تسأل هواي اني
أيفان : تافافت بقلة صبر
تميم : بسرعة 10 دقايق ويجي أصر ياخذج
أيفان : هزيت راسي بقبول رغم مامرتاحة بس عسى وان اكدر اطلع من هذا الجحيم الي اني بيه سويت نفسي اغسل بالمطبخ اخذت سجينة صغيرة ضميتها بملابسي غسلت وجهي وطلعت سمعته يخابر...
تميم : هلا بيك .. اي .. جاهزة .. انتبه اصر .. تمام
ايفان : ثواني وكال لي لحتى اطلع من البيت وفعلا بس فتحت باب البيت كان أصر موجود صرت امشي وهو بجانبي واكو ورانا هواية زلم لابسين اسود وضخمين وصلنا لباب البيت الخارجي شفت سيارة سوده واكفة بالباب اشرلي أصر لحتى اصعد
_ صعدت بالسيارة كانت السيارة مظللة ثواني وكعد أصر يمي مبتعد شوية عني وشخص يسوق وشخص ثاني كاعد بالصدر
أصر : لازم تلبسين هذه
أيفان : شفت بأيده قطعة قماش سوداء.. شنو هذه؟
أصر : لحتى ماتشوفين المكان الي رايحين له
أيفان : تحجي صدك انت؟ ترى تميم كال من اليوم ورايح تشتغلين ويانه يعني شنو كلما اروح لازم تغطون عيني!
أصر : ما نثق بيج ... بدأت اربط العصابة على عيونها وكلت للسايق يمشي..
أيفان : ما وصلنا!
أصر : الطريق نص ساعة شوية ونوصل
أيفان : كعدت عيوني مربوطة مااشوف شي بس احس بالمكان بعيد ومقطوع لان اول ما رحنا سمعت اصوات سيارات وبعدها انقطعت الاصوات والوضع هدوء شوية ووكفت السيارة
أصر : انزلي..
أيفان : نزلت من السيارة حسيت احد لزم ايدي مباشرة سحبتها منه
أصر : تمام راح اوجهج وانت امشي
أيفان : بقيت امشي حاولت انزع العصابة من عيني لان عيوني صارت تأذيني وحتى خفت هم وين ماخذيني
أصر : لا تنزعين العصابة من عينج امشي
أيفان : بقيت امشي شوية شوية خايفة اوكع وهو يوجهني لحدما كاللي لحتى انزع العصابة من عيوني نزعتها وبقيت امسح بعيوني..
YOU ARE READING
صاحب القفاز الأسود
Romanceفي عالم مليء بالألغاز والتشويق، شخص غامض يرتدي قفازًا أسود ليزيده غموضاً. هل سيكشف عن هويته ويواجه تحديات جديدة ومثيرة؟
