"ညီမလေးရဲ့အစ်ကိုက ဦးလေးနဲ့အန်တီ စိတ်ဆိုးအောင် တစ်ခုခုလုပ်ထားလို့လဲ"
စန်းကျစ်က ပြုံးလိုက်ရင်းနှင့် ;
"ဟုတ်တယ် ၊ မမတို့ မလာခင် လွန်ခဲ့တဲ့လေးနာရီလောက်ကတည်းက မေမေတို့ ကိုကို့အကြောင်းပွစိပွစိလုပ်နေတာကို ညီမလေးနားထောင်နေရတာ"
"...."
"နှစ်သစ်ကူးညစာ စပြင်တဲ့အချိန်ကတည်းက စ,ဆူနေတယ်ပဲ ဆိုပါတော့"
စန်းကျစ်က လက်ချောင်းများထောင်ကာ မိဘများ မကျေမနပ်ဖြစ်နေသည့် စန်းရန်၏လုပ်ရပ်များကို ရေတွက်ပြလာ၏။
"အိမ်ပြန်မလာဘူး ၊ ဖုန်းမဆက်ဘူး ၊ မက်ဆေ့မပို့ဘူး ၊ အခြေအနေကိုမပြောပြဘူး ၊ ထမင်းလေးစားဖို့အတွက်ကိုတောင် ရှိခိုးဦးချမတတ် လိုက်ခေါ်နေရတယ် ၊ Blind Date သွားခိုင်းတဲ့အကြိမ်တိုင်းမှာလည်း တစ်ဖက်က မိန်းကလေးကို ပေါက်ကရတွေပြောပြီး မောင်းထုတ်..."
စကားမှားသွားမည်စိုးသောကြောင့် စန်းကျစ်က ထပ်ပေါင်း၍စကားဆိုလိုက်၏။
"ဒါပေမယ့် မားက ကိုကို့အတွက် Blind date မစီစဥ်ပေးတော့တာ ကြာလှပြီနော်"
ဝိန်းရိဖန်က ဆက်၌မေးလိုက်သည်။
"အန်တီက ဘာဖြစ်လို့ စန်းရန်အတွက် အမြဲတမ်း Blind date လိုက်စီစဥ်ပေးနေတာလဲ"
စန်းကျစ်က တစ်စက္ကန့်လေးမျှပင် မစဥ်းစားတော့ဘဲ ချက်ချင်းပြန်ဖြေလာ၏။
"ညီမလေးအစ်ကိုရဲ့အကျင့်ကြီးကို ဘယ်သူက သည်းညည်းခံပေးနိုင်မှာလဲလေ ဟုတ်တယ်မလား ၊ အဲ့ဒါကြောင့်မလို့ ကြိုတင်ရှာပေးနေရတာ"
"...."
"ဒါပေမယ့် ကိုကိုက မမကိုအရမ်းသဘောကျတာတော့ သေချာတယ်"
စန်းကျစ်က မျက်ဝန်းများကွေးသည်အထိ ပြုံးလိုက်ကာ စိတ်ထဲ၌လည်း ထူးဆန်းသလိုဖြစ်နေသည့်ကိစ္စအား ထုတ်ပြောလာခဲ့သည်။
"ကိုကို ရည်းစားထားခဲ့တာမျိုးကို ညီမလေး တစ်ခါမှမမြင်ဖူးခဲ့ပေမယ့် သူ ကြောက်နေတာမျိုးကိုတော့ ပထမဆုံးမြင်ဖူးတာပဲ"
![](https://img.wattpad.com/cover/354800938-288-k108778.jpg)
YOU ARE READING
နှင်းဦးဝေဝေ [ ဘာသာပြန် ]
Romanceဒီလောက်နှစ်တွေအကြာကြီးကြာခဲ့တာတောင် ကိုယ် အခုချိန်ထိ မင်းတစ်ယောက်တည်းကိုပဲ သဘောကျနေခဲ့တာပါ -စန်းရန်-
Chapter 84
Start from the beginning