"ကျစ်ကျစ်"
"?"
စန်းကျစ်အတွက် ဤအမည်နာမ ခေါ်ဆိုခံရခြင်းမှာ သတိပေးခေါင်းလောင်းသံမြည်သည်နှင့် အတူတူပင်။ စန်းကျစ် ချက်ချင်းခေါင်းမော့ကြည့်လိုက်ပြီး သတိကြီးကြီးထား၍ ;
"ကိုကို....ညီမလေးမှာ ပိုက်ဆံမရှိဘူး"
"...."
စန်းရန်က ဒေါသထွက်ထွက်ဖြင့်ရယ်လိုက်ပြီး ;
"ဘယ်သူက မင်း ပိုက်ဆံကို လိုချင်နေလို့လဲ"
စန်းကျစ်က ဘာမှပြန်မပြောတော့ဘဲ အသံတိတ်ဖြင့်နောက်သို့ ခြေတစ်လှမ်းဆုတ်လိုက်သည်။
"ကိုကို့ကို တစ်ခုကူညီပေး"
စန်းရန်က အညင်သာဆုံးစကားဆိုနေရင်း ဝိန်းရိဖန် ရှိသည့်အရပ်သို့ စိတ်ရှည်လက်ရှည်ဖြင့်လက်ညှိုးထိုးပြ၍ ;
"ဟိုနားမှာရပ်နေတဲ့ မမကိုတွေ့တယ်မလား ၊ အပြင်ဘက်မှာ စာအုပ်ဖတ်နေတဲ့တစ်ယောက်လေ"
စန်းကျီက လက်ညှိုးထိုးပြသည့်အတိုင်း လိုက်ကြည့်ပြီး 'အင်း' ဟု ပြန်ဖြေလာ၏။
စန်းရန်က ဆက်ပြီး
"ညီမလေးက အဲ့နားကိုသွားပြီး မမ ကိုပြောလိုက် ၊ ညီမလေးရဲ့ကိုကို ကို ရှာမတွေ့တော့လို့ဆိုပြီး..."
သူ့စကားမဆုံးခင် စန်းကျီစ်၏မျက်နှာက တဖြည်းဖြည်းနှင့်နီရဲလာသည့်အပြင် အမူအရာကလည်း လန့်ပြီးရှက်သွေးဖြာသလိုမျိုး ဖြစ်လာသည်ကို စန်းရန် သတိထားမိသဖြင့် ;
"မင်းက ဘာလို့မျက်နှာတွေနီလာတာလဲ"
စန်းကျစ်က မျက်နှာကို ဖြတ်ခနဲအုပ်ပစ်လိုက်သော်ငြား လက်ချောင်းများကြားထဲမှ ဝိန်းရိဖန်ကို ခိုးကြည့်နေဆဲ။ မျက်ဝန်းဝိုင်းဝိုင်းလေးများက တလက်လက်တောက်ပလာကာ ကသိကအောက်နိုင်စွာဖြင့် စကားဆိုလာ၏။
"အဲ့မမက အရမ်းလှတာပဲ ၊ ညီမလေး..ညီမလေး သွားရမှာရှက်တယ်"
"...."
စန်းရန် ;
"မင်းက ရှက်ရကောင်းမှန်းလည်း သိသေးတယ်ပေါ့"
YOU ARE READING
နှင်းဦးဝေဝေ [ ဘာသာပြန် ]
Romanceဒီလောက်နှစ်တွေအကြာကြီးကြာခဲ့တာတောင် ကိုယ် အခုချိန်ထိ မင်းတစ်ယောက်တည်းကိုပဲ သဘောကျနေခဲ့တာပါ -စန်းရန်-
Special Chapter
Start from the beginning
![နှင်းဦးဝေဝေ [ ဘာသာပြန် ]](https://img.wattpad.com/cover/354800938-64-k108778.jpg)