𝐓𝐡𝐞 𝐇𝐮𝐦𝐚𝐧 𝐌𝐚𝐭𝐞 🤎 [ SUPERNATURAL SERIES]

𝐓𝐡𝐞 𝐇𝐮𝐦𝐚𝐧 𝐌𝐚𝐭𝐞 🤎 - Episode 47

𝐓𝐡𝐞 𝐇𝐮𝐦𝐚𝐧 𝐌𝐚𝐭𝐞 🤎

⌛️♡︎ ..𝐓𝐡𝐞𝐲 𝐬𝐚𝐲
".. 𝐥𝐨𝐯𝐞 𝐲𝐨𝐮 𝐮𝐧𝐭𝐢𝐥 𝐭𝐡𝐞 𝐝𝐚𝐲 𝐈 𝐝𝐢𝐞.."
𝐖𝐞 𝐬𝐚𝐲
"..𝐈'𝐥𝐥 𝐬𝐭𝐢𝐥𝐥 𝐥𝐨𝐯𝐞 𝐲𝐨𝐮 𝐚𝐟𝐭𝐞𝐫..♡︎⌛️

[EPISODE 47]

            ____________🤎____________

                      ❣️𝐈𝐯𝐚𝐧 𝐀𝐧𝐝 𝐙𝐡𝐞𝐧𝐠❣️

ඒ වතුර මාරම පිරිසිදුයි. අඩි තුනක විතර වගේ ගැඹුරක් තමයි තිබ්බේ. ⁣දිය පාර කොච්චර පිරිසිදුද කියන්න ශෙන්ග්ට දියපාර පතුලේ තියන පැතැලි ⁣බෝල බෝල ගල් වුනත් පැහැදිලිව පෙණුනා. වටේට පිරෙන්න පිපිලා තිබ්බ මල් වලින් ආවේ මත්වෙලා යනවා වගේ සුවඳක්. අර වුල්ෆ් එක්ක දඟලලා දඟලලා මහන්සි වෙලා ශෙන්ග් හිටියේ වැටුණු සැනින් නින්ද යන සීන් එකේ. ඒත් ඒ හැමදේටම වැඩිය එයා බයවෙලා හිටියේ අයිවන් ගැන. අයිවන්ට මොකද වුනේ කියලා. එයාට ආපස්සට දුවන්නත් බයයි. වුල්ෆ් පස්සෙන් එලවන් ආවොත් කියලා.
'ඒකා යනකන් ඉදලා තමයි යන්නෝන.'
ඒත් එයා ආව පැත්ත දිහා ආපහු හැරිලා බැලුව ශෙන්ග්ට එයා කැළෑව ඇතුලේ මේ දියපාර ලගට ආව හරියවත් හොයාගන්න බෑ. කොයි පැත්තෙන්ද ආවේ කියලා හිතාගන්නත් බෑ.

කොල්ලා ගැස්සිලා හැරුණේ තෙත හොම්බක් එයාගේ උරහිසේ වදිද්දි.

"..ආහ්හ්හ්හ්!!.."

'දෙවියනේ මේකගේ උස..'

වතුර ⁣බීලා තෙත් වෙලා තිබ්බ හොම්බ ශෙන්ගේ බෙල්ලේ අතුල්ලා වුල්ෆ් ආපහු බැලුවේ වතුර පාර දිහා.

"..හරි හරි ඉන්න මාත් බොන්නම්.."

ශෙන්ග් එහෙම්ම නැවිලා අත් දෙක බොකුටු කරලා වතුර ටිකක් අරන් බිව්වේ කොල්ලගේ දත් ටිකත් එක්ක සීතල වෙලා යද්දි. ඒ වතුර එච්චරටම සීතලයි. ටිකක් වෙලා එතන්ට වෙලා ඉදලා ශෙන්ග් ඇතිවෙන්න වතුර බිව්වට පස්සේ වටපිට බල බල වුල්ෆ්ගේ පස්සෙන් ආපහු ආවේ අර කලින් පැටලිලා වැටුණ ගහ ගාවට. එයා එතනින් ඉඳගත්තම වුල්ෆ් ඇවිත් එයාගේ ඉස්සරහින් හිටගත්තා.

හරියට නිකන් මං දැන් කරන්න යන දේ හොදට බලාගන්න කියනවා වගේ. ඒ වෙලාවේ වුන ⁣විශේෂම දේ තමයි ශෙන්ගේ ඇස් දෙක වුල්ෆ්ගේ ගෝල්ඩ් මික්ස් දුඹුරු පාට ඇස්වල පැටලුණ එක. ඒ ඇස් හරියට ශෙන්ග් දිහා බලාගෙන හිටියේ ශෙන්ග්ව කලින් ඉදලම අඳුරනවා වගේ. ශෙන්ග්ට හිතුණේ ඒ ඇස් වලට කතා කරන්න පුලුවන්ද මන්දා කියලා. අනික ඒ බලන් ඉන්න විදිහට එයාට හිතුණේ ඒවා මනුස්සයෙක්ගේ ඇස් දෙකක්ද මන්දා කියලා.