وأخيرا رجعنا لمغامرتنا مع تيا وأدهم والمغامرات الجديده أتمنى تعجبكم🥰🌺
" أستغفر الله العظيم واتوب اليه "
الحلقه ال٣٢
قاطعه صوت تيا عرفاه كويس وكان صوت تاليا اللي قالت؛انتي بتعملي اي هنا...
بصتلها بصدمه وقام احمد وقال؛ مين الانسه دي..
تيا: تاليا اختي مش كدا يا تاليا...
قام وقف قدامها وقال: يا مساء العسل يا اجمل تاليا...
بصتله وقالت: مين ده يا تي... قاطعتها تيا وقالت: بصي يا قلب اختك آيه
تاليا: آيه؟؟؟
تيا: انتي بتعملي هنا اي
بصلهم وابتسم ببسمه جانبيه وقال: اي يا آيه مش هتقعدي أختك معانا
بلعت ريقها بتوتر وسمعت ادهم من السماعه وقال: قعديها وابعتيلها رساله من تليفونك بالموضوع لانك لو رفضتي هيشك...
اتنهدت وقالت: اقعدي يا تاليا... قعدت وبص احمد ليها ببسمه وقال: بتشتغلي اي بقى يا تاليا..
تاليا بعدم فهم؛ هو انت مين
احمد: انا كنت جايب شغل لآيه...
تاليا في نفسها: شغل اي هي اترفدت ولا اي؟؟ طب واي موضوع آيه ده...
احمد؛ مجوبتنيش..
تاليا؛ بعرف ارسم وفاتحه معرض رسم..
احمد: طب رسمتي القمر..
تاليا: أشمعنى؟؟
احمد: كنت هقولك إرسمي نفسك اصلك إنتي القمر كله..
حست بالخجل وفركت إديها بتوتر وسكتت إبتسم وقال قال: اي يا آيه مقولتليش انك عندك أخوات زي القمر كدا
اتكسفت وقالت: شكرا لزوقك... لاحظت تيا نظرات احمد لتاليا
تيا: طب الشغل حضرتك... انتبه وقال: ايوة صح معلش اصلي سرحت في حاجه تجنن..
تاليا: طب هروح انا عشان تعبانه...
قام احمد وقال: ما تخليكي شويه ده حتى احنا مشبعناش من القمر..
بصت في الأرض وهو قال: بتبصي في الأرض ليه انتي مبتنقطيش عسل
اتكسفت واخدت شنطتها ومشيت...
كان متابعها وعلى وشه ابتسامه تيا إستغربتها وقالت لأدهم: ولا يا ادهم انتو شوفتوا اللي شوفته
ادهم: احنا متبعين بالكاميرا ووقعت في غرام الواد ده... كتمت ضحكها لكنها كان جواها إحساس مرعب تجاهه لأختها...
قعد وقال: دي أختك..
تيا: اه..
احمد: شبه بعض
تيا؛شكرا
احمد: بس هي احلى طبعا... تنحت وهو قال: المهم عاوز تلت تماثيل زي اللي هبعتهوملك...
تيا؛ طيب من عنيا...
احمد: مش هتطلبي تمنهم...
تيا: على التسليم. بقى.. بصلها بنظره هي مفهمتهاش وابتسم بسخريه وقال: زي ما تحبي... دفع الحساب وقال: يلا بينا... اتحركوا وهي ساكته وهو قال: ساكنه فين...
وصفتله المكان ووصلها عند منطقه شعبيه ونزلها وقال: انهي عماره..
شاورت على عماره وقالت: هنا... بص للعماره وقال: هي تاليا معاكي..
تيا بحده: وانت مالك..
احمد: مش قصدي حاجه... ومشي....
بعد وقت..
كانوا قاعدين في شقه أم خالد..
تيا: انا مش مرتاحه للواد ده علفكره
خالد: ولا انا...
ليلى: ملحظتوش حاجه
بصولها بإهتمام وهي قالت: انه عينه على تاليا وسأل عليها وانا كنت مركزه من نظراته لتاليا وانه عينه عليها...
تيا: تقصدي اي
ليلى: تاليا ممكن تساعدنا في المهمه دي علفكره...
تيا بقلق وحده: انا لا يمكن ادخل تاليا في الحوارات دي
ادهم: اهدي يا تيا ليلى عندها حق تاليا ممكن تبقى الخيط اللي نوصل ليه..
تيا: انا مش هوقع اختي عشان مهمه تولع المهمه لكن اختي لاء تاليا حساسه وعاطفيه وممكن تحبه وهو ممكن يضحك عليها ويوقعها ويوصل الموضوع في الآخر لأذيتها هي وكل ده على حسابها وللمهمه مش كدا انا مش موافقه انا بنسحب من المهمه دي... وقامت ومشيت.... قام ادهم وراها
ادهم وهو بينادي عليها؛ تيا.. استني بس.. تيا..
وقف قدامها وقال: ينفع تهدي تاليا اختي زي ما هي اختي واكيد خايف عليها..
نزلت دموعها وقالت: دي تاليا يا ادهم لا يمكن ءاذيها عشان مهمه
ادهم: احنا مقولناش كده احنا شوفنا انه ميال ليها..
تيا؛ واخرته ايه يا ادهم...
سكت وهي قالت؛ انت مشوفتش ضحك بكلمتين عليها ازاي انا كتيا اتثبت وانجذبت ليه مبالك تاليا وانت عارفها حساسه وعاطفيه ولو خلصت المهمه من غير خساير واتقبض عليه ممكن تحبه وتتوجع....
ادهم: طب خلاص مش هندخلها في الموضوع اصلا حلو كدا...
تيا: تمام..
ادهم؛ تعالي نطلع ونكمل كلامنا وناخد ليلى ونروح...
حركت دماغها بالموافقه واتحركوا...
بعد وقت..
في البيت...
تيا: وبس كدا يا علي...
اتنهد وقال: تعرفي فعلا هما عندهم حق
تيا: هتقول زيهم يا بابا..
علي: اه بس انا مش هرميها بردو دي بنتي...
تيا: صح يا بابا..
علي: عرفتي معلومات تانيه عنه..
تيا: لاء..
علي: طيب يا بنتي...
تيا: هي تاليا فين
علي: في اوضتها نايمه...
اتنهدت وراحت اوضة تاليا وبصتلها بحب ومسحت على شعرها بحنان وقال: ربنا يحميكي يا قلبي...
________________'____________
تاني يوم..
في معرض الرسم...
كانت واقفه تاليا وبترسم وحواليها معجبين باللوحه ومستنينها تخلص اللوحه...
وبعد ثواني.. كانوا بيسقفوا لإبداع رسمتها وكانت الرسمه عباره عن طريق واقفه في بنت وقدامها سواد وورا السواد ده كان صوره شاب بيحاول يكسر الحاجز اللي مابينهم...
مسحت جبهتها واتنهدت براحه وابتسمت ولفت ليهم وانحنت لتصقيفهم ورفعت نظرها ليهم وأتفجأت لما لقت أحمد واقف وايده في جيبه وبيبص للرسمه بإعجاب...
شالت أدوتها واتحركت وكانت هتمشي وقفها صوته وهو بيقول؛ تاليا مش كدا..
تاليا؛ ايوة يا فندم.. ابتسم وقال بمشاكسه وطريقته في التكلم مع البنات اللي من كلماته توقعهم في حبه: فندم ايه بس يا قمر ده انتي اللي فندم...
بصت في الأرض وقالت؛ هو في حاجه...
احمد: اه انا جيت اشوف جمال اللوحه دي...
ابتسمت وقالت؛ بجد عجبتك... قرب خطوه وقال: انا فهمت يعني اي فن من ساعت ما شوفتك يا تاليا... احمر خدها خجلا من كلامه وأتكلمت بنبرة كلها خجل: بعد إذنك يا أستاذ أحمد عيب طريقتك دي
ابتسم وقرب منها خطوة كمان وقال: تعرفي ان خجلك ده اللي شددني ليكي ومخليني معلقني بيكي أكتر...
رفعت نظرها ليها وقالت: انت تعرفني...
ابتسم وقال: أعرفك بس يا تاليا...
تاليا: طب عن اذنك... كانت هتمشي مسك اديها وقال: طب أصبري بس
بصت لإديه وحاولت تبعده لكن ايده كانت مسكاها جامد
تاليا: بعد اذنك ايدي
تجاهلها وقال: كنت عاوز نقعد في مكان هادي نتكلم فيه
تاليا: بعد اذنك انت بتوجعني ايدي بتوجعني... سابها وهي مسكت اديها بوجع
احمد: افهم من كدا انك مش عوزه نتكلم...
تاليا: انا اسفه والله بس مش هينفع بابا هيزعل مني...
ابتسم وقال: وانا ميرضنيش أذيتك ولا زعل بباكي منك... وانحنى وقال بغزل فصحى: سنلتقي مجددا حلوتي ربما هنا أو تحت ضوء القمر...
ومشي وهي أبتسمت عليه وحطت اديها على قلبها وهمست جواها؛ أحمد...
في مكان تاني...
مجهول ١:لسه شايفهه اهه يا باشا...
مجهول٢:وشوفت ايه كان بيعمل اي
مجهول١:كان معاه بنت وباين عليه مهتم بيه... ابتسم المجهول بشر وقال: باين كدا ان في حد واقع ومش حد عارف يلحقهه... ابتسم بشر وقال: نفذ...
مجهول١:اومرك يا باشا...
طلعت تاليا من المعرض وهي بتشاور لعربيه تقف عشان توصلها فهي مبتعرفش تسوق زي تيا...
في الطريق...
كانت بتتكلم فالتليفون مع تيا...
تاليا: انا جايه خلاص اهه يا تيا
تيا: ارجوكي يا تاليا بسرعه...
تاليا: والله قربت بس في ايه..
تيا: لما تيجي هحكيلك..
تاليا: طيب... هو انتي ليه امبارح كنتي بتتكلمي مع احمد وبتقولي انك اسمك آيه
تيا: ما هو ده اللي هكلمك فيه يا حبيبتي...
بعد وقت...
وقفت العربيه تحت ڤيلا علي...
نزلت تاليا وجريت عليها تيا وقالت بلهفه: انتي كويسه...
استغربت وقالت: في ايه يا بت...
تيا: مش مهم تعالي في الجنينه هنتكلم...
قعدوا في جنينه الڤيلا...
تاليا: فهميني بقى...
تيا: أحمد
دق قلبها بسرعه وقالت؛ ماله...
تيا: ده يبقى.... مكملتش كلامها بسبب اللي حصل...
يتبع..
ياترى إيه اللي هيحصل ده اللي هنتعرف عليه الحلقه الجايه إستنوناا...
___________🌺🌺🌺🌺🌺🌺🌺🌺🌺__________________
السلام عليكم ورحمة الله وبركاته ❤
كل سنه وانتم طيبين يا حبايبي وأخيرا نزلت حلقه من تيا وأدهم أسفه والله على التأخير بس كنت مشغوله شويه مع إن الحلقه كانت جاهزه بس الحمد لله يعني هحاول أنزل حلقه تانيه أنهارده أو بكره بالكتير وأستنوني يوم وقفة العيد بمفجأة لتيا وأدهم 🥰🌺
أتمنى الحلقه تعجبكم قولولي رأيكم فيها سلااام🥰🌺🌺
YOU ARE READING
حب طفولتي(شغل جنان×جنان)
Romanceتبدأ الحكايه من غرباء أرادوا أن يجربوا طعم الحب أحدهما ذاقه لكن كان مع الشخص الخطأ في سن لا يجب أن يكون فيه حب لكن القدر أوقعهما في طريق بعضهما تحول البرود بينهم إلى صداقه تطورت الصداقه وأصبحت حب لكن كل منهما يخفي حبه عن الآخر لكي لا يندمان ويتفرقوا...
