မပြည့်စုံသော သူဌေးမလေး:
အခန်း ၂၃ ။ [ ဒီ လက်ဖျားခါရလောက်တဲ့ ရည်းစား ကောင်လေး ပါဝါတွေ ]
တု ယီချိန်းကြောင့် တု ယုံးဝေ ရှက်သွားသည် ။တု ယီချိန်း သူမ၏ မသက်မသာ ဖြစ်နေသောပုံကို မြင်ပြီးနောက် သူမ ချီယီနှင့် ဘယ်လိုများ တည့်တည့်ရှုရှု နေထိုင်နိုင်သလဲ ဆိုတာကို ရုတ်တရက်ကြီး သိချင်သွားမိ၏ ။
သူ စကားပြောတော့မည့်အချိန်မှာပဲ တု ယုံးဝေ၏ ဖုန်းက တုန်ခါလာသည် ။ တု ယုံးဝေသည် သူမ ခေါင်းကို မြန်မြန်ငုံ့ကာ သူမ ဖုန်းနှင့် ဆော့ကစားနေသလိုမျိုး ဟန်ဆောင်လိုက်၏ ။
တု ယီချိန်း ပြုံးသာနေပြီး ဘာမှမပြောချေ ။
တု ယုံးဝေ ဖုန်းထဲမှ မက်ဆေ့ခ်ျက ကျန်း ရှောင်ယန် ပို့လာခဲ့ခြင်း ဖြစ်သည် ။ သူမက မက်ဆေ့ခ်ျ သုံးခု ပို့ခဲ့ပြီး သူကလည်း အဲ့ဒီ သုံးခုလုံးကို စာပြန်ထား၏ ။
ကျန်း ရှောင်ယန် : အိုခေ
ကျန်း ရှောင်ယန် : ပြောစရာ တစ်ခုခုရှိရင် ဖုန်းပဲ တန်းဆက်လိုက် ၊ စာ ပို့ရင် ငါ မမြင်လိုက်တာမျိုး ဖြစ်သွားနိုင်တယ်
ကျန်း ရှောင်ယန် သူမကို မက်ဆေ့ခ်ျသတ်သတ်လည်း ပို့ထားသေးသည် : ငါ မင်း အိမ်မှာ ၅နာရီခွဲဆို လာကြိုလိုက်မယ်
၃၀ ရက်နေ့က ကျန်း ရှောင်ယန်၏ မွေးနေ့ပွဲပင် ။
တု ယုံးဝေ : အိုခေ !
တု ယုံးဝေ ခဏ တွေးလိုက်ပြီး ဝေရွေကို မနက်ဖြန် သူမနှင့်အတူ အဝတ်အစား ဝယ် ၊ မျက်နှာပေါင်းတင် ၊ အလှသွားပြင်ရန် လိုက်မလားဟု မက်ဆေ့ခ်ျ ပို့မေးလိုက်သည် ။
ဝေရွေ : ဘယ်ပါတီပွဲကို နင် ထပ်တက်ရမှာလဲ ?ယုံး ဝေဝေ : ကျန်း ရှောင်ယန် ရဲ့ မွေးနေ့ပွဲ !
ဝေရွေ : ...
' သူ့သူငယ်ချင်းက သူလိုက်မမှီနိုင်တဲ့ အမြင့်ကိုတောင် ရောက်သွားပြီထင်ပါရဲ့ J '
သူမ နှလုံးသားထဲ၌ စကားလုံးတစ်ချို့ တီးတိုး ရေရွတ်မိသော်လည်း နောက်နေ့တွင် တု ယုံးဝေနှင့် အဝတ်အစားဝယ် ၊ မျက်နှာပေါင်းတင် သွားလုပ်ရန် အချိန်ပေးခဲ့၏ ။
YOU ARE READING
မပြည့်စုံသော သူဌေးမလေး
RomanceRebirth storyလေး နောက်ထပ်အသစ်တစ်ပုဒ်လေးပါရှင့်။ ဒါလေးကလည်း ဖတ်လို့ကောင်းတဲ့အထဲပါတာကတော့ မင်မင်ဆို တစ်ထိုင်တည်းထိုင်ဖတ်တဲ့အထိပါပဲရှင့်။ ဒါဒါလေးတို့လည်း ဖတ်ကြည့်ကြပါဦးနော်။