الحلقه ال٢٦
كانوا قاعدين ومره سمعوا صوت افيال
قامت جريت عليهم وقالت: الله افيال انابحبهم... جريوا وراهم وادهم قال: استني يا تيا بدل ما تتأذي
ومره واحده وقفوا لما هي وقفت وفضلت تبص للمنظر الطبيعي وهي شايفه ميه صافيه والخضره الطبيعيه والاشجار والافيال حوالين الميه
كانت بتسقف وقالت: الله اي المكان ده
ليلى: حلو اويي... تعالي نتصور
بدأت تتصور هي وليلى وهو واقف بيبصلها بحب خبطه خالد في كتفه وقال: اي ياعم ماتمسك نفسك
ادهم: اعمل اي بحبها
خالد: اي رأيكم نتصور كلنا...
تيا وليلى: اشطا... وقفوا جمب بعض وهي مسكت الفون وكانت هتصور زق ليلى ووقف جمبها وقال: يلا يسطا صور... بصتله لكنها صورت....
قعدوا عالأرض وهي قالت بصراخ: انا جعااااااانههه
ادهم في نفسه: ياربييي بحب جاموسه بتجعر
ضحكت ليلى وخالد عليها ومره واحده شافوا خروف ماشي بعيد
تيا: ادهم.. ادهم... اكلللل
قام وقال: الله واكبر عليك ده انت امك داعيه عليك
وقفوا ورا صخره وهو واقف وهو بيتسحب وقال: تعالى تعالى بص انا كلاب بطني بتهوهو انا هموت من الجوع انا مكلتش من امبارح والجاموسه اللي بحبها جعانه وعاوزه تطفح ودي لو مكالتش هتاكلني انا... انا عارفها طفسه ومش بتفرق مابين بني ادم او اكل.... ومره واحده نط فوقيه وقال: الله واكبر جهزوا السكاكين....
معداش دقايق وكان قاعد عالارض وهي بتبص للخروف بشفقه وقالت: يعيني هيدبح... وانت يا قاتل هتدبحه...
ادهم بصدمه: قاتل؟؟؟ هو مش انتي جعانه وعاوزه تاكلي
تيا: آكل اي بقى بعد ما شوفت الخروف القمر ده هيدبح من اقرب الناس ليا
لطم على وشه وقال: يابنتي مش انتي قولتي جعانه وعاوزه اكل
تيا: انا
ادهم: اومال اللي كانت بتجعرر من شويه دي كانت مين امي...
بدأت الخناقه وخالد وليلى عمالين يضحكوا عليهم
بعد شويه كانوا راجعين وادهم شايل تيا على ضهره بعد ما اداها واحده في دماغها عشان تسكت...
خالد: البت ماتت ولا اي
ادهم: لاء ادتها روسيه في دماغها بس مبتقمش بعدها..
خالد: انت شايل الملاك وانا شايل الشيطان
ضحك وقال: مكنش خروف شايله يعني
خالد: اه ما انت مش حاسس باللي انا فيه
ضحكوا وليلى بتبص لتيا اللي مقدمه راسه ازرقت من الخبطه وقالت: يعيني يا تيا راسها ازرقت
ادهم: بصي دي مبتتهدش غير كده هتقول هتزعق معايا شويه وبعدين اول ما هتشوف الاكل ولا كأني عملتلها حاجه
ليلى: مش باين عليها يعني دي رفيعه
ادهم: عشان بتحرق بعد الاكل... بتاكل من هنا وتقعد تجري وتعمل اي مجهود عشان متتخنش
ضحكوا عليها معداش دقايق وكانوا وصلوا المعسكر اول ما رائف شافهم جري عليهم وقال: اي ده تيا ملها...
احمد: اي ده انتو جبتوا اكل
ادهم: اه
جوري بغيره: انت ماسك تيا كدا ليه ياعم ادهم
مردش واداها لرائف وقال: خليها لما تصحى تشوفك انت عشان لو شافتني هتحدفني بأي حاجه هتشوفها... وعارف انك هتزعق وهتقولي انت ازاي شلتها او لمستها او... او... عموما اهه بنتك معاك... ودخل وطلع وهو ماسك سكاكين وقال: بسم الله الله اكبر...
بعد وقت...
صحيت وملقتش حد جمبها طلعت برا لقتهم حولين ادهم وهو مولع نار وبيشوي اللحمه
اول ماشافته مسكت طوبه وحدفتها عليه جت في جبهته بصلها بصدمه وقال: في اي...... اي اللي عملتيه ده...
تيا: تستاهل عشان تضربني كده تاني
خلع اللي في رجله وحدفه عليها وهي قالت: انت بتحدف عليا الجذمه يا ادهم الكلب...
قام وجري وراها وقال: انا جبهتي بتنزف يا جذمه ينفع كدا.... جمالي يتشوهه
تيا: جمال مين يا معفن..
مسكها من هدومها وقال: عجبك الدم ده
تيا: وانت عاجبك جبهتي وهي مزرقه كده
ادهم: عسل يختي
تيا: سبني بقى كدا... عشان برستيجي
ضحك وسابها وهي قالت: انا جعانه
ادهم: تعالى يختي لسه بنعمل...
كانوا قاعدين وبيضحكوا عليهم
بعد وقت...
كانوا بياكلوا وهي مالت عليه وهمست: هو رائف فين..
ادهم: في خيمته
تيا: ما تيجي نروحله
ادهم: تعالي
قاموا الاتنين وعيون جيسي وجوري عليهم اول ماراحوا عند رائف لقوه نايم
تيا بصراخ: راااائففف
قام اتخض وقال: في اي.. واول ماشافهم قال: في اي ياكلاب عاوزين اي
ادهم: اي روفا مش عاوز تاكل اكلي موحشكش
تيا: دي جامده والله يا رائف تعالى ناكل مع بعض... بصلهم بحب ابوي وهما قعدوا على هيئة دايرة وبدأوا ياكلوا
تيا: تصدق يا ادهم اكلك ليه واحشه
ابتسم ورائف قال بمشاكسه: ليه بتحبيه
تيا بتوتر: احب مين لاء انا مبحبهوش هو زي....
قاطعها رائف بضحك وقال: اي يا بنتي انتي فهمتي اي انا قصدي عالأكل انتي فهمتي مين... وبص لأدهم اللي عنيه كانت عليها...
تيا ببسمه: ايوة... بحب اكل ادهم.. ربنا يعلم
ابتسملها وقال: ربنا يعلم واني بح..... قاطعه رائف وبصله وقال: الحمدلله شبعت... لما تخلصوا قومي ياتيا وانت خليك يا ادهم عاوزك
بعد وقت...
كان قاعد ادهم ورائف قدامه
رائف: يا غبي كنت هتكشف نفسك لاء وكنت هتخسرها..
ادهم: زله لسان والله.... هو يمكن بعد السنين دي كلها متكنش حبتني حتى لو واحد فالميه
رائف: معرفش مش بركز
ادهم: انت متركزش انت ده انت سوسه
رائف: ما تلم نفسك ياجذمه
ضحك وقال: خلاص يا عم رائف....
رائف: انت حبيتها ليه
ادهم: مش عارف.... انا نفسي مش عارف
رائف: يا سيدي يا سيدي عالحب...
ادهم: عارف يعني اي احبها من وانا صغير دي حب طفولتي يا رائف
رائف: عارف.... مفكرتش تحب غيرها
ادهم بضحك: العبد لله حبيبته مكفياه
ضحك وقال: لاء بجد مفكرتش
ادهم: لاء ومش هعرف احب غيرها... وقام مشي...
كان واقف حد ورا الخيمه وكان......
يتبع....
أنت تقرأ
حب طفولتي(شغل جنان×جنان)
Romanceتبدأ الحكايه من غرباء أرادوا أن يجربوا طعم الحب أحدهما ذاقه لكن كان مع الشخص الخطأ في سن لا يجب أن يكون فيه حب لكن القدر أوقعهما في طريق بعضهما تحول البرود بينهم إلى صداقه تطورت الصداقه وأصبحت حب لكن كل منهما يخفي حبه عن الآخر لكي لا يندمان ويتفرقوا...
